Home Top News ଗିନିରେ ଗୋଟିଏ ପରେ ଗୋଟିଏ ଶକ୍ତିଶାଳୀ ବିସ୍ଫୋରଣ -୧୭ ମୃତ, ୪୦୦ ରୁ ଅଧିକ ଆହତ,...

ଗିନିରେ ଗୋଟିଏ ପରେ ଗୋଟିଏ ଶକ୍ତିଶାଳୀ ବିସ୍ଫୋରଣ -୧୭ ମୃତ, ୪୦୦ ରୁ ଅଧିକ ଆହତ, ଲୋମ ଟାଙ୍କୁରା ଦୃଶ୍ୟ

57

ନୂଆ ଦିଲ୍ଲୀ ୮-୩ (ଓଡ଼ିଆ ପୁଅ) ଇକ୍ୟୁଟୋରିଆଲ ଗିନିର ସବୁଠୁ ବଡ ସହର ବାଟାସ୍ଥିତ ଏକ ସାମରିକ ବେସରେ ରବିବାର ଦିନ ଏକ ବଡ଼ ଧରଣର ବିସ୍ଫୋରଣ ହୋଇଛି। ଏଥିରେ ୧୭ ଜଣଙ୍କର ମୃତ୍ୟୁ ଘଟିଥିବା ବେଳେ ୪୦୦ ରୁ ଅଧିକ ଲୋକ ଆହତ ହୋଇଛନ୍ତି। ରିପୋର୍ଟ ଅନୁଯାୟୀ, ବିସ୍ଫୋରଣ ଅଞ୍ଚଳରେ ଅବସ୍ଥିତ ଘରଗୁଡିକର ଛାତ ଘୁଷୁଡ଼ିଯାଇଛି। ସବୁକିଛି ଆବର୍ଜନାରେ ପରିଣତ ହୋଇଛି। ଅଧିକାଂଶ ଘରେ କେବଳ ଗୋଟିଏ କିମ୍ବା ଦୁଇଟି କାନ୍ଥ ବାକି ଅଛି।

ଅଲ ଜଜିରା ରିପୋର୍ଟ ଅନୁଯାୟୀ, ରାଷ୍ଟ୍ରପତି ଟିଡୋରୋ ଓବିଆଙ୍ଗ କହିଛନ୍ତି ଯେ ସାମରିକ ବେସରେ ଡାଇନାମାଇଟ୍ ବ୍ୟବହାର ସମ୍ପର୍କିତ ଅବହେଳା ଯୋଗୁଁ ଏହି ବିସ୍ଫୋରଣ ଘଟିଛି। ପ୍ରାରମ୍ଭରେ କୁହାଯାଇଥିଲା ଯେ ୧୫ ଜଣଙ୍କର ମୃତ୍ୟୁ ଘଟିଥିବା ବେଳେ ୫୦୦ ଲୋକ ଆହତ ହୋଇଥିବାବେଳେ ପରେ ଦେଶର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ଏହି ବିସ୍ଫୋରଣରେ ୧୭ ଜଣଙ୍କର ମୃତ୍ୟୁ ଘଟିଛି ଏବଂ ୪୨୦ ଜଣ ଆହତ ହୋଇଛନ୍ତି। ସ୍ଥାନୀୟ ଗଣମାଧ୍ୟମର ରିପୋର୍ଟକୁ ଦର୍ଶାଇ ଅଲ ଜଜିରା କହିଛି ଯେ, ସ୍ଥାନୀୟ ଲୋକମାନେ ମୃତଶରୀରକୁ ଆବର୍ଜନା ମଧ୍ୟରୁ ଟାଣି ବାହାର କରୁଥିବାର ଦେଖାଯାଇଛି, ସେଥିମଧ୍ୟରୁ କେତେକ ଶବ ବେଡସିଟରେ ଗୁଡ଼ାଯାଇଥିବା ଦେଖାଯାଉଛି।

ସ୍ୱେଚ୍ଛାସେବୀ ସ୍ୱାସ୍ଥ୍ୟ କର୍ମୀଙ୍କୁ ଆହତମାନଙ୍କୁ ବାଟାସ୍ଥିତ ସ୍ଥାନୀୟ ଡାକ୍ତରଖାନାକୁ ନେବାକୁ ଗିନି ସ୍ୱାସ୍ଥ୍ୟ ମନ୍ତ୍ରଣାଳୟ ଟ୍ୱିଟ୍ କରି ଜଣାଇଛି। ଆହତମାନଙ୍କୁ ସାହାଯ୍ୟ କରିବା ଏବଂ ରକ୍ତ ଦାନ କରିବାକୁ ଆଗକୁ ଆସିବାକୁ ମଧ୍ୟ ନିବେଦନ କରାଯାଇଛି। ଏଥି ସହିତ ଜନସାଧାରଣଙ୍କୁ ରକ୍ତ ଦାନ କରିବାକୁ ମଧ୍ୟ ନିବେଦନ କରାଯାଇଛି। ରିପୋର୍ଟରେ କୁହାଯାଇଛି ଯେ, ଡାକ୍ତରଖାନାଗୁଡ଼ିକରେ ଆହତମାନଙ୍କୁ ନେଇ ଭରିଯାଇଛନ୍ତି।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.