ଭଦ୍ରକ, ୮ା୬ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ତିହିଡ଼ି ଥାନା ସୟା ପଂଚାୟତ ଅଧୀନ ମୁଲଣାସାହି ଗ୍ରାମର ଗାନ୍ଧୀ ମହାଳିକ ଓ ପଂଚାନନ ମହାଳିକଙ୍କ ପରିବାର ମଧ୍ୟରେ ଜମିଜମାକୁ ନେଇ ଶନିବାର ରାତିରେ ଗଣ୍ଡଗୋଳ ଉପୁଜିଛି। ଏହି ଗଣ୍ଡଗୋଳରେ ଗୋଟିଏ ପକ୍ଷର ପଂଚାନନ ମହାଳିକ ଓ ତାଙ୍କ ପୁଅ ମଂଟୁ ମହାଳିକ ଓ ଅନ୍ୟ ଅପକ୍ଷର ଗାନ୍ଧି ମହାଳିକଙ୍କ ପୁଅ ଉମାକାନ୍ତ ମହାଳିକ ଆହତ ହୋଇ ଚିକିତ୍ସିତ ହେଉଥିବା ଜଣାପଡ଼ିଛି। ଏ ସମ୍ପର୍କରେ ପୁଲିସ ଉମାକାନ୍ତ ମହାଳିକଙ୍କ ସ୍ତ୍ରୀ ତପସ୍ୱିନୀଙ୍କ ଅଭିଯୋଗ ମୂଳେ ୨୦୫/୨୫ ଓ ପଂଚାନନ ମହାଳିକଙ୍କ ସ୍ତ୍ରୀ ଜୟନ୍ତୀଙ୍କ ଅଭିଯୋଗମୂଳେ ୨୦୬/୨୫ରେ ଦୁଇଟି ପୃଥକ ମକଦ୍ଦମା ରୁଜୁ କରି ତଦନ୍ତ ଚଳାଇଛି। ପ୍ରକାଶ ଯେ, ଉଭୟ ପରିବାର ମଧ୍ୟରେ ପୂର୍ବରୁ ଜମିଜମାକୁ ନେଇ ବିବାଦ ଲାଗି ରହିଥିଲେ। ଯାହାକୁ ନେଇ ଶନିବାର ରାତିରେ ଉଭୟ ପରିବାର ମଧ୍ୟରେ ଗଣ୍ଡଗୋଳ ରୂପ ନେଇଥିବା ଜଣାପଡ଼ିଛି।
