ବାରବାଙ୍କି ୭-୧୦ (ଓଡ଼ିଆ ପୁଅ) : ଉତ୍ତର ପ୍ରଦେଶର ବାରବାଙ୍କି ଠାରେ ଏକ ଟ୍ରକ୍ ଏବଂ ଯାତ୍ରୀବାହୀ ବସ୍ ମଧ୍ୟରେ ଧକ୍କା ହେବା ଫଳରେ ୯ ଜଣଙ୍କର ମୃତ୍ୟୁ ଘଟିଥିବା ବେଳେ ୨୭ ଜଣ ଆହତ ହୋଇଛନ୍ତି। ଆହତମାନଙ୍କୁ ଟ୍ରମା ସେଣ୍ଟରକୁ ସ୍ଥାନାନ୍ତର କରାଯାଇଛି ବୋଲି ଡିଏମ ବାରବାଙ୍କି କହିଛନ୍ତି।
ଏଜେନ୍ସି ରିପୋର୍ଟ ଅନୁଯାୟୀ, ବାରବାଙ୍କିର ବାବୁରୀ ଗ୍ରାମ ନିକଟରେ ଏକ ବାଲୁକା ବୋଝେଇ ଟ୍ରକ ସହିତ ମୁହାଁମୁହିଁ ହୋଇଥିବା ବେଳେ ଏହି ଯାତ୍ରୀବାହୀ ବସ୍ ୭୦ ଜଣଙ୍କୁ ନେଇ ଯାଉଥିଲା। ଏହି ବସ୍ ଦିଲ୍ଲୀରୁ ବାହରାଇଚ୍ ଅଭିମୁଖେ ଯାଉଥିଲା।
ପୋଲିସ ଅଧୀକ୍ଷକ ଯମୁନା ପ୍ରସାଦଙ୍କ କହିବାନୁସାରେ, ବସ୍ ଡ୍ରାଇଭର ଏକ ଭ୍ରାନ୍ତ ଗାଈକୁ ଆଘାତ ନକରିବାକୁ ଚେଷ୍ଟା କଲାବେଳେ ଏହି ଦୁର୍ଘଟଣା ଘଟିଥିଲା। ଆହତମାନଙ୍କୁ ଲକ୍ଷ୍ନୌର ଡାକ୍ତରଖାନାରେ ଭର୍ତ୍ତି କରାଯାଇଛି। ଏହି ଘଟଣାରେ ପ୍ରାଣ ହରାଇଥିବାରୁ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦୁଃଖ ପ୍ରକାଶ କରିବା ସହ ମୃତକଙ୍କ ପରବର୍ତ୍ତୀ ସମ୍ପର୍କୀୟଙ୍କ ପାଇଁ ଦୁଇ ଲକ୍ଷ ଟଙ୍କାର ଅନୁକମ୍ପା ରାଶି ଘୋଷଣା କରିଛନ୍ତି।
ଏହି ଦୁର୍ଘଟଣାରେ ଆହତମାନଙ୍କୁ ସର୍ବୋତ୍ତମ ଚିକିତ୍ସା ସେବା ଯୋଗାଇବାକୁ ସେ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି।
