Home ଓଡ଼ିଶା ପୁରୁଣା ଇନ୍ଦିରା ଆବାସ ଗୃହର କାନ୍ଥ ଭୁଷୁଡି ଦୁଇ ଗୁରୁତର

ପୁରୁଣା ଇନ୍ଦିରା ଆବାସ ଗୃହର କାନ୍ଥ ଭୁଷୁଡି ଦୁଇ ଗୁରୁତର

21

ମାଲକାନଗିରି,୧୫ା୯(ଓଡିଆ ପୁଅ) ମାଲକାନଗରି ଜିଲ୍ଲାରେ ଗତ ତନିଦିନଧରି ଲଗାଣ ବର୍ଷା ଲାଗିରହିବା ଦ୍ୱାରା ପୁରୁଣା ଇନ୍ଦିରା ଆବାସ ଗୃହର କାନ୍ଥ ଭୁଷୁଡି ଘରେ କାମକରୁଥିବା ବାପା ଓ ପୁଅ ଗୁରୁତର ଭାବେ ଆହତ ହୋଇଛନ୍ତି । ମାଲକାନଗିରି ଜିଲ୍ଲା ନାକାମାମୁଡି ପଚାଂୟତ ସଦର ଗ୍ରାମର ପଦୁ ପାଙ୍ଗି ଓ ତାଙ୍କ ପୁଅ ମହୋନ ପାଙ୍ଗି ଆଜି ନିଜ ଇନ୍ଦିରା ଆବାସା ଘରେ ବସି କାମକରୁଥିବା ବେଳେ ହଟାତ କାନ୍ଥଟି ସେମାନଙ୍କ ଉପରେ ଭୁଷୁଡି ପଡିଥିଲା । ସେ ଦୁହେଁ ଚିତ୍କାର କରିବାରୁ ପରିବାର ସଦସ୍ୟ ଓ ଗ୍ରାମବାସୀ ମାନେ ସେଠାକୁ ଆସି ଭଙ୍ଗା କାନ୍ଥ ତଳୁ ବାପା ପୁଅଙ୍କୁ ଉଦ୍ଧାର କରି ପ୍ରଥମେ ବାଲିମେଳା ସ୍ୱାସ୍ଥ୍ୟକେନେନ୍ଦ୍ର କୁ ଚିକିତ୍ସା ନିମନ୍ତେ ନେଇ ଯାଇଥିଲେ । ସେଠାରେ ସେମାନଙ୍କ ଅବସ୍ଥା ଗୁରୁତର ହେବାରୁ ମାଲକାନଗରି ଜିଲ୍ଲା ହସପିଟାଲକୁ ଡାକ୍ତର ମାନେ ଉଚ୍ଚତର ଚିକିତ୍ସା ନିମନ୍ତେ ପଠାଇ ଦେଇଛନ୍ତି । ପଦୁ ପାଙ୍ଗି ଜଣେ ଅତ୍ୟନ୍ତ ଗରିବ ଆଦିବାସୀ ସଂପ୍ରଦାୟର ସେ ଅନେକ ବର୍ଷତଳେ ଏକ ଇନ୍ଦିରା ଆବାସ ଘର ଟିଏ ପାଇଥିଲେ । ଅଧିକ ବର୍ଷ ପରୁଣା ହୋଇଥିବାରୁ ସେହି ଗୃହଟି ଅଧିକାଂଶ ସ୍ଥାନ ଭାଙ୍ଗି ଯାଇଥିଲା । ଭଲ ଘରଟିଏ ନଥିବାରୁ ସେହି ଭଙ୍ଗା ଇନ୍ଦିରା ଆବସରେ ପରିବାର ସହ ପଦୁ ପାଙ୍ଗି ରହିଆସୁଥିଲେ । ଗତ ତିନିଦିନ ଧରି ଲଗାଣ ବର୍ଷା ହେବା ଦ୍ୱାରା ପୁରୁଣା ଇନ୍ଦିରା ଆବାସଟିର କାନ୍ଥପାଣିରେ ଭିଜି ଆଜି ହଟାତ ଭଷୁଡି ପଡିଛି । ପଦୁ ଜଣେ ଗରିବ ଲୋକ ହୋଇଥିବାରୁ ତାଙ୍କ ଚିକିତ୍ସା ବ୍ୟବସ୍ଥା କରିବା ସହ ଓ ତାଙ୍କୁ ଆଉ ଗୋଟିଏ ନୂତନ ପ୍ରଧାନମନ୍ତ୍ରୀ ଆବାସଟିଏ ଯୋଗାଇ ଦେବା ପାଇଁ ଗ୍ରାମବାସୀ ମାନେ ଦାବିକରିଛନ୍ତି ।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.