ନୂଆ ଦିଲ୍ଲୀ ୨୮ ଫେବୃଆରୀ (ଓଡ଼ିଆ ପୁଅ) ଦେଶର କେତେକ ରାଜ୍ୟରେ କରୋନା ମହାମାରୀ ରୋଗ ବଢ଼ୁଥିବା ମାମଲାକୁ ଦୃଷ୍ଟିରେ ରଖି ତାମିଲନାଡୁରେ ଲକ୍ଡାଉନ୍ ସରକାର ଏକ ମାସ ପୁଣି ବୃଦ୍ଧି କରିଛନ୍ତି। ତାମିଲନାଡୁରେ ବର୍ତ୍ତମାନ ୩୧ ମାର୍ଚ୍ଚ ପର୍ଯ୍ୟନ୍ତ ଏହି ଲକଡାଉନ୍ ଲାଗୁ କରାଯାଇଛି। ଜିଲ୍ଲା ପ୍ରଶାସନକୁ କରୋନା ପ୍ରୋଟୋକଲ୍ ଅନୁସରଣ କରିବାର ଦାୟିତ୍ତ୍ୱ ଦିଆଯାଇଛି। ଏଥିରେ, ମାସ୍କ ବ୍ୟବହାର, ହାତ ସଫା କରିବା, ସାମାଜିକ ଦୂରତା ଅନୁସରଣ କରିବା ପାଇଁ ଲୋକଙ୍କୁ ନିବେଦନ କରାଯିବ ଏବଂ ଏହି ନିୟମଗୁଡିକ ମଧ୍ୟ କଡାକଡି ଭାବରେ କାର୍ଯ୍ୟକାରୀ କରାଯିବ।
ତାମିଲନାଡୁ ସରକାର କହିଛନ୍ତି ଯେ, ଡାକ୍ତର ବିଶେଷଜ୍ଞ ଦଳର ପରାମର୍ଶ କ୍ରମେ ଏହି ନିଷ୍ପତ୍ତି ନିଆଯାଉଛି। ବର୍ତ୍ତମାନ ତାମିଲନାଡୁରେ ଅନ୍ତର୍ଜାତୀୟ ବିମାନ ଉଡ଼ାଣ ଉପରେ ପ୍ରତିବନ୍ଧକ ଲଗାଯିବ। ନିର୍ଦ୍ଦିଷ୍ଟ ଅବସ୍ଥାରେ କେନ୍ଦ୍ର ଦ୍ୱାରା ଦିଆଯାଇଥିବା କୋହଳ ଏଠାରେ ପ୍ରୟୋଗ ହେବ। ଆହୁରି ମଧ୍ୟ କଣ୍ଟେନମେଣ୍ଟ ଜୋନ୍ ଉପରେ ବିଶେଷ ଧ୍ୟାନ ଦିଆଯାଇଛି।
ଟ୍ରେନ୍, ବିମାନ ଯାତ୍ରା, ମେଟ୍ରୋ, ଯୋଗ କେନ୍ଦ୍ର, ଶିକ୍ଷାନୁଷ୍ଠାନ, ହୋଟେଲ, ପାର୍କ, ମଲ୍ଟିପ୍ଲେକ୍ସ ଇତ୍ୟାଦି ବନ୍ଦ ହୋଇନାହିଁ, କିନ୍ତୁ ସେଠାରେ ପୂର୍ବରୁ ରଖାଯାଇଥିବା ନିୟମ ପାଳନ କରିବା ଆବଶ୍ୟକ ହେବ। ୬୫ ବର୍ଷରୁ ଉର୍ଦ୍ଧ ବୟସ୍କ ବ୍ୟକ୍ତି, ଯେଉଁମାନଙ୍କର ଅନ୍ୟ ଗୁରୁତର ରୋଗୀ, ଗର୍ଭବତୀ ମହିଳା କିମ୍ବା ୧୦ ବର୍ଷରୁ କମ୍ ପିଲାମାନେ ଅଧିକ ସତର୍କତା ଅବଲମ୍ବନ କରିବାକୁ ନିର୍ଦ୍ଦେଶ ଦିଆଯାଇଛି। ସାନିଟାଇଜେସନ୍ ଉପରେ ଗୁରୁତ୍ତ୍ୱ ଦିଆଯାଇଛି। ଯେଉଁମାନେ ନିୟମ ଭାଙ୍ଗନ୍ତି ସେମାନେ ବିପର୍ଯ୍ୟୟ ପରିଚାଳନା ଅଧିନିୟମ, ୨୦୦୫ ଅନୁଯାୟୀ ଦଣ୍ଡିତ ହେବେ।
Lockdown in Tamil Nadu extended till March 31; the district administration shall take all necessary measures to promote #COVID19 appropriate behaviour and ensure wearing of face masks, hand hygiene and social distancing pic.twitter.com/OF6uZ6UySM
— ANI (@ANI) February 28, 2021
ତାମିଲନାଡୁରେ ଦ୍ରୁତ ଗତିରେ ବଢ଼ୁଛି ମାମଲା।
ଯେଉଁ ରାଜ୍ୟଗୁଡିକରେ କରୋନା ମାମଲା ଦ୍ରୁତ ଗତିରେ ବୃଦ୍ଧି ପାଉଛି, ସେଥି ମଧ୍ୟରେ ତାମିଲନାଡୁ ମଧ୍ୟ ଅନ୍ତର୍ଭୁକ୍ତ। ଶୁକ୍ରବାର ଦିନ, ମହାରାଷ୍ଟ୍ର, କେରଳ, ତାମିଲନାଡୁ, ପଞ୍ଜାବ, କର୍ଣ୍ଣାଟକ ଏବଂ ଗୁଜୁରାଟରୁ ପ୍ରାୟ ୯୦% ନୂତନ ମାମଲା ଆସିଥିବାବେଳେ ମହାରାଷ୍ଟ୍ର, କେରଳ, ପଞ୍ଜାବ, ତାମିଲନାଡୁ ସମେତ ଛତିଶଗଡ ଏବଂ କର୍ଣ୍ଣାଟକ ୬ ଟି ରାଜ୍ୟରେ ୮୪.୬୨ ପ୍ରତିଶତ ମୃତ୍ୟୁ ଘଟିଛି।
