ଭଦ୍ରକ, ୨୦ା୮ (ଓଡ଼ିଆ ପୁଅ / ସ୍ନିଗ୍ଧା ରାୟ) – ତ୍ୟାଗ ବଳିାନର ପର୍ବ ତଥା ଇସଲାମ ଧର୍ମର ପ୍ରଥମ ମାସ ମହରମ ପର୍ବ ଆଜି ଭଦ୍ରକ ସହରରେ କୋଭିଡ କଟକଣା ମଧ୍ୟରେ ପାଳିତ ହୋଇଛି । ଗତବର୍ଷ ଠାରୁ କ୍ରମାଗତ ଦ୍ୱିତୀୟ ବର୍ଷରେ ଏହି ପବିତ୍ର ମହରମ ପର୍ବ କରୋନା ସଂକ୍ରମଣ ପାଇଁ ସମ୍ପୂର୍ଣ୍ଣ ଫିକା ପଡ଼ିଛି । ଏହି ପର୍ବ ଇସଲାମ ଧର୍ମରେ ଚନ୍ଦ୍ର ଗଣନାକୁ ଆଧାର କରି ପାଳନ କରାଯାଇଥାଏ । ଗତ ମଙ୍ଗଳବାର ସଂଧ୍ୟାରେ ଚନ୍ଦ୍ରକୁ ଦେଖି ବୁଧବାର ଇସଲାମ ଧର୍ମର ନବବର୍ଷ ତଥା ମହରମ ପର୍ବ ପାଳନ କରାଯାଇଥିଲା । ଏବଂ ଚନ୍ଦ୍ରର ଆଜି ୧୦ ଦିନ ତଥା(ୟମେ-ଅସୁରା) ୟାଦେଁ ଏମାମ ହେସେନ ଶୁକ୍ରବାରରେ ପର୍ବ ପାଳନ କରାଯାଇଥିଲା । ଏହାକୁ ମହରମ ପର୍ବ କୁହାଯାଏ । ମହାପୁରୁଷ ପ୍ରଫେଟ ମହମ୍ମଦଙ୍କ ନାତି ହଜରତ ଏମାମ୍ ହୋସେନ କରବଲା ମଇଦାନରେ ସହିଦ ହୋଇଥିଲେ । ଏହି ମହରମ ପର୍ବରେ ପ୍ରତ୍ୟେକ ଛକ ସହିତ ଟ୍ରେନିଂ ସ୍କୁଲ ପଡ଼ିଆ, ମଦିନା ମଇଦାନରେ ଧର୍ମସଭାର ଆୟୋଜନ ହେଉଥିଲା । କିନ୍ତୁ କରୋନା କଟକଣା ପାଇଁ ଆଜି କୌଣସି ସ୍ଥାନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇ ନାହିଁ । ଏହି ପର୍ବରେ ଏମାମ ହୋସେନଙ୍କ ସ୍ମୃତିରେ ପ୍ରତ୍ୟେକ ଘରେ ଉପବାସ ରଖନ୍ତି ଓ କୋରାନ ପଢ଼ନ୍ତି । ତେବେ ପ୍ରଶାସନର କଟକଣାକୁ ମାନି ଚଳିତ ବର୍ଷ ଶ୍ରଦ୍ଧାଳୁ ଘରେ ରହି ଏହି ପର୍ବ ପାଳନ କରିଛନ୍ତି ।
