ମାଲକାନଗିରି,୮ା୩ (ଓଡିଆ ପୁଅ )ମହିଳାମାନଙ୍କୁ ସୁରକ୍ଷା ଦେବା ନିମନ୍ତେ ଆଦିବାସୀ ଅଧ୍ୟୁଷିତ ମାଓପ୍ରବଣ ମାଲକାନଗିରି ଜିଲ୍ଲାରେ ପ୍ରଥମଥର କରି ଜିଲ୍ଲାପୁଲିସ ପକ୍ଷରୁ ନିର୍ଭୟା ପାଟ୍ରୋଲିଂ ଟିମ ଉଦଘାଟିତ ହୋଇଯାଇଛି । ଆଜି ଆନ୍ତର୍ଜାତୀୟ ମହିଳାଦିବସ ଅବସରରେ ଜିଲ୍ଲାପୁଲିସ ମୁଖ୍ୟକାର୍ଯ୍ୟାଳୟ ଠାରେ ଏସପି ରିଶିକେଶ ଡି ଖିଲାରୀ ସବୁଜ ପତାକା ଦେଖାଇ ଏହାକୁ ଶୁଭାରମ୍ଭ କରିଛନ୍ତି । ପ୍ରଥମ ପର୍ଯ୍ୟାୟରେ ୧୪ଜଣ ତାଲିମ ପ୍ରାପ୍ତ ମହିଳା କନେଷ୍ଟବଳ ଙ୍କୁ ନେଇ ଏହି ଟିମ ଗଠନ କରାଯାଇଛି । ସେମାନଙ୍କୁ ସାତଟି ନୂତନ ସ୍କୁଟି,ସାତଟି ହ୍ୟାଣ୍ଡମାଇକ,୧୪ଟି ହେଲମେଟ ସହିତ ସୁରକ୍ଷା ପାଇଁ ଆବଶ୍ୟକୀୟ ଉପକରଣ ପ୍ରଦାନ କରାଯାଇଛି । ମାଲକାନଗିରି ସଦର ଆଦର୍ଶ ଥାନାକୁ ୪ଟି ସ୍କୁଟିରେ ୮ଜଣ ମହିଳା ପୁଲିସ ଓ ଓର୍କେଲ ଥାନାକୁ ୩ଟି ସ୍କୁଟିରେ ୬ଜଣ ମହିଳା ପୁଲିସ ପାଟ୍ରୋଲି ଂକରିବେ । ଏହି ନିର୍ଭୟା ପାଟ୍ରୋଲିଂ ଟିମ ସ୍କୁଟିରେ ହ୍ୟାଣ୍ଡ ମାଇକ ଧରି ବିଭିନ୍ନ ଅଚଂଳକୁ ଯଥା କଲେଜ,ହାଇସ୍କୁଲ,ବସଷ୍ଠାଣ୍ଡ,ହାଟବଜାର,ଜନଗହଳି ସ୍ଥାନରେ ପାଟ୍ରୋଲିଂ କରିବା ସହିତ ମହିଳା ମାନଙ୍କୁ ସୁରକ୍ଷା ଦେଇ ବିପଦରେ ପଡିଥିବା ଯୁବତୀ ଓ ମହିଳା ମାନଙ୍କୁ ସହାୟତା ଯୋଗାଇ ଦେବେ । ମହିଳା,ନାରି ନିର୍ଯୟାତନା ଓ ବାଲ୍ୟବିବାହ ରୋକିବା ଦିଗରେ ଜନସଚେତନା କରିବେ ବୋଲି ଏସପି ଶ୍ରୀ ଖିଲାରୀ ସାମ୍ବାଦିକ ସମ୍ମିଳନୀରେ ସୁଚନା ଦେଇଛନ୍ତି । ଏହି ଅବସରରେ ଅନ୍ୟାନ ମାନଙ୍କ ମଧ୍ୟରେ ମାଲକାନଗିରି ଏସଡିପିଓ ଅଂଶୁମାନ ଦ୍ୱିବେଦୀ,ଚିତ୍ରକୋଣ୍ଡା ଏସଡିପିଓ ସୁନାରାମ ହେମ୍ବ୍ରମ,ମାଲକାନଗିରି ଆଦର୍ଶଥାନା ଆଇଆଇସି ରାମପ୍ରସାଦ ନାଗ,ଓର୍କେଲ ଥାନା ଆଇଆଇସି ସୁଭେନ୍ଦୁ ତ୍ରୀପାଠୀ,କାଲିମେଳା ଥାନା ଆଇଆଇସି ଜଗଦିଶ ବାରା ପ୍ରମୁଖ ପୁଲିସ ଅଧିକାରୀ ମାନେ ଉପସ୍ଥିତି ଥିଲେ ।
