ମାଲକାନଗିରି,୧୨ା୧୦(ଓଡିଆ ପୁଅ ) ମାଲକାନଗିରି ଜିଲ୍ଲା ଚିତ୍ରକୋଣ୍ଡା ସ୍ୱାଭିମାନ ଅଚଂଳ ଜାନବାଇ ଠାରେ ଥିବା ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଭିତରକୁ ବାଲିମେଳା ଜଳଭଣ୍ଡାରର ପାଣି ପସି ଆସିଥିବାରୁ ସ୍ୱାସ୍ଥ୍ୟସେବାରେ ବାଧାସୃଷ୍ଟିହୋଇଛି । ।ଗତକିଛି ଦିନହେଲା ବାଲିମେଳାଜଳ ଭଣ୍ଡାରରେ ଜଳସ୍ତର ବୃଦ୍ଧିପାଇ ଚାଲିଥିବାରୁ ଜଳଭଣ୍ଡାର ନିକଟ ରେ ଥିବା ଚାଷଜମିଗୁଡିକ ନଷ୍ଟହେବା ସହ ଆଜି ସକାଳେ ହଟାତ ଜାନବାଇ ଠାରେ ଥିବା ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର କୋଠରୀ ଭିତରକୁ ଜଳଭଣ୍ଡାର ପାଣିପସି ଯାଇ ଡାକ୍ତର ଓ ରୋଗୀଙ୍କ ରହିବା ଘର ଗୁଡିକ ବୁଢିଯାଇଛି । ଡାକ୍ତରଖାନା ଭିତରକୁ ପାଣି ପସିଯିବାରୁ ଅନେକ ଔଷଧ ଓ ଯନ୍ତ୍ରପାତି ଗୁଡିକ ପାଣିରେ ବୁଡି ଯାଇ ନଷ୍ଟହୋଇ ଯିବା ଦ୍ୱାରା ରୋଗୀ ସେବାରେ ବାଧାସୃଷ୍ଟି ହୋଇଛି । ଡାକ୍ତରଖାନା ଟି ତଳୁଆ ଥିବାରୁ ଜଳଭଣ୍ଡାରରେ ଜଳସ୍ତର ବୃଦ୍ଧି ହେଲେ ପାଣି ଡାକ୍ତରଖନା ଭିତରକୁ ପସି ଆସିଥାଏ, ଏ ସଂପର୍କରେ ବାରମ୍ବାର ବିଭାଗୀୟ ଅଧିକାରୀ ଙ୍କୁ ଜଣାଇଲେ ମଧ୍ୟ କିଛି ସୁଫଳ ମିଳିନଥିବାରୁ ସ୍ୱାଭିମାନ ଅଚଂଳର ଗରିବ ରୋଗୀ ମାନେ ସ୍ୱାସ୍ଥ୍ୟ ସେବାରୁ ବଚିଂତ ହେଉଥିବାର ଦେଖିବାକୁ ମିଳିଛୁ ।
