ମାଲକାନଗିରି,୨୨ା୭(ଓଡିଆ ପୁଅ) ଜୟପୁର ମାଲକାନଗିରି ଜାତୀୟ ରାଜପଥ ପାଣ୍ଡ୍ରୀପାଣି ଗ୍ରାମନିକଟ ରାସ୍ତା ରେ ଜଣେ ଚାଷୀକୁ କାର ଧକ୍କାଦେବା ଫଳରେ ଘଟଣାସ୍ଥଳରେ ଚାଷୀର ମୃତ୍ୟୁ ଘଟିଥିବା ବେଳେ କାର ଚଳାଉଥିବା ଡାକ୍ତରଙ୍କୁ ପିଲସ ଗିରଫ କରିଛି । ପୁଲିସ ସୁଚନା ଅନୁଯାଇ ଗତ କାଲି ସନ୍ଧ୍ୟାରେ ମାଲକାନଗିରି ହସପିଟାଲର ୪ଜଣ ଡାକ୍ତର ଜୟପୁର ଠାରୁ ମାଲକାନଗିରି ଅଭିମୁଖେ ଆସୁଥିଲେ । ମାଲକାନଗିରି ଥାନାସ୍ଥ ପାଣ୍ଡ୍ରିପାଣି ଗ୍ରାମର ଲୋକନାଥ ଖରା ନାମକ ଜଣେଯୁବ ଚାଷୀ ନିଜ ଜମିରୁ କାମ ସାରି ସାଇକେଲ ରେ ଘରକୁ ଫେରୁଥିବା ବେଳେ ଜୟପୁର ଆଡୁ ଆସୁଥିବା କାରଟି ତାଙ୍କୁ ପଛପଟରୁ ଧକ୍କାଦେଇଥିଲା । ଘଟଣାସ୍ଥଳରେ ହିଁ ଲୋକନାଥ ଙ୍କର ମୃତ୍ୟୁଘଟିଥିଲା । ଏହି ଦୃଶ୍ୟ ନିକଟରେ ଥିବା ବ୍ୟକ୍ତି ମାନେ ଦେଖି କାରଟିକୁ ଅଟକାଇଥିଲେ । ପାଣ୍ଡ୍ରିପାଣି ଗ୍ରାମର ଯୁବକ ଲୋକନାଥ କାରଧକ୍କାରେ ମୃତ୍ୟୁ ହେବା ଖବର ଶୁଣି ଗ୍ରାମରୁ ଶହଶହ ସଂଖ୍ୟାରେ ଲୋକମାନେ ରାଜରାସ୍ତା ରେ ଶବରଖି ୩୨୬ନମ୍ବର ଜାତୀୟ ରାଜପଥ ଅବରୋଧ କରିଥିଲେ । ଖବର ପାଇ ମାଲକାନଗିରି ଥାନା ଆଇଆଇସି ରାମପ୍ରସାଦ ନାଗ ପୁଲିସ ସଦଳବଳ ଘଟଣାସ୍ଥଳରେ ପହଁଚି ଆନ୍ଦୋଳନକାରି ମାନଙ୍କୁ ବୁଝାଇ ପରିସ୍ଥିତି ଶାନ୍ତକରିଥିଲେ । ଦୁର୍ଘଟଣା ଘଟାଇଥିବା କାରଟିକୁ ଜବତ କରି କାର ଚଳାଉଥିବା ଡାକ୍ତର ଙ୍କୁ ଗିରଫ କରିବାସହ ଲୋକନାଥଙ୍କ ମୃତଶୀରକୁ ଜବତ କରି ଶବବ୍ୟବଛେଦ ପାଇଁ ହସପିଟାଲକୁ ପଠାଇ ତଦନ୍ତ ଆରମ୍ଭ କରିଛନ୍ତି । ମାଲକାନଗିରି ଥାନା କେସ ନମ୍ବର ୨୪୯/ ୨୦ ରେ ଏକ ଦୁର୍ଘଟଣା ମାମଲା ରୁଜୁକରି ଗାଡିଚାଳକ ଡାକ୍ତର ଟି.ଆର.ପଣ୍ଡା ଙ୍କୁ ପୁଲିସ ଗିରଫ କରିଛନ୍ତି । ଆଜି ଲୋକନାଥ ଙ୍କ ଶବବ୍ୟବଛେଦ ପରେ ତାଙ୍କପରିବାରଙ୍କୁ ପୁଲିସ ହସ୍ତାନ୍ତର କରିଛନ୍ତି ,
