ବଡ଼ବାନୀ ୧୭-୧୧ (ଓଡ଼ିଆ ପୁଅ) ମଧ୍ୟପ୍ରଦେଶର ବଡ଼ବାନୀ ଜିଲ୍ଲାର ମଣ୍ଡବାଡ଼ା ନିକଟରେ ଏକ କାର ଏବଂ ଟ୍ରାଲା ମଧ୍ୟରେ ଜବରଦସ୍ତ ଧକ୍କା ହେବା ଫଳରେ ପାଞ୍ଚଜଣ ଲୋକଙ୍କର ମୃତ୍ୟୁ ହୋଇଯାଇଛି। ଖବର ମୁତାବକ କାରରେ ଯାତ୍ରା କରୁଥିବା ଅଞ୍ଜଡ଼ ମିର୍ଜା ପରିବାର ଖରଗୋନ ଜିଲ୍ଲାର କସରାବଦରେ ଏକ ବିବାହ ସମାରୋହରେ ସାମିଲ ହେବାପାଇଁ ଯାଉଥିଲେ। ଏହି ସମୟରେ ତାଙ୍କ କାର ଉପରେ ଏକ ଟ୍ରାଲା ଚଢ଼ିଯାଇଥିଲା। ଘଟଣା ସ୍ଥଳରେ ହିଁ ପାଞ୍ଚଜଣଙ୍କର ମୃତ୍ୟୁ ହୋଇଯାଇଛି। ଘଟଣା ପରେ ସ୍ଥାନୀୟ ଲୋକଙ୍କର ଆକ୍ରୋଶ ଦେଖିବାକୁ ମିଳିଥିଲା। ଦୁର୍ଘଟଣାରେ ଜଣେ ଶିଶୁ ଆହତ ହୋଇଛି ଶିଶୁକୁ ଚିକିତ୍ସା ପାଇଁ ହସ୍ପିଟାଲରେ ଭର୍ତି କରାଯାଇଛି। ଏହି ଦୁର୍ଘଟଣା ରବିବାର ସକାଳେ ହୋଇଛି। କ୍ରେନ ଜରିଆରେ ଟ୍ରାଲାକୁ କାର ଉପରୁ ଉଠାଯାଇଥିଲା ଏବଂ ଶବଗୁଡ଼ିକୁ ବାହର କରାଯାଇଥିଲା। ଟ୍ରାଲା ଗୁଜରାତର ବୋଲି କୁହାଯାଉଛି ଏବଂ ଏହା ବହୁତ୍ ବେଗରେ ଯାଉଥିଲା।
