ମାଲକାନଗିରି ଜିଲ୍ଲାରେ ବ୍ୟାଙ୍କ କର୍ମଚାରୀ ଧର୍ମଘଟ, ବ୍ୟାଙ୍କରେ ତାଲା,ଗ୍ରାହକ ହନ୍ତସନ୍ତ

ମାଲକାନଗିରି,୨୨ା୮ (ଓଡିଆ ପୁଅ) ବ୍ୟାଙ୍କିଙ୍ଗ ଶିଳ୍ପର ପ୍ରଚଳିତ ବିଭିନ୍ନ ଜନସ୍ୱାର୍ଥ ବିରୋଧୀ ଓ କର୍ମଚାରୀ ମାରଣ ନୀତିକୁ ବିରୋଧ କରି ୯ ଦଫା ଦାବିପୁରଣ ନେଇ ମାଲକାନଗିରି ଜିଲ୍ଲାରେ ଥିବା ୧୦ଟିରୁ ଉର୍ଦ୍ଦ ଜାତୀୟସ୍ତରୀୟ ବ୍ୟାଙ୍କର ଶତାଧିକ କର୍ମଚାରୀ ମାନେ ଆଜି ଦିନିକିୟା ଧର୍ମଘଟ କରିଛନ୍ତି । ଯାହା ଫଳରେକି ଜିଲ୍ଲାରେ ଥିବା ଏହି ସବୁ ବ୍ୟାଙ୍କ ଗୁଡିକରେ ତାଲା ପଡି ଯାଇଛି । ବିଶେଷ କରି ଜିଲ୍ଲାସଦର ମହକୁମା ଠାରେ ଥିବା ଏସବିଆଇ ମୁଖ୍ୟଶାଖାର ବ୍ୟାଙ୍କକର୍ମଚାରି ମାନେ ବ୍ୟାଙ୍କ ରେ ତାଲାପକାଇ ବ୍ୟାଙ୍କ ଆଗରେ ଧାରଣାରେ ବସିଥିଲେ ।ଜିଲ୍ଲାରେ ହଟାତ ସବୁ ବ୍ୟାଙ୍କ ବନ୍ଦ ହୋଇ ଯାଇଥିବାରୁ ଗ୍ରାହକ ମାନେ ନାହିଁ ନଥିବା ହଇରାଣ ହୋଇଛନ୍ତି । ଏହି ସବୁ ବ୍ୟାଙ୍କ ବନ୍ଦହେବା ସଂପର୍କରେ ଆଗରୁ ଜାଣିପାରିନଥିବା ଲୋକମାନେ ଅଯଥାରେ ଖର୍ଚାନ୍ତ ହୋଇ ବ୍ୟଙ୍କ କାମରେ ଦୁରଦୁରାନ୍ତରୁ ଆସି ନିରାଶ ହୋଇ ଫେରି ଯାଇଥିଲେ ।

Leave a Reply

Your email address will not be published. Required fields are marked *