ମାଲକାନଗିରି,୧୧ା୭(ଓଡିଆ ପୁଅ ) ମାଲକାନଗିରି ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ଦିନ କୁ ଦିନ ହୁ ହୁ ହୋଇ ବଢିଚାଲିଛି,ଇତି ମଧ୍ୟରେ କରୋନା ସଂକ୍ରମଣ ଙ୍କ ସଂଖ୍ୟା ୧୩୪ ରେ ପହଁଚିଥିବା ବେଳେ ୧୦୧ସୁସ୍ଥ ହୋଇ ଘରକୁ ଫେରିଛନ୍ତି ଓ ଅନ୍ୟ ୩୩ଜଣ ସଂକ୍ରମିତ କୋଭିଡ ହସପିଟାଲରେ ଚିକିତ୍ସାଧିନ ଅଛନ୍ତି । ମାଲକାନଗିରି ପୌରାଚଂଳ ସହ ବାଲିମେଳା ସହରରୁ ସ୍ଥାନୀୟ ବ୍ୟକ୍ତିମାନଙ୍କର ପଜିଟିଭି ରିପୋର୍ଟ ଆସିବା ପରେ ଜିଲ୍ଲାପ୍ରଶାସନ ତତ୍ପର ହୋଇ ଉଠିଛି । କରୋନା ସଂକ୍ରମଣରୁ ରକ୍ଷାପାଇବା ପାଇଁ ମାଲକାନଗିରି ପୌରାଚଂଳ ସହ ବାଲିମେଳା ଏନଏସି ଅଚଂଳକୁ ଦୁଇଦିନ ପାଇଁ ସଟଡାଉନ କରିଦିଆଯାଇଛି । ଏହି ସଟ ଡାଉନ ଶୁକ୍ରବାର ରାତ୍ର୮ଟା ଠାରୁ ରବିବାର ରାତ୍ର ୧୨ଟା ପର୍ଯ୍ୟନ୍ତ ଦୁଇଦିନ ଦୀର୍ଘ୫୨ ଘଟାଂ ସଟ୍ ଡାଉନ ଘୋଷଣା କରାଯାଇଛି । ଗତ କାଲି ରାତ୍ରରେ ମାଲକାନଗିରି ଜିଲ୍ଲାସଦର ମହକୁମା ସହିତ ପୌରାଚଂଳର ୧୯ଟି ଯାକ ଓ୍ୟାର୍ଡ ରେ ତହସିଲଦାର ଡ. ଗୁଣନିଧି ନାୟକ,ମାଲକାନଗିରି ଥାନା ଅଧିକାରୀ ରାମପ୍ରସାଦ ନାଗ,ଅନ୍ୟାନ ଅଧିକାରୀ ଓ ସ୍ୱେଚ୍ଛାସେବୀ ମାନେ ସାହି ବସ୍ତି ବୁଲି ବୁଲି ଡାକବାଜି ଯନ୍ତ୍ର ଯାଗେ ସଟଡାଉନର ନିୟମ ଓ ସତର୍କତା ସଂପର୍କରେ ଜନସଚେତନତା କରିଛନ୍ତି । ସଟଡାଉନ ପାଇଁ ଆଜି ମାଲକାନଗିରି ସହରରେ ଦୋକାନ ବଜାର ଅଫିସ ସବୁ ବନ୍ଦରହିବା ସହିତ ଯାନ ବାହନଚଳାଚଳ ମଧ୍ୟ ବନ୍ଦ ରହି ରାସ୍ତାଘାଟ ସବୁ ଜନଶୂନ୍ୟ ଦେଖିବାକୁ ମିଳିଥିଲା । ବିଭିନ୍ନ ଛକ ସ୍ଥାନରେ ପୁଲିସ ମାନେ ଜଗିରହିଥିଲେ । ଜିଲ୍ଲାପାଳ ମନୀଷଅଗ୍ରଓ୍ୟାଲ ଙ୍କ ନିର୍ଦ୍ଦେଶ କ୍ରମେ ସଟ୍ଡାଉନ୍ ସୁପରିଚାଳନା ନିମନ୍ତେ ପୌରାଚଂଳର ୧୯ଟି ଯାକ ଓ୍ୟାର୍ଡପାଇଁ ୧୯ଜଣ ନୋଡାଲ ଅଫିସରଙ୍କୁ ମୁତୟନ କରାଯାଇ ଜନସାଧାରଣଙ୍କ ସୁବିଧା ପାଇଁ ସେମାନଙ୍କ ମୋବାଇଲ ନମ୍ବର ସବ ର୍ସାଧରଣ ପ୍ରକାଶ କରାଯାଇଛି । ଏହି ସଟ ଡାଉନ ସମୟରେ ପୌରାଚଂଳରେ କବେଳ ୪ଟି ଔଷଧଦୋକାନ ଖୋଲାରହିବ,ସେହି ଔଷଧ ଦୋକାନ ନାମସହିତ ମୋବାଇଲ ନମ୍ବର ଦିଆଯାଇଛି । ଏହାବ୍ୟତିତ ଜିଲ୍ଲା କଟ୍ରୋଂଲ ରୁମ ଫୋନ ନମ୍ବର, ତହସିଲାଦାର,ଅଗ୍ନିଶମ ବିଭାଗ,ଥାନା ,ପୌରପରିଷଦ ନିର୍ବାହି ଅଧିକାରୀ ଙ୍କ ନମ୍ବରକୁ ମଧ୍ୟ ସହରାବାସୀ ଫୋନ କରି ଜରୁରୀ କାଳିନ ସେବାପାଇ ପାରିବେ,ଠିତ ସେହିପରି ବାଲିମେଳା ଏନଏସିରେ ମଧ୍ୟ ଜରୁରୀ କାଳିନ ଫୋନ ନମ୍ବର ସହ ନୋଡାଲ ଅଫିସରଙ୍କ ମାବୋଇଲ ନମ୍ବର ଜାରି କରାଯାଇଛି । ଏହି ସଟଡାଉନ ସମୟରେ ବ୍ୟାଙ୍କ,ପୋ,୍ଟ ଅଫିସ ଓ ଅନ୍ୟାନ ଦୋକାନ ବଜାର ଅଫିସ ସହ ଯାନବାହନ ଚଳାଚଳ ବନ୍ଦରହିବ । ପୌରାଚଂଳର ବିଭିନ୍ନ ମୁଖ୍ୟ ରାସ୍ତାଗୁଡିକୁ ବେରିକେଟ କରାଯାଇ ପୁଲିସ ପ୍ରହରା ସହ ନାକାବନ୍ଦି କରିଦିଆଯାଇଛି । କେବଳ ରୋଗୀ ,ହସପିଟାଲ,ଆମ୍ବୁଲାନ୍ସ ସେବାକୁ ଅନୁମତି ପ୍ରଦାନ କରାଯାଇଛି ୧୨ତାରିଖ ରାତ୍ର୧୨ଟା ପଯ ର୍୍ୟନ୍ତ ୍ ପୌରାଚଂଳର ୧୯ଟି ଯାକ ଓ୍ୟାର୍ଡରେ ସଟ୍ଡାଉନ୍ ନିୟମ ବଳବତର ରହିବ, ସଟ୍ଡାଉନ ପାଇଁ ସହରବାସୀ କିଛି ଭୟଭିତ କିମ୍ବା ଛାନିଆ ହୁଅନ୍ତୁ ନାହିଁ, କରୋନା ସଂକ୍ରମଣ ଠାରୁ ଦୂରରେ ରହିବା ପାଇଁ ସଟ୍ଡାଉନ୍ ନିୟମପାଳନ କରି ସହରବାସୀ ଜିଲ୍ଲାପ୍ରଶାସନକୁ ସହଯୋଗ କରି ଘରେ ରୁହନ୍ତୁ ସୁସ୍ଥ ରୁହନ୍ତୁ,ମାସ୍କ ବ୍ୟବହାର କରିବା ସହିତ ସାମାଜିକ ଦୂରତା ବଜାୟୀ ରଖନ୍ତୁ, କୋଭିଡ୧୯ ନିୟମସହ ସରକାର ଓ ଜିଲ୍ଲାପ୍ରଶାସନ ପକ୍ଷରୁ ଜାରି କରାଯାଇଥିବା ନିୟମ କୁ ମାନନ୍ତୁ ବୋଲି ଜିଲ୍ଲାବାସୀଙ୍କୁ ଜିଲ୍ଲାପାଳ ଶ୍ରୀ ଅଗ୍ରଓ୍ୟାଲ ପରାମର୍ଶ ଦେଇଛନ୍ତି ।
