ଇନ୍ଦୋର: ମଧ୍ୟପ୍ରଦେଶର ଇନ୍ଦୋରରୁ ମୁମ୍ବାଇର ଜଣେ ବିବାହିତ ବ୍ୟକ୍ତିଙ୍କୁ ତାଙ୍କ ଗର୍ଲଫ୍ରେଣ୍ଡ ସହିତ ଗିରଫ କରାଯାଇଛି। ସୂଚନାନୁସାରେ, ମୁମ୍ୱାଇର ତାଲୋଜାରେ ରହୁଥିବା ଜଣେ ୨୮ ବର୍ଷ ବୟସ୍କ ବ୍ୟକ୍ତି ପ୍ରଥମେ ତାଙ୍କ ପତ୍ନୀଙ୍କୁ କହିଥିଲେ ଯେ ସେ କରୋନା ପଜିଟିଭ୍ ଏବଂ କୋଭିଡ୍ ସେଣ୍ଟରରେ ଭର୍ତ୍ତି ହେବାକୁ ଯାଉଛନ୍ତି। ଏହା କହି ସେ ଘରୁ ଚାଲିଯାଇ ଥିଲେ। ଏହାପରେ ସେ ପତ୍ନୀଙ୍କୁ ଫୋନ୍ କରି କହିଥିଲେ ଯେ ତାଙ୍କର କରୋନା ପଜେଟିଭ୍ ରିପୋର୍ଟ ଆସିଛି। ତାଙ୍କର ଆଉ ବଞ୍ଚିବାକୁ ଇଚ୍ଛା ନାହିଁ। ସେ ବହୁତ ଦୁଃଖିତ ହୋଇ ମରିବାକୁ ଯାଉଛନ୍ତି। ଏହା ଶୁଣି ପତ୍ନୀ ବିରକ୍ତ ହେବାକୁ ଲାଗିଲେ ଏବଂ ତାଙ୍କୁ ସେପରି କିଛି ନକରିବାକୁ ବୁଝାଇଲେ। କିନ୍ତୁ ସ୍ୱାମୀ ଜଣଙ୍କ ଫୋନ୍ କାଟି ଦେଇଥିଲେ। ଏହାପରେ ତାଙ୍କ ଫୋନ୍ ସୁଇଚ୍ ଅଫ୍ ରହିଥିଲା। ସେ ନିଜ ବାଇକକୁ ଏକ ନିଛାଟିଆ ସ୍ଥାନରେ ରଖିଥିଲେ। ବାଇକରେ ତାଙ୍କ ହେଲମେଟ, ଅଫିସ୍ ବ୍ୟାଗ ଏବଂ ୱାଲେଟ୍ ଥିଲା। ଏହା ପରେ ପରିବାର ଲୋକେ ପୋଲିସ ଷ୍ଟେସନରେ ନିଖୋଜ ଥିବା ଖବର ଦେଇଥିଲେ। ବାସ୍ତବରେ ସେ ପୋଲିସ ଏବଂ ନିଜ ପତ୍ନୀଙ୍କୁ ବିଭ୍ରାନ୍ତ କରିବା ପାଇଁ ଆତ୍ମହତ୍ୟା କରିବାର କାହାଣୀ ରଚିଥିଲେ। ଏହାପରେ ସେ ନିଜ ପ୍ରେମିକାଙ୍କ ସହ ଯାଇ ଇନ୍ଦୋରରେ ରହିବାକୁ ଲାଗିଲେ।
ନିଖୋଜ ରିପୋର୍ଟ ପଞ୍ଜିକରଣ କରିବା ପରେ ପୋଲିସ ଆଖପାଖ ଅଞ୍ଚଳରେ ମହିଳାଙ୍କ ସ୍ୱାମୀଙ୍କୁ ଖୋଜିବା ଆରମ୍ଭ କରିଥିଲା। ସମସ୍ତ କୋଭିଡ୍ କେନ୍ଦ୍ରରେ ତାଙ୍କୁ ଖୋଜଗଲା। ଶେଷରେ ନିଖୋଜ ବ୍ୟକ୍ତିଙ୍କ ମୋବାଇଲକୁ ନଜରରେ ରଖାଯାଇଥିଲା। ବହୁ ଖୋଜାଖୋଜି କରିବା ପରେ ପୋଲିସ ତାଙ୍କୁ ପାଇଥିଲା। ଏକ ଛୋଟ ଭୁଲ ସେହି ବ୍ୟକ୍ତିଙ୍କୁ ଧରାପକାଇ ଦେଲା। ବାସ୍ତବରେ, ସେ ମୋବାଇଲରେ ତାଙ୍କର ପ୍ରଥମ ସିମ୍ ବନ୍ଦ କରି ନୂଆ ସିମ୍ ଟର୍ନ୍ ଅନ୍ କରିଥିଲେ। ମୋବାଇଲର ସର୍ବିଲାନ୍ସ (ଅବସ୍ଥିତି) ଯେତେବେଳେ ଇନ୍ଦୋର ଦେଖାଇଲା ସେତେବେଳେ ସମସ୍ତେ ଆଶ୍ଚର୍ଯ୍ୟ ହୋଇଗଲେ। ପୋଲିସର ଏକ ଟିମ୍ ଇନ୍ଦୋରରେ ପହଞ୍ଚି ତାଙ୍କ ଗାର୍ଲଫ୍ରେଣ୍ଡ ସହ ସେହି ବ୍ୟକ୍ତିଙ୍କୁ ଧରିଥିଲା। ସେ ନିଜର ପରିଚୟ ଏବଂ ନାମ ପରିବର୍ତ୍ତନ କରି ଇନ୍ଦୋରର ଏକ ଭଡ଼ା ଘରେ ଗର୍ଲଫ୍ରେଣ୍ଡଙ୍କ ସହ ରହୁଥିଲେ। ମିଳିଥିବା ସୂଚନା ଅନୁଯାୟୀ, ବ୍ୟକ୍ତି ଜଣକ ତାଙ୍କ ପତ୍ନୀଙ୍କୁ ହତ୍ୟା କରିବା ପାଇଁ ମଧ୍ୟ ଷଡ଼ଯନ୍ତ୍ର କରିଥିଲେ। /-@DevDr
