ମୁମ୍ବାଇ ୨-୪ (ଓଡ଼ିଆ ପୁଅ) ମହାରାଷ୍ଟ୍ରର ପୁଣେରେ ଜଣେ ନାବାଳକ ଛାତ୍ରର ଏପରି ଏକ ଆଶ୍ଚର୍ଯ୍ୟଜନକ ଘଟଣା ସାମନାକୁ ଆସିଛି। ଅଭିଯୋଗ ଅନୁଯାୟୀ, ଜଣେ ଗୃହ ଶିକ୍ଷୟତ୍ରୀ ଶିକ୍ଷକଙ୍କ ଅଶ୍ଳୀଳ ଭିଡିଓ ରେକର୍ଡ କରୁଥିଲା ୧୬ ବର୍ଷ ବୟସର ଜଣେ ଦଶମ ଶ୍ରେଣୀର ଛାତ୍ର। ସୂଚନାନୁସାରେ ପିତାମାତା ଜଣେ ମହିଳା ଶିକ୍ଷୟତ୍ରୀଙ୍କୁ ଗତ ୫ ବର୍ଷ ଧରି ତାଙ୍କ ଘରେ ଇଂରାଜୀ ଶିକ୍ଷାଦାନ କରିବା ପାଇଁ ଦାୟିତ୍ତ୍ୱ ଦେଇଥିଲେ। ମହିଳା ଶିକ୍ଷକ ଛାତ୍ରଙ୍କ ଘରକୁ ଆସି ଅଭିଯୁକ୍ତ ଛାତ୍ରଙ୍କୁ ଶିକ୍ଷା ଦେଉଥିଲେ। କିନ୍ତୁ ଶୁକ୍ରବାର ଦିନ ଶିକ୍ଷୟତ୍ରୀ ଛାତ୍ର ଏପରି କଳାକାରନାମା ବିଷୟରେ ଜାଣିପାରିଲେ। ଯେତେବେଳେ ସେ ତାଙ୍କୁ ଟ୍ୟୁସନ ଦେବାକୁ ଆସିଥିଲେ। ଏହି ସମୟରେ ଯେତେବେଳେ ଶିକ୍ଷକ ଛାତ୍ରଙ୍କ ଘରର ବାଥରୁମ ବ୍ୟବହାର କରିବାକୁ ବାଥରୁମକୁ ଯାଇଥିଲେ। ତା’ପରେ ସେ ସାବୁନ ବକ୍ସ ପଛରେ କିଛି ଚମକୁଥିବାର ଦେଖିଥିଲେ। ଯେତେବେଳେ ଶିକ୍ଷକ ବାକ୍ସଟିକୁ ବାହାର କଲେ, ସେ ସେଠାରେ ମୋବାଇଲ୍ ଦେଖିଲେ, ଯେଉଁଥିରେ ଭିଡିଓ ରେକର୍ଡିଂ ଚାଲୁ ରହିଥିଲା। ଶିକ୍ଷୟତ୍ରୀ ସେହି ମୋବାଇଲକୁ ତାଙ୍କ ଘରକୁ ନେଇ ଯାଞ୍ଚ କଲେ, ତା’ପରେ ତାଙ୍କ ପାଦ ତଳୁ ଭୂଇଁ ଖସିଯାଇଥିଲା। କାରଣ ସେ ଦେଖିଲେଯେ, ତାଙ୍କର ଅନେକ ଭିଡିଓ ରେକର୍ଡ ମୋବାଇଲରେ ମିଳିଥିଲା। ଏହି ସମସ୍ତ ଭିଡିଓ ବାଥରୁମରୁ ହିଁ ନିଆଯାଇଥିଲା। ମୋବାଇଲରେ ପର୍ଣ୍ଣ ସାଇଟଗୁଡିକର ଭିଡିଓ ଏବଂ କଲ ଗାର୍ଲ ସହିତ ଅଶ୍ଳୀଳ ଚାଟିଂ ମଧ୍ୟ ଦେଖିବାକୁ ମିଳିଥିଲା। ଏପରିକି ଘରେ ପିତାମାତାଙ୍କ ମଧ୍ୟରେ ଝଗଡା ତଥା ଯୁକ୍ତିତର୍କର ଭିଡିଓ ମଧ୍ୟ ମୋବାଇଲର ଏକ ଫୋଲ୍ଡରରେ ଦେଖିବାକୁ ମିଳିଥିଲା। ଏହାପରେ ମହିଳା ଶିକ୍ଷୟତ୍ରୀ ପୁଣେର ଏକ ପୋଲିସ ଷ୍ଟେସନରେ ୧୬ ବର୍ଷ ବୟସ୍କ ଛାତ୍ରଙ୍କ ବିରୋଧରେ ମାମଲା ଦାୟର କରିଥିଲେ। ଆଇଟି ଆକ୍ଟ ଅନୁଯାୟୀ ନାବାଳିକାଙ୍କ ବିରୋଧରେ ପୋଲିସ ମାମଲା ରୁଜୁ କରିଛି। ନାବାଳକ ହୋଇଥିବାରୁ ଏହି ୧୬ ବର୍ଷର ବାଳକକୁ ଶିଶୁ ସୁଧାର ଗୃହକୁ ପଠାଯିବ।
