ଗାଜିଆବାଦ ୧୨-୩ (ଓଡ଼ିଆ ପୁଅ) : ଉତ୍ତରପ୍ରଦେଶର ଗାଜିଆବାଦର ସାହିବାବାଦର ଏକ କାରଖାନାରେ ଏକ ବଡ଼ ଅଗ୍ନିକାଣ୍ଡ ଘଟିଥିବାର ସୂଚନା ମିଳିଛି। ଖବର ଅନୁଯାୟୀ, ପୋଲିସ୍ ଷ୍ଟେସନ ରୋଡର ଶିଳ୍ପାଞ୍ଚଳର ଏକ କାରଖାନାରେ ଏହି ଅଗ୍ନିକାଣ୍ଡ ଘଟିଥିଲା ଯେଉଁଠାରେ ଡାକ୍ତରୀ ଉପକରଣ ତିଆରି କରାଯାଇଥାଏ। ନିଆଁ ଲାଗିବା ମାତ୍ରେ ଅଗ୍ନିଶମ ବିଭାଗର ଅନେକ ଗାଡି ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିବାକୁ ଚେଷ୍ଟା କରିଥିଲେ। ଖବର ଲେଖିବା ବେଳକୁ ନିଆଁକୁ ଆୟତ୍ତ କରାଯାଇଛି। ଏହି ଅଗ୍ନିକାଣ୍ଡରେ ୧୪ ଜଣ ଲୋକ ଜଳି ଯାଇଥିବା ଜଣାପଡିଛି, ସେମାନଙ୍କ ମଧ୍ୟରୁ କେତେକଙ୍କ ଅବସ୍ଥା ଗୁରୁତର ଥିବା କୁହାଯାଉଛି। ସେମାନଙ୍କୁ ଡାକ୍ତରଖାନା ନିଆଯାଇଛି। ଅଗ୍ନିକାଣ୍ଡର କାରଣ ଜଣାପଡି ନାହିଁ। ପୋଡ଼ିଯାଇଥିବା ଲୋକଙ୍କ ମଧ୍ୟରେ ଦୁଇଜଣ ମହିଳା ଏବଂ ଜଣେ ୧୪ ବର୍ଷର ନାବାଳକ ଥିବା କୁହାଯାଉଛି।
