ଭଦ୍ରକ, ୨୨ା୫ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ-ଆଖଣ୍ଡଳମଣି ମୁଖ୍ୟରାସ୍ତାର ଆରଡି ସତସଙ୍ଗ ବିହାର ନିକଟରେ ଗତକାଲି ରାତିରୁ ମୂମୁର୍ଷ ଅବସ୍ଥାରେ ଜଣେ ବୃଦ୍ଧ ପଡ଼ି ରହିଥିବା କିଛି ପଥଚାରୀ ଦେଖିବା ପରେ ଆରଡି ପୁଲିସକୁ ଖବର ଦେଇଥିଲେ। ଖବର ପାଇ ଆରଡି ପୁଲିସ ଓ ସ୍ଥାନୀୟ ଲୋକ ବୟସ୍କ ବ୍ୟକ୍ତିଟିର ପରିଚୟ ସନ୍ଧାନ କରିବା ପରେ ମତୋ ଥାନା ମୌସୁଧା ଅଂଚଳର ସିଙ୍ଗିଟ ଗାଁର ରାମଚନ୍ଦ୍ର ବିଶ୍ୱାଳ(୬୦) ବୋଲି ଜଣା ପଡ଼ିଛି। ବୃଦ୍ଧଙ୍କ ମୃତ ହୋଇଥିବା ଜଣାଯାଇଥିଲା। କାରଣ ଅସ୍ପଷ୍ଟ ରହିଥିବାରୁ ପରିବାର ଲୋକ ପହଂଚିବା ପରେ ପୁଲିସ ଶବ ବ୍ୟବଛେଦ ନିମନ୍ତେ ଭଦ୍ରକ ପଠାଇଥିଲା।
