ନୂଆ ଦିଲ୍ଲୀ ୧୭-୧୨ (ଓଡ଼ିଆ ପୁଅ) ଏୟାର କ୍ୱାଲିଟି ମ୍ୟାନେଜମେଣ୍ଟ କମିଶନ (CAQM) ଷଷ୍ଠ ଏବଂ ତଦୁର୍ଦ୍ଧ୍ୱ ଶ୍ରେଣୀର ଛାତ୍ରମାନଙ୍କ ପାଇଁ ଦିଲ୍ଲୀ-ଏନସିଆରରେ ସ୍କୁଲ ଏବଂ କଲେଜ ଖୋଲିବାକୁ ଅନୁମତି ଦେଇଛନ୍ତି। ଏହା ପରେ ଦିଲ୍ଲୀର କେଜ୍ରିୱାଲ ସରକାର ବିଦ୍ୟାଳୟ ଖୋଲିବାକୁ ନିଷ୍ପତ୍ତି ନେଇଛନ୍ତି। ସୂଚନାଯୋଗ୍ୟଯେ, ଦିଲ୍ଲୀ-ଏନସିଆରରେ ପ୍ରଦୂଷଣ ବୃଦ୍ଧି ହେତୁ ସ୍କୁଲ ବନ୍ଦ କରାଯାଇଥିଲା।
ଦିଲ୍ଲୀର ପରିବେଶ ମନ୍ତ୍ରୀ ଗୋପାଳ ରାୟ ଡିସେମ୍ବର ୧୩ ରେ କହିଥିଲେ ଯେ, ଶିକ୍ଷା ବିଭାଗ ତାଙ୍କ ମନ୍ତ୍ରଣାଳୟକୁ ଏକ ପ୍ରସ୍ତାବ ପଠାଇଛି ଏବଂ ୬ ରୁ ଅଧିକ ଶ୍ରେଣୀର ଛାତ୍ରଛାତ୍ରୀଙ୍କ ପାଇଁ ବିଦ୍ୟାଳୟ ଏବଂ କୋଚିଂ ସେଣ୍ଟର ଖୋଲିବାକୁ ଚାହୁଁଛି। ସେ କହିଛନ୍ତି ଯେ ପଞ୍ଚମ ଶ୍ରେଣୀ ଏବଂ ତଦୁର୍ଦ୍ଧ୍ୱ ପିଲାମାନଙ୍କ ପାଇଁ ଡିସେମ୍ବର ୨୦ ରୁ ବିଦ୍ୟାଳୟ ଖୋଲିବାକୁ ଶିକ୍ଷା ବିଭାଗ ପରାମର୍ଶ ଦେଇଛି।
