ନୂଆ ଦିଲ୍ଲୀ/ମୁମ୍ବାଇ ୮-୯ (ଓଡ଼ିଆ ପୁଅ) ରିୟା ଚକ୍ରବର୍ତ୍ତି ଗିରଫ । ଡ୍ରଗ୍ସ କନେକ୍ସନ ଅନୁଧ୍ୟାନ କରୁଥିବା ନାର୍କୋଟିକ୍ସ ବ୍ୟୁରୋ (ଏନସିବି) ଦ୍ୱାରା ଗିରଫ ହୋଇଛନ୍ତି ରିୟା ଚକ୍ରବର୍ତ୍ତି। ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲା ତଦନ୍ତରୁ ଆରମ୍ଭ ହୋଇ ବର୍ତ୍ତମାନ ଡ୍ରଗ୍ସ ମାମଲାର ତଦନ୍ତ କରୁଛି ଏନସିବି (NCB)। ଏନସିବି ଟିମ୍ ଆଜି ଏକ ତାଲିକା ପ୍ରସ୍ତୁତ କରିଛି। ତାଲିକାରେ ପ୍ରାୟ ୨୫ ବଲିଉଡ ସେଲିବ୍ରିଟିଙ୍କର ନାମ ଥିବା କୁହାଯାଉଛି ଜାତୀୟ ଗଣମାଧ୍ୟମରେ। ଏହି ସେଲିବ୍ରିଟିଙ୍କର ନାମ ନେଇଛନ୍ତି ରିୟା ଚକ୍ରବର୍ତ୍ତୀ। ଏହା ମଧ୍ୟ ତାଙ୍କ ପାଖରୁ ମିଳିଥିବା ଇଲେକ୍ଟ୍ରୋନିକ୍ ଉପକରଣ ଦ୍ୱାରା ପ୍ରମାଣିତ ହୋଇଛି ବୋଲି ଏନସିବି ସୂତ୍ରରୁ ଜଣାପଡ଼ିଛି। କୁହାଯାଉଛିଯେ, ଆସନ୍ତା ୧୦ ଦିନ ମଧ୍ୟରେ ସେହି ସେଲେବ୍ରିଟିମାନଙ୍କୁ ଡକାଯାଇପାରେ।
ଡ୍ରଗ୍ସ କନେକ୍ସନ ଅନୁଧ୍ୟାନ କରୁଥିବା ନାର୍କୋଟିକ୍ସ ବ୍ୟୁରୋ (ଏନସିବି) ଟିମ୍ ସୁଶାନ୍ତ ସିଂ ରାଜପୁତଙ୍କ ମାମଲାରେ ଏହାର ଡୋଜିୟର/ଡକ୍ୟୁମେଣ୍ଟ ପ୍ରସ୍ତୁତ କରିଛି। ଏହି ଡକ୍ୟୁମେଣ୍ଟରେ ପ୍ରାୟ ୨୫ ବଲିଉଡ ସେଲିବ୍ରିଟି ମଧ୍ୟ ଅଛନ୍ତି। ଯାହାର ନାମ ରିୟା ଚକ୍ରବର୍ତ୍ତୀଙ୍କ ଦ୍ୱାରା ମିଳିଥିବା ଇଲେକ୍ଟ୍ରୋନିକ୍ ଉପକରଣ ଦ୍ୱାରା ପ୍ରକାଶ ପାଇଛି। ଏହି ବଲିଉଡ ସେଲିବ୍ରିଟିମାନଙ୍କ ନାମ ଏନସିବିର ଏହି ଡୋସିଅରରେ କାର୍ଟେଲ ଏ, କାର୍ଟେଲ ବି, ସି ଅଂଶରେ ସ୍ଥାନ ପାଇଛି। ଏହି ନାମଗୁଡିକ ଶୌଭିକ୍ ଏବଂ ରିୟା ଚକ୍ରବର୍ତ୍ତୀଙ୍କ ଦ୍ୱାରା ଏନସିବିକୁ ମିଳିଛି। ସେହିପରି ଯଦି ଜାତୀୟଗଣମାଧ୍ୟମର ସୂତ୍ର ଉପରେ ବିଶ୍ୱସା କରାଯାଏ ତେବେ ଏନସିବି ଗିରଫ ହୋଇଥିବା ଡ୍ରଗ୍ସ ବେପାରୀଙ୍କଠାରୁ ମିଳିଥିବା ଯେଉଁ ଇଲେକ୍ଟ୍ରୋନିକ୍ ଉପକରଣ ଜବତ କରିଛି, ସେଥିରେ ମଧ୍ୟ ଅନେକ ବଲିଉଡ କନେକ୍ସନ ଥିବା ଜଣାପଡ଼ିଛି। ବର୍ତ୍ତମାନ ଏନସିବି ଦ୍ୱାରା ଶୀଘ୍ର ସେମାନଙ୍କୁ ସମନ ପଠାଯିବ ଏବଂ ପଚରାଉଚରା ପାଇଁ ଡକାଯିବ। ବର୍ତ୍ତମାନ ଏହି ଡକ୍ୟୁମେଣ୍ଟରେ ଥିବା ତାଲିକା ଏନସିବିର ବରିଷ୍ଠ ଅଧିକାରୀଙ୍କ ପାଖକୁ ପଠାଯାଇଛି।
ଅପର ପକ୍ଷରେ, ରିୟା ଚକ୍ରବର୍ତ୍ତୀ ଏନସିବି ସାମ୍ନାରେ ଦେଇଥିବା ବିବୃତ୍ତିରେ କହିଛନ୍ତି ଯେ, ସେ ମାରିଜୁନା ସହିତ କିଛି ରାସାୟନିକ ପଦାର୍ଥ ମଧ୍ୟ ବ୍ୟବହାର କରୁଥିଲେ। ଆହୁରି ମଧ୍ୟ ସେ କହିଛନ୍ତିଯେ, ସୁଶାନ୍ତଙ୍କ ଫିଲ୍ମର ସେଟରେ ଡ୍ରଗ୍ସ ବ୍ୟବହାର କରାଯାଉଥିଲା। ରିୟା ପ୍ରକାଶ କରିଛନ୍ତି ଯେ, ସୁଶାନ୍ତଙ୍କ କୋ-ଷ୍ଟାର ଏବଂ ଅନ୍ୟ କେତେକ ଷ୍ଟାର ମଧ୍ୟ ଡ୍ରଗ୍ସ ନେଉଥିଲେ। ରିୟା ଚକ୍ରବର୍ତ୍ତୀ ମଧ୍ୟ ଯେଉଁଠାରେ ଡ୍ରଗ୍ସ ବ୍ୟବହାର କରାଯାଉଥିଲା ସେ ସ୍ଥାନର ନାମ ମଧ୍ୟ ନେଇଛନ୍ତି। ବାସ୍ତବରେ, ଏନସିବି ରିୟାଙ୍କୁ ତାଙ୍କ ଭୂମିକା ଏବଂ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଭିନ୍ନ ଭିନ୍ନ ବ୍ୟକ୍ତିଙ୍କ ବିଷୟରେ ପ୍ରଶ୍ନ କରିଥିଲା। ରିୟାଙ୍କ ଡ୍ରଗ୍ସ କନେକ୍ସନ ୨୦୧୭ ଠାରୁ ସକ୍ରିୟ ଥିଲା ବୋଲି ବିଭିନ୍ନ ରିପୋର୍ଟରେ ଉଲ୍ଲେଖ କରାଯାଇଛି।
ସୂଚନାଯୋଗ୍ୟଯେ, ଏନସିବି ଏପର୍ଯ୍ୟନ୍ତ ଏହି ମାମଲାରେ ଆଠ ଜଣଙ୍କୁ ଗିରଫ କରିଛି ସେମାନେ ହେଲେ, ଅବ୍ବାସ ଲାଖାନି, କରଣ ଆରୋରା, ଅବଦୁଲ ବଶିଷ୍ଟ ପରିହାର, ସାମୁଏଲ୍ ମିରାଣ୍ଡା, ଶୌଭିକ୍ ଚକ୍ରବର୍ତ୍ତୀ, ଦୀପେଶ ସାୱନ୍ତ, ଜାଇଡ ଭିଲାଟ୍ରା ଏବଂ କାଇଜାନ୍ ଇବ୍ରାହିମ୍। ନାର୍କୋଟିକ୍ ଡ୍ରଗ୍ ଆଣ୍ଡ ସାଇକୋଟ୍ରୋପିକ୍ ସବଷ୍ଟାନ୍ସ ଆକ୍ଟ (NDPS) ର ଧାରା ୨୦, ୨୭ ଏବଂ ୨୯ ଅନୁଯାୟୀ ଏକ ମାମଲା ପଞ୍ଜିକରଣ କରିଛି।
ସୁଶାନ୍ତ ସିଂ ରାଜପୁତଙ୍କ ପୂର୍ବତନ କର୍ମଚାରୀ ଦୀପେଶ ସାୱନ୍ତ ଏବଂ ହାଉସ ମ୍ୟାନେଜର ସାମୁଏଲ ମିରାଣ୍ଡାଙ୍କୁ ଶନିବାର ଗିରଫ କରିବା ପରେ ଏନସିବି ଦ୍ୱାରା ଗ୍ରିଲ ହୋଇ ସୁଶାନ୍ତଙ୍କ ମୁମ୍ବାଇ ବାସଭବନ ଏବଂ ତାଙ୍କ ପୱନା ଫାର୍ମହାଉସରେ ଆୟୋଜିତ ହୋଇଥିବା ପାର୍ଟିର ସମ୍ପୂର୍ଣ୍ଣ ବିବରଣୀ ଦେଇଛନ୍ତି ବୋଲି ସୂତ୍ରରୁ ପ୍ରକାଶ। ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଦ୍ୱାରା ପଚରାଉଚରା ବେଳେ ଦୁହେଁ କିଛି ‘ବଡ ଏବଂ ପ୍ରଭାବଶାଳୀ’ ନାମ ମଧ୍ୟ ରଖିଛନ୍ତି ବୋଲି ଜାତୀୟ ଗଣମାଧ୍ୟମ ସୂତ୍ରରୁ ପ୍ରକାଶ। ଯେଉଁମାନେ ସୁଶାନ୍ତଙ୍କ ବାସଭବନକୁ ବାରମ୍ବାର ଯାଉଥିଲେ ସେମାନେ ଡ୍ରଗ୍ସ ଖାଉଥିଲେ ବୋଲି ସେମାନଙ୍କ ବିଷୟରେ ଦୀପେଶ ସାୱନ୍ତ ଏବଂ ସାମୁଏଲ ମିରାଣ୍ଡା ମଧ୍ୟ ସୂଚନା ଦେଇଛନ୍ତି। ପାର୍ଟିରେ ଉପସ୍ଥିତ ଥିବା ଲୋକମାନେ କେଉଁ ଡ୍ରଗ୍ସ ଖାଉଛନ୍ତି ତାହା ମଧ୍ୟ ସେମାନେ ସୂଚନା ଦେଇଥିଲେ।
ରିୟାଙ୍କୁ ଗିରଫ ପରାଯାଇ ନଥିଲା କିନ୍ତୁ ତୃତୀୟ ଦିନରେ ପଚରାଉଚରା ଚାଲିଥିବାବେଳେ ସେ ଡ୍ରଗ୍ସ କ୍ରୟ କରିଥିବା ସ୍ୱୀକାର କରିଥିଲେ ବୋଲି କୁହାଯାଉଛି। ଏହା ପରେ ତାଙ୍କୁ ଗିରଫ କରାଯାଇଛି।
ଏହାପୂର୍ବରୁ ପ୍ରକାଶ ଯୋଗ୍ୟଯେ, ଶୌଭିକ୍ ତାଙ୍କ ଭଉଣୀ ରିୟାଙ୍କ ନିର୍ଦ୍ଦେଶରେ ଡ୍ରଗ୍ସ କ୍ରୟ କରିଥିବା ସ୍ୱୀକାର କରିଛନ୍ତି ଏବଂ ଏନସିବି ସୂତ୍ର ଅନୁଯାୟୀ ସେ ଅନ୍ୟ ଡ୍ରଗ୍ ବେପାରୀଙ୍କ ସହ ଯୋଗାଯୋଗରେ ଥିବା କହିଛନ୍ତି।
ଶୀର୍ଷ ସୂତ୍ରରୁ ରିପବ୍ଲିକ୍ ଟିଭି ପ୍ରକାଶ କରିଛିଯେ, ଶୌଭିକ ବାନ୍ଦ୍ରାସ୍ଥିତ ଏକ ଫୁଟବଲ କ୍ଲବରେ ଡ୍ରଗ୍ସ ବିକ୍ରେତା ବଶିଷ୍ଟ ପରିହାର ଏବଂ ତା ମାଧ୍ୟମରେ ସେ କାଇଜାନ ସହିତ ପରିଚିତ ହୋଇଥିଲେ।
କାଇଜାନ୍ ଏକ ରେଷ୍ଟୁରାଣ୍ଟରେ PR କାର୍ଯ୍ୟନିର୍ବାହୀ ଭାବରେ କାର୍ଯ୍ୟ କରେ। ଶୌଭିକ ଯୋଗ ମାଧ୍ୟମରେ ବନ୍ଧୁମାନଙ୍କୁ ଡ୍ରଗ୍ସ ଯୋଗାଇ ଦେଇଥିବାର ଅଭିଯୋଗ ହୋଇଛି।
ରିପବ୍ଲିକ ଟିଭି ଅନୁଯାୟୀ, ଶୌଭିକ୍ , ବଶିଷ୍ଟ, ଜାଇଦ୍, କାଇଜାନ୍, କରଣ ଏବଂ ଅବ୍ବାସ କ୍ୟୁରେଟେଡ୍ ଗଞ୍ଜେଇ କିମ୍ବା ଗୁଣ୍ଡ କାରବାର କରୁଥିଲେ ଏବଂ ଅଭିଯୁକ୍ତ ଡ୍ରଗ୍ ଡିଲରମାନେ ନିୟମିତ ଭାବରେ ଚକ୍ରବର୍ତ୍ତିଙ୍କ ସମ୍ପର୍କରେ ଥିଲେ।
