Home ଅପରାଧ ହାତୀ ଯାତାୟତ ପଥ ନିକଟରେ ମାଲବାହୀ ଟ୍ରେନ୍ ଧକ୍କାରେ ଗୁରୁତର ଦନ୍ତା, ବନ୍ୟଜନ୍ତୁଙ୍କ ସୁରକ୍ଷା ନେଇ...

ହାତୀ ଯାତାୟତ ପଥ ନିକଟରେ ମାଲବାହୀ ଟ୍ରେନ୍ ଧକ୍କାରେ ଗୁରୁତର ଦନ୍ତା, ବନ୍ୟଜନ୍ତୁଙ୍କ ସୁରକ୍ଷା ନେଇ ଉଠୁଛି ବଡ଼ ପ୍ରଶ୍ନ

29

ହରିଚନ୍ଦନପୁର,ତା ୮ ମଇ (ଓଡ଼ିଆ ପୁଅ/ପ୍ରେମାନନ୍ଦ ଦାସ) କେନ୍ଦୁଝର ଜିଲ୍ଲା ଦେଓଗାଁ ରେଞ୍ଜ ଶଗଡପଟା ନିକଟସ୍ଥ ବାଘୁଆ ନାଳ ନିକଟରେ ମାଲବାହୀ ଟ୍ରେନ ଧକ୍କାରେ ଗୁରୁତର ହେଲା ଦନ୍ତା, ଘଟଣାସ୍ଥଳରେ ବନବିଭାଗ । ମିଳିଥିବା ଖବର ଅନୁଯାୟୀ ଶନିବାର ସନ୍ଧ୍ୟା ପ୍ରାୟ ୮.୩୦ ମିନିଟ୍ ସମୟରେ ରେଳ ଧାରଣା ପାର ହେଉଥିବା ବେଳେ ଏହି ଘଟଣା ଘଟିଛି । ମାଲବାହୀ ଖାଲି ଟ୍ରେନଟି ଟାଙ୍ଗିରିଆପାଳ ଷ୍ଟେସନରୁ କେନ୍ଦୁଝର ଅଭିମୁଖେ ଯାଉଥିବା ବେଳେ ବାଘୁଆ ନାଳ ନିକଟସ୍ଥ ହାତୀ ଯାତାୟତ ପଥରେ ଏହି ଘଟଣାଟି ଘଟିଥିବା ଜଣାପଡିଛି । ଟ୍ରେନ୍ ଧକ୍କା ଦେବା ଫଳରେ ଅଣ୍ଡିରା ଦନ୍ତା ହାତୀଟି ଧାରଣା ନିକଟରେ ଗୁରୁତର ଅବସ୍ଥାରେ ପଡ଼ି ଛଟପଟ ହୋଉଥିଲା । ଘଟଣାର ଖବର ପାଇ ଆନନ୍ଦପୁର ଡିଏଫ୍ଓ ଓ ଦେଓଗାଁ ରେଞ୍ଜର ସହ ଅନ୍ୟ କର୍ମଚାରୀ ଘଟଣାସ୍ଥଳରେ ପହଞ୍ଚି ଗୁରୁତର ଦନ୍ତାର ଚିକିତ୍ସା ଚଳାଇଥିଲେ । ଯାତାୟତ ପଥରେ ବନବିଭାଗ ପକ୍ଷରୁ ଲଗାଯାଇଥିବା ସୂଚନା ଫଳକରେ ବଡ଼ବଡ଼ ଅକ୍ଷରରେ ସୂଚିତ ଟ୍ରେନର ଗତି ଧିର କରନ୍ତୁ ଓ ହର୍ଣ୍ଣ ବଜାନ୍ତୁ । ହେଲେ ସୂଚିତ ସୂଚନା ଫଳକ ଥାଇ ମଧ୍ୟ କିଭଳି ଭାବେ ଉକ୍ତ ଚଲାପଥରେ ଗୋଟିଏ ନିରିହ ହାତୀର ଜୀବନ ଯିବାକୁ ବସିଛି । ଯାହାକୁ ନେଇ ବନ୍ୟଜନ୍ତୁଙ୍କ ସୁରକ୍ଷାକୁ ନେଇ ଜନ ସାଧାରଣରେ ଉଠୁଛି ବଡ଼ ପ୍ରଶ୍ନ ।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.