ହାଇଦ୍ରାବାଦ ୨୩-୩ (ଓଡ଼ିଆ ପୁଅ) ହାଇଦ୍ରାବାଦର ଭୋଇଗୁଡା ଆଦିର ଏକ ସ୍କ୍ରାପ ଗୋଦାମରେ ଏକ ବଡ଼ ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡରେ ପ୍ରାୟ ୧୨ ଜଣ ଲୋକ ଫସିରହିଥିଲେ ଏପର୍ଯ୍ୟନ୍ତ ୧୧ ଜଣଙ୍କ ମୃତଦେହ ଉଦ୍ଧାର କରାଯାଇଛି। ମିଳିଥିବା ସୂଚନା ଅନୁଯାୟୀ, ଏହି ଲୋକମାନେ ଘଟଣା ସମୟରେ ଗୋଦାମ ଭିତରେ ଶୋଇଥିଲେ। ପ୍ରବଳ ଅଗ୍ନିକାଣ୍ଡ ହେତୁ ଏକ କାନ୍ଥ ଭୁଶୁଡ଼ି ପଡ଼ିଲା, ଯେଉଁ କାରଣରୁ ସେଠାରେ ଫସି ରହିଥିବା ଲୋକମାନେ ବାହାରକୁ ଯାଇ ପାରିନଥିଲେ।
ନିଆଁ ଲିଭାଇବା ପାଇଁ ପ୍ରାୟ ୮ ଟି ଦମକଳର ଘଟଣାସ୍ଥଳରେ ପହଞ୍ଚିଛି। ଅଗ୍ନିଶମ ବିଭାଗର ଜଣେ ଅଧିକାରୀଙ୍କ ଅନୁଯାୟୀ, ଏପର୍ଯ୍ୟନ୍ତ ୧୧ ଟି ମୃତଦେହ ଉଦ୍ଧାର କରାଯାଇଛି। ସେ କହିଛନ୍ତି ଯେ ନିଆଁ ଏତେ ଭୟଙ୍କର ଥିଲା ଯେ ଏହାକୁ ନିୟନ୍ତ୍ରଣକୁ ଆଣିବାକୁ ସମୟ ଲାଗିଥିଲା। ତେବେ ନିଆଁ ଲିଭାଇ ଦିଆଯାଇଛି। ଏହା କୁହାଯାଉଛି ଯେ, ଗୋଦାମରେ କାର୍ଯ୍ୟ କରୁଥିବା ସମସ୍ତ ଶ୍ରମିକ ବିହାରର ବାସିନ୍ଦା ଥିଲେ।
