ମୁମ୍ବାଇ ୧୭-୧୨ (ଓଡ଼ିଆ ପୁଅ) ସିନେ ଅଭିନେତା ଶ୍ରୀରାମ ଲାଗୁଙ୍କର ଆଜି ପୁଣେରେ ୯୨ ବର୍ଷ ବୟସରେ ନିଧନ ହୋଇଯାଇଛି। ଗୁରୁବାରଦିନ ଅନ୍ତିମ ସଂସ୍କାର କରାଯିବ। ଶ୍ରୀରାମ ଲାଗୁଙ୍କର ଜନ୍ମ ୧୬ ନଭେମ୍ବର ୧୯୨୭ ରେ ମହାରାଷ୍ଟ୍ରର ସତାରାରେ ହୋଇଥିଲା। ସେ ହିନ୍ଦୀ ଫିଲ୍ମ ବ୍ୟତୀତ ମରାଠୀ ସିନେମାରେ ମଧ୍ୟ କାମ କରିଥିଲେ। ଶ୍ରୀରାମ ଲାଗୁ ନିଜର ଫିଲ୍ମ କ୍ୟାରିୟରରେ ୧୦୦ ରୁ ଅଧିକ ହିନ୍ଦୀ ଏବଂ ୪୦ ରୁ ଅଧିକ ମରାଠୀ ଫିଲ୍ମରେ କାମ କରିଛନ୍ତି। ଏହା ବ୍ୟତୀତ ସେ ପ୍ରାୟତଃ ୨୦ଟି ମରାଠୀ ପ୍ଲେ ଡାଇରେକ୍ଟ ମଧ୍ୟ କରିଛନ୍ତି। ତାଙ୍କର ହିନ୍ଦୀ ଏବଂ ମରାଠୀ ସିନେମାରେ ମୁଖ୍ୟ ଯୋଗଦାନ ରହିଛି।
