ନୂଆ ଦିଲ୍ଲୀ ୨୬-୬ (ଓଡ଼ିଆ ପୁଅ) କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ, ସିବିଏସ୍ଇ, କେନ୍ଦ୍ରୀୟ ଶିକ୍ଷକ ଯୋଗ୍ୟତା ପରୀକ୍ଷା (CTET) ଜୁଲାଇ ୨୦୨୦ ପରୀକ୍ଷାକୁ ସ୍ଥଗିତ ରଖିଛି।
CTET ଜୁଲାଇ ୨୦୨୦, ପରୀକ୍ଷା ଜୁଲାଇ ୫, ୨୦୨୦ ପାଇଁ ଧାର୍ଯ୍ୟ କରାଯାଇଥିଲା, ଯେଉଁଥିରେ ୩୦ ଲକ୍ଷରୁ ଅଧିକ ପ୍ରାର୍ଥୀ ପରୀକ୍ଷା ଦେଇଥାନ୍ତେ।
ଏହା ପୂର୍ବରୁ ଜୁଲାଇ ୧ ରୁ ଆରମ୍ଭ ହେବାକୁ ଥିବା ସିବିଏସ୍ଇ ଦ୍ୱାଦଶ ବୋର୍ଡ ପରୀକ୍ଷାକୁ ବୋର୍ଡ ମଧ୍ୟ ବାତିଲ କରିଛି।
CTET ୨୦୨୦ ପାଇଁ ନୂତନ ତାରିଖ ଶୀଘ୍ର ଘୋଷଣା କରାଯିବ, ତେଣୁ ପ୍ରାର୍ଥୀମାନଙ୍କୁ ଅଫିସିଆଲ୍ ୱେବସାଇଟ୍ ଯଥା ctet.nic.in ଉପରେ ନଜର ରଖିବାକୁ ଅନୁରୋଧ କରାଯାଇଛି।
କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିଆଲ ନିଶଙ୍କ ଏହା ଟ୍ୱିଟ୍ କରି ଏହି ଖବର ଦେଇଛନ୍ତି।
CTET ପରୀକ୍ଷା ବିଷୟରେ:
CTET ପରୀକ୍ଷା ଦୁଇଟି ଭାଗରେ ଭାଗ ୧ ଏବଂ ଭାଗ ୨ ।
ଭାଗ -୧ ସେହି ପ୍ରାର୍ଥୀମାନଙ୍କ ପାଇଁ ଥିଲା ଯେଉଁମାନେ ୧ ରୁ ୫ ଶ୍ରେଣୀ ପର୍ଯ୍ୟନ୍ତ ଶିକ୍ଷକ ହେବେ ଏବଂ ଭାଗ ୨ ସେହି ପ୍ରାର୍ଥୀମାନଙ୍କ ପାଇଁ ଥିଲା ଯେଉଁମାନେ ୬ ରୁ ୮ ଶ୍ରେଣୀ ପାଇଁ ଶିକ୍ଷକ ହେବେ।
ପରୀକ୍ଷାରେ ୧୫୦ ଟି ପ୍ରଶ୍ନ ଥାଏ ଯାହା ଅଢ଼େଇ ଘଣ୍ଟା ମଧ୍ୟରେ ସମାଧାନ କରିବାକୁ ପଡ଼େ।
ପ୍ରଶ୍ନଗୁଡ଼ିକରେ ଗୋଟିଏ ଚିହ୍ନ ଦେବାକୁ ପଡ଼େ ଏବଂ କୌଣସି ନେଗେଟିଭ୍ ମାର୍କିଂ ନାହିଁ।
