ନୂଆ ଦିଲ୍ଲୀ ୬ – ୮ (ଓଡ଼ିଆ ପୁଅ) ଅଯୋଧ୍ୟାରେ ଷୋଢ଼ଶ ଶତାବ୍ଦୀରେ ଶିୟା ମୁସଲିମ ମୀର ବାକୀଙ୍କ ଦ୍ଵାରା ବନାଯାଇଥିଲା ବାବରୀ ମସଜିଦ। ଏହାକୁ ଛଅ ଡିସେମ୍ବର, ୧୯୯୨ ରେ କର ସେବକଙ୍କ ଦ୍ୱାରା ଧ୍ଵସ୍ତ କରାଯାଇଥିଲା
ସୁପ୍ରୀମ କୋର୍ଟରେ ଆଜିଠାରୁ ଆରମ୍ଭ ହେବ ପ୍ରତ୍ୟେହ ଶୁଣାଣି। ପ୍ରଧାନ ବିଚାରପତି ରଞ୍ଜନ ଗୋଗୋଇଙ୍କରର ଅଧ୍ୟକ୍ଷତାରେ ଥିବା ପାଞ୍ଚ ସଦସ୍ୟ ବିଶିଷ୍ଟ ସମ୍ବିଧାନ ବେଞ୍ଚ ମାମଲାରେ ଶୁଣାଣି କରିବେ। ଏହି ବେଞ୍ଚରେ ଜଷ୍ଟିସ ଏସଏ ବୋବଡେ, ଜଷ୍ଟିସ ଡିୱାଇ ଚନ୍ଦ୍ରଚୂଡ଼, ଜଷ୍ଟିସ ଅଶୋକ ଭୂଷଣ ଏବଂ ବିଚାରପତି ଏସଏ ନଜୀର ମଧ୍ୟ ସାମିଲ ଅଛନ୍ତି।
ମଧ୍ୟସ୍ଥତା ଜରିଆରେ କୌଣସି ସମାଧାନର ବାଟ ନ ଖୋଲିବାରୁ ଚେଷ୍ଟା ବିଫଳ ହେବା ପରେ ସୁପ୍ରୀମ କୋର୍ଟ ମାମଲାରେ ରୋଜ ଶୁଣାଣି କରିବାପାଇଁ ନିଷ୍ପତି ନେଇଛନ୍ତି।
ସୁପ୍ରୀମ କୋର୍ଟର ବେଞ୍ଚ ଶୀର୍ଷ ନ୍ୟାୟାଳୟର ପୂର୍ବତନ ବିଚାରପତି ଏଫଏମଆଇ କଲୀଫୁଲ୍ଲାଙ୍କର ଅଧ୍ୟକ୍ଷତାରେ ଆଠ ମାର୍ଚ୍ଚରେ ଗଠିତ ତିନି ସଦସ୍ୟ ବିଶିଷ୍ଟ ମଧ୍ୟସ୍ଥତା ସମିତିର ଏହି ରିପୋର୍ଟର ସଂଜ୍ଞାନରୁ ଜଣାପଡ଼େକି ଏହି ବିବାଦର ସର୍ବମାନ୍ୟ ସମାଧାନ ଖୋଜିବାରେ ପ୍ରୟାସ ବିଫଳ ହୋଇଛି।
ମଧ୍ୟସ୍ଥତା ସମିତି ନିଜର ରିପୋର୍ଟରେ କହିଛନ୍ତି କି ହିନ୍ଦୁ ଏବଂ ମୁସଲିମ୍ ପକ୍ଷକାର ଏହି ଜଟିଳ ବିବାଦର କୌଣସି ସର୍ବମାନ୍ୟ ସମାଧାନ ଖୋଜିପାଇପାରିଲେ ନାହିଁ।
ଚାରି ମାସ ପର୍ଯ୍ୟନ୍ତ ଚାଲିଥିଲା ମଧ୍ୟସ୍ଥତାଙ୍କ ଜରିଆରେ ସମାଧାନ ଖୋଜିବାକୁ ଚେଷ୍ଟା
ଜଷ୍ଟିସ କଲୀଫୁଲ୍ଲାଙ୍କର ଅଧ୍ୟକ୍ଷତାରେ ଏହି ସମିତି ପ୍ରାୟତଃ ଚାରି ମାସ ପର୍ଯ୍ୟନ୍ତ ମଧ୍ୟସ୍ଥତା ଜରିଆରେ ଏହି ବିବାଦର ସମାଧାନ ଖୋଜିବାକୁ ପ୍ରୟାସ କରିଥିଲେ। ମଧ୍ୟସ୍ଥତା ସମିତି ଏହି ବିବାଦର ସମାଧାନ ଖୋଜିବା ପାଇଁ ଅଯୋଧ୍ୟାରୁ ପ୍ରାୟତଃ ସାତ କିଲୋମିଟର ଦୂର ଫୈଜାବାଦରେ ବନ୍ଦ କୋଠରୀରେ ସମ୍ବନ୍ଧିତ ପକ୍ଷମାନଙ୍କ ସହିତ କଥାବାର୍ତ୍ତା କରିଥିଲେ।
ସଂବିଧାନିକ ଖଣ୍ଡପୀଠ ଏହା ପୂର୍ବରୁ ୧୮ ଜୁଲାଇରେ ମଧ୍ୟସ୍ଥତା ସମିତିକୁ କହିଥିଲେ କି ସେ ନିଜର କାର୍ଯ୍ୟର ଫଳାଫଳ ୩୧ ଜୁଲାଇ କିମ୍ବା ଏକ ଅଗଷ୍ଟ ପର୍ଯ୍ୟନ୍ତ ନ୍ୟାୟାଳୟକୁ ଅବଗତ କରାଇବା ପାଇଁ, ଯାହାଫଳରେ ଏହି ମାମଲାରେ ଆଗକୁ କାର୍ଯ୍ୟାନୁଷ୍ଠାନ ଆରମ୍ଭ କରାଯାଇପାରିବ। ମଧ୍ୟସ୍ଥତା ସମିତି ଗତ ଗୁରୁବାରଦିନ ନ୍ୟାୟାଳୟ ଦେଇଥିବା ନିଜର ରିପୋର୍ଟରେ କହିଛନ୍ତି କି ହିନ୍ଦୁ ଏବଂ ମୁସଲିମ ପକ୍ଷ ଏହି ଜଟିଳ ବିବାଦର କୌଣସି ସର୍ବମାନ୍ୟ ସମାଧାନ ରାସ୍ତା ପାଇ ପାରିଲେ ନାହିଁ।
ମଧ୍ୟସ୍ଥତା ସମିତିର ରିପୋର୍ଟର ଅବଲୋକନ ପରେ ଶୀର୍ଷ ନ୍ୟାୟାଳୟ କହିଲେ କି ଏହି ପ୍ରକରଣର ପକ୍ଷକାରମାନେ ଅପିଲ ଉପରେ ଶୁଣାଣି ପାଇଁ ଏବେ ପ୍ରସ୍ତୁତ ରହିବା ଆବଶ୍ୟକ। ନ୍ୟାୟାଳୟର ରଜିଷ୍ଟ୍ରେସନ କାର୍ଯ୍ୟାଳୟରେ ମଧ୍ୟ କୁହାଯାଇଛି କି ଏହାକୁ ମଧ୍ୟ ଦୈନିକ ଆଧାରରେ ଏହି ମାମଲାରେ ଶୁଣାଣି କରିବା ପାଇଁ ନ୍ୟାୟାଳୟର ଅବଲୋକନର ଉଦ୍ଦେଶ୍ୟରେ ସମଗ୍ର ସାମଗ୍ରୀ ପ୍ରସ୍ତୁତ ରଖିବା ଆବଶ୍ୟକ। କୋର୍ଟ କହିଛନ୍ତି, ‘ଆମେ ଏହା ସ୍ପଷ୍ଟ କରୁଛୁ କି ଏହି ମାମଲାରେ ଶୁଣାଣି ଦୈନିକ ଆଧାରରେ ସମ୍ପୂର୍ଣ୍ଣ ହେବା ପର୍ଯ୍ୟନ୍ତ ଚାଲିବ।’
ଆଲହାବାଦ ହାଇକୋର୍ଟର ନିଷ୍ପତି ବିରୁଦ୍ଧରେ ଦାଖଲ ୧୪ ଅପିଲ ଉପରେ ହେବ ଶୁଣାଣି
ପ୍ରଧାନ ବିଚାରପତି ରଞ୍ଜନ ଗୋଗୋଇଙ୍କର ଅଧ୍ୟକ୍ଷତାରେ ସମ୍ବିଧାନିକ ଖଣ୍ଡପୀଠ ଆଜିଠାରୁ ଆଲାହାବାଦ ହାଇକୋର୍ଟର ସେପ୍ଟେମ୍ବର, ୨୦୧୦ ର ଫଇସଲା ବିରୁଦ୍ଧରେ ଦାଖଲ ୧୪ଟି ଅପିଲ ଉପରେ ଶୁଣାଣି ଆରମ୍ଭ କରିବେ। ହାଇକୋର୍ଟର ଏହି ନିଷ୍ପତିରେ ଅଯୋଧ୍ୟାରେ ୨.୭୭ ଏକର ବିବାଦିତ ଜମି ଏବଂ ତା’ର ତିନି ପକ୍ଷକାର – ସୁନ୍ନୀ ୱକ୍ଫ ବୋର୍ଡ, ନିର୍ମୋହୀ ଆଖାଡ଼ା ଏବଂ ରାମ ଲଲାଙ୍କ ମଧ୍ୟରେ ସମ ଭାବରେ ବାଣ୍ଟିବାକୁ ଆଦେଶ ଦେଇଥିଲେ।
