ଭଦ୍ରକ, ୨୫ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ଥାନା ଅନ୍ତର୍ଗତ ୧୬ ନଂ ଜାତୀୟ ରାଜପଥର ଚନ୍ଦ୍ରଭାନୁପୁର ନାକାପୋଷ୍ଟରେ ପୁଲିସ ଆଜି ଭୋର ୪ଟା ସମୟରେ ବେଆଇନ ଗୋରୁ ପରିବହନକାରୀ ଗାଡି ସହ ୪୬ ଗୋରୁ ଜବତ କରିଛି। ଓଆର ୦୧ ଏଲ ୪୪୪୫ ନଂ ଟ୍ରକରେ ୪୬ ଗୋରୁ ହରିପୁରରୁ ପଶ୍ଚିମବଙ୍ଗ ଚାଲାଣ କରାଯାଇଥିବା ବେଳେ ଜବତ ହୋଇଛି। ଜବତ ଗୋରୁଗୁଡିକୁ ମଇତାପୁର ଗୋଶାଳାରେ ଛଡାଯାଇଛି। ଅନ୍ଧାରର ସୁଯୋଗ ନେଇ ଗାଡି ଚାଳକ ଫେରାର ହୋଇଯାଇଥିବା ବେଳେ ଭଦ୍ରକ ପୁରୁଣାବଜାର ଅଞ୍ଚଳର ଅବିନାଶ ବେହେରା, ଶେଖ ମମିନ ଖାନ ଓ ଶେଖ ଅମୀନ ଅକ୍ତରଙ୍କୁ ଗିରଫ କରାଯାଇଛି। ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଛି। ଏଥିନେଇ ଥାନାରେ ୨୮/୨୨ ନଂ ମାମଲା ଋଜୁ କରାଯାଇଛି।
