ନୂଆଦିଲ୍ଲୀ: ରାଜସ୍ଥାନର କେନ୍ଦ୍ରୀୟ କାରାଗାର ଯୋଧପୁରରେ ତଲାସୀ ଅଭିଯାନ ଚାଲିଥିବା ବେଳେ ଧରାପଡ଼ି ଯିବା ଭୟରେ ଜଣେ କଏଦୀ ନିଜ ଜୀବନକୁ ବିପଦରେ ପକାଇ ଦେଇଥିଲା। କଏଦୀ ଜଣଙ୍କ ନିଜ ପେଟରେ ଚାରିଟି ମୋବାଇଲ୍ ଲୁଚାଇ ରଖିଥିଲା। ଯାହା ତାର ସ୍ୱାସ୍ଥ୍ୟ ଅବସ୍ଥାକୁ ଖରାପ କରିଦେଇଥିଲା। ଅପରେସନ୍ କରିବା ପରେ ଡାକ୍ତରମାନେ ତା’ ପେଟରୁ ଚାରିଟି ମୋବାଇଲ୍ ବାହାର କରିଥିଲେ।
ଜଣେ ନାବାଳିକାଙ୍କ ସହିତ ଦୁଷ୍କର୍ମ କରିଥିବା ଅଭିଯୋଗରେ ଦେବରମ ନାମକ ଜଣେ ବ୍ୟକ୍ତି ୧୦ ବର୍ଷ କାରାଦଣ୍ଡ ଭୋଗୁଥିଲା। ଜେଲ ଭିତରେ ସେ ନିଜ ପାଖରେ କିଛି ମୋବାଇଲ ଲୁଚାଇ ରଖିଥିଲା। ଜେଲ କର୍ମଚାରୀ ମାନେ ଗୁରୁବାର ଦିନ ଜେଲ ଭିତରେ ତଲାସୀ ଅଭିଯାନ ଚଳାଇଥିବା ବେଳେ ଧରାପଡ଼ି ଯିବା ଭୟରେ କଏଦୀ ଜଣଙ୍କ (ଦେବରମ) ଏକ ପଲିଥିନରେ ୪ଟି ମୋବାଇଲ୍ ରଖି ଏହାକୁ ନିଜ ମଳଦ୍ୱାରରେ ଲୁଚାଇ ରଖିଥିଲା। ତା’ପରେ ସେହି ମୋବାଇଲ୍ ତାର ପେଟ ଭିତରକୁ ଚାଲି ଯାଇଥିଲା। ଶୁକ୍ରବାର ସକାଳେ ସେ ପେଟରେ ଯନ୍ତ୍ରଣା ଅନୁଭବ କରିଥିଲା। ତାକୁ ଜେଲରେ ମେଡିସିନ ଦିଆଯାଇ ଥିଲା। ତେବେ, ଯେତେବେଳେ ସ୍ୱାସ୍ଥ୍ୟରେ ଉନ୍ନତି ନହେଲା, ଡାକ୍ତରମାନେ ତାର ଏକ୍ସ- ରେ ଏବଂ ସୋନୋଗ୍ରାଫି କରିଥିଲେ। ତା’ପରେ ଜଣା ପଡ଼ିଥିଲା ଯେ କଏଦୀ ତାଙ୍କ ପେଟରେ ମୋବାଇଲ୍ ରହିଛି। ଏହା ପରେ କଏଦୀଙ୍କୁ ଯୋଧପୁରର ମଥୁରଦାସ ମଥୁର ଡାକ୍ତରଖାନାକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ଅପରେସନ୍ କରି ପେଟରୁ ୪ଟି ମୋବାଇଲ୍ ବାହାର କରିଥିଲେ। ଏବେ କଏଦୀ ଜଣଙ୍କର ଅବସ୍ଥା ସ୍ଥିର ରହିଛି। /-@DevDr
