Home ଓଡ଼ିଶା ଉପଭୋକ୍ତାଙ୍କୁ ଆଉ କନ୍ଫ୍ୟୁଜ୍ କରିପାରିବେନି ଟେଲିକମ୍ କମ୍ପାନୀ; TRAIର ନୂଆ ନିୟମ ..

ଉପଭୋକ୍ତାଙ୍କୁ ଆଉ କନ୍ଫ୍ୟୁଜ୍ କରିପାରିବେନି ଟେଲିକମ୍ କମ୍ପାନୀ; TRAIର ନୂଆ ନିୟମ ..

204

ନୂଆଦିଲ୍ଲୀ: କ’ଣ ଆପଣଙ୍କର ଏପରି ଅଭିଯୋଗ ରହିଛି କି ଟେଲିକମ୍ କମ୍ପାନୀ ଗୁଡ଼ିକ ଡେଟା, ସ୍ପୀଡ କିମ୍ବା ବୈଧତା ଦେବାରେ ପ୍ରତିଶୃତି ଦେଇ ଗୋଳମାଳ କରୁଛନ୍ତି। ତେବେ, ଖୁସିର କଥା ଟେଲିକମ୍ ରେଗୁଲେଟର TRAI ଆପଣଙ୍କର ଅଭିଯୋଗକୁ ଏବେ ଶୁଣିଛି। ଟାରିଫ ପ୍ଲାନ୍ ନେଇ TRAI ଏବେ ନୂତନ ନିୟମ ଜାରି କରିଛି। ଯାହା ଦ୍ୱାରା ଉପଭୋକ୍ତା ସେମାନଙ୍କର ଅଫର ବିଷୟରେ ସମ୍ପୂର୍ଣ୍ଣ ସୂଚନା ପାଇବେ ଏବଂ ସ୍ୱଚ୍ଛତା ମଧ୍ୟ ଆସିବ।

ନୂତନ ନିୟମର ଆବଶ୍ୟକତା କାହିଁକି ହେଲା –
ଅନେକ ସମୟରେ ଟେଲିକମ୍ ଗ୍ରାହକମାନେ କମ୍ପାନୀର ଅଫର୍ ବିଷୟରେ ସଂପୂର୍ଣ୍ଣ ଏବଂ ସଠିକ୍ ସୂଚନା ପାଇ ପାରୁନାହାଁନ୍ତି। ଯେଉଁଥିପାଇଁ ସେମାନେ ଭୁଲ ଯୋଜନା ବାଛୁଛନ୍ତି। ଏପରି ବିଜ୍ଞାପନ ଗୁଡ଼ିକର ନିୟମ ଉପରେ TRAI କହିଛି ଯେ ‘ଏହା ଦେଖାଯାଇଛି ଯେ ଟେଲିକମ୍ କମ୍ପାନୀଗୁଡିକର ବିଦ୍ୟମାନ ପଦ୍ଧତି ଗୁଡ଼ିକ ପାରଦର୍ଶୀ ନୁହେଁ। କିଛି କମ୍ପାନୀ ଅତିରିକ୍ତ ସର୍ତ୍ତ ଗୁଡ଼ିକ ସ୍ପଷ୍ଟ ଭାବରେ ଦର୍ଶାଉ ନାହାଁନ୍ତି ଅଥବା ଏପରି ଦର୍ଶାଉଛନ୍ତି ଯେଉଁଥିରେ ଆବଶ୍ୟକୀୟ ସୂଚନା ଉପଲବ୍ଧ ରହୁନାହିଁ କିମ୍ବା ଅସ୍ପଷ୍ଟ ରହୁଛି ଯାହା ଉପଭୋକ୍ତାଙ୍କ ବୁଝିବା ବାହାରେ। ଏବେ ନୂତନ ନିୟମ ଅନୁଯାୟୀ, ଟେଲିକମ୍ କମ୍ପାନୀ ମାନଙ୍କର ଅଫର ଗୁଡ଼ିକର ସର୍ତ୍ତାବଳୀ ସବୁ ଉପଭୋକ୍ତାଙ୍କ ପାଇଁ ବୁଝିବାରେ ଯେପରି ଅସୁବିଧା ରହିବ ନାହିଁ। ଟେଲିକମ୍ କମ୍ପାନୀ ଗୁଡ଼ିକୁ ଭାଷାକୁ ସରଳ ରଖିବାକୁ ପଡ଼ିବ।

TRAI ଦ୍ୱାରା ଜାରୀ କରାଯାଇଥିବା ସର୍ତ୍ତଗୁଡିକ ଉପରେ ଏକ ନଜର –
୧- ସମସ୍ତ ପ୍ରିପେଡ୍ ଯୋଜନାରେ ପ୍ରାପ୍ତ ଭଏସ୍ କଲ୍, ଡାଟା ଏବଂ ଏସଏମଏସ୍ ବିଷୟରେ କମ୍ପାନୀକୁ ସ୍ପଷ୍ଟ ସୂଚନା ଦେବାକୁ ପଡ଼ିବ।
୨- କମ୍ପାନୀ ଗୁଡ଼ିକୁ କହିବାକୁ ପଡ଼ିବ ଯେ କେବେ, କେଉଁଠାରେ ଏବଂ କେତେ ମିନିଟ୍ କଲିଂ କରାଯାଇ ପାରିବ ଏବଂ ପ୍ରତିଦିନ କେତେ ଏସଏମଏସ୍ ପଠାଯାଇ ପାରିବ।
୩- ପ୍ଲାନ୍ ସରିବା ପରେ ତଥ୍ୟର ଗତି କ’ଣ ହେବ ଏହା ମଧ୍ୟ କହିବାକୁ ପଡ଼ିବ।
୪- ପୋଷ୍ଟପେଡ୍ ସେବା କ୍ଷେତ୍ରରେ ପ୍ଲାନର ମୂଲ୍ୟ, ରେଣ୍ଟାଲ୍, ସିକ୍ୟୁରିଟି ଡିପୋଜିଟ୍ ଏବଂ ସଂଯୋଗ ଶୁଳ୍କର ସମ୍ପୂର୍ଣ୍ଣ ବିବରଣୀ ଦେବାକୁ ପଡ଼ିବ।
୫- ଟାରିଫ୍ ପ୍ଲାନ୍ ଅବଧି ଏବଂ ବିଲ୍ ଦେବାର ଶେଷ ତାରିଖ ସ୍ପଷ୍ଟ ଭାବରେ ଦର୍ଶାଇବାକୁ ହେବ।
୬- ଯଦି ବଣ୍ଡଲ୍ ଟାରିଫ୍ ପ୍ଲାନ୍ ଅଛି, ତେବେ ଗ୍ରାହକ ମାନଙ୍କୁ ଏଥିରେ ଥିବା ଅଣ ଟେଲିକମ୍ ସେବାଗୁଡିକ କ’ଣ କହିବାକୁ ପଡ଼ିବ।
୭- ଏହା ବ୍ୟତୀତ ଡାଟା, କଲିଂ ଏବଂ ଏସଏମଏସ୍ ବିଷୟରେ ମଧ୍ୟ ସୂଚନା ଦେବାକୁ ପଡ଼ିବ।
୮- ଯଦି ଅଣ ଟେଲିକମ୍ ସେବା ପାଇଁ ଦେୟ ଆଦାୟ କରାଯାଉଛି, ତେବେ ଏହାକୁ ମଧ୍ୟ ଜଣାଇବାକୁ ପଡ଼ିବ।
[email protected]

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.