ହାଟଡିହି-୯ / ୩ :(ଓଡିଅ୍ରାପୁଅ / ବିକାଶ ବିଶ୍ୱାଳ) କେନ୍ଦୁଝର ଜିଲ୍ଲା ହାଟଡିହି ତହସିଲ ଛକ ନିକଟରେ ସର୍ଟସର୍କିଟ ଯୋଗୁଁ ଏକ ଯାତ୍ରୀବାହୀ ବସରେ ନିଆଁ ଲାଗିଯାଇଥିଲେବି ଅଳ୍ପକେ ଏହି ବସଯାତ୍ର୍ରୀମାନେ ଏକ ବଡଧର ଦୁର୍ଘଟଣାରୁ ରକ୍ଷା ପାଇଯାଇଛନ୍ତି । ଖବରରୁ ଜଣାଯାଇଛି ଯେ ଭଦ୍ରକରୁ ଖିଚିଂ ଯାଉଥିବା ଶ୍ରୀଲକ୍ଷ୍ମୀ ବସଟି ଆଜି ମଧ୍ୟାହ୍ନରେ ହାଟଡିହି ତହସିଲ ଛକ ନିକଟରେ ପହଞ୍ଚିବା ସମୟରେ ସର୍ଟସର୍କିଟ ଯୋଗୁଁ ହଠାତ ବସର ଇଞ୍ଜିନିରେ ନିଆଁ ଲାଗି ଯାଇଥିଲା । ଚାହୁଁ ଚାହୁଁ ଭସଭସ କରି ପ୍ରବଳ ଧୂଆଁ ବାହାରିଥିଲା । ଏହାଦେଖି ବସରେ ଥିବା ୨୫ରୁ ଉର୍ଦ୍ଧ ଯାତ୍ରୀ ଭୟଭୀତ ହୋଇ ହୋ ହଲା କରିବାରୁ ବସ ଚାଳକ ବସଟିକୁ ସାଇଟ କରି ରଖିଦେଇଥିଲେ । ବସଯାତ୍ରୀମାନେ ତୁରନ୍ତ ବସରୁ ଓହ୍ଳାଇ ନିଜ ନିଜର ଜୀବନ ବଞ୍ଚାଇ ପାରିଥିଲେ । ସ୍ଥାନୀୟ ଲୋକମାନେ ଓ ହାଟଡିହି ଦମକଳ କେନ୍ଦ୍ରର କର୍ମଚାରୀମାନେ ପହଞ୍ଚି ନିଆଁକୁ ଆୟତ କରିଥିଲେ ।
