ହରିଚନ୍ଦନପୁର,ତା ୨୨ ଡିସେମ୍ବର (ଓଡ଼ିଆ ପୁଅ/ପ୍ରେମାନନ୍ଦ ଦାସ) ନୟାଗଡ ପରୀ ଘଟଣାର ସିବିଆଇ ତଦନ୍ତ ଦାବିକରି ମଙ୍ଗଳବାର କେନ୍ଦୁଝର ଜିଲ୍ଲା ହରିଚନ୍ଦନପୁର ବିଜେପି ପକ୍ଷରୁ ଏକ ରାଲି ମାଧ୍ୟମରେ ବିଡ଼ିଓଙ୍କୁ ଦାବିପତ୍ର ପ୍ରଦାନ କରାଯାଇଛି । ଖବର ଅନୁଯାୟୀ ତେଲକୋଇ ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ପ୍ରାର୍ଥୀ ଧନୁର୍ଜୟ ସିଦ୍ଧୁଙ୍କ ନେତୃତ୍ବରେ ମନୋହରପୁର ଠାରୁ ହରିଚନ୍ଦନପୁର ବ୍ଲକ କାର୍ଯ୍ୟାଳୟ ପର୍ଯ୍ୟନ୍ତ ଏକ ରାଲି କରାଯାଇଥିଲା । ଏହି ରାଲିରେ ବିଭିନ୍ନ ନାରାବାଜି କରି ପରୀ ମୃତ୍ୟୁ ଘଟଣାର ସଠିକ୍ ତଦନ୍ତ ଓ ସିବିଆଇକୁ ତାହାର ତଦନ୍ତ ଭାର ଦେବାକୁ ବିଡିଓଙ୍କୁ ଏକ ଦାବିପତ୍ର ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ହରିଚନ୍ଦନପୁର ଅଞ୍ଚଳର ବହୁ ବିଜେପି ମହିଳା ଓ ପୁରୁଷ ଯୋଗ ଦେଇ ମନୋହରପୁର ହାଇସ୍କୁଲ ପଡିଆ ଠାରୁ ରାଲିରେ ବାହାରି ଥିଲେ । ହରିଚନ୍ଦନପୁର ବ୍ଲକ ବିଜେପିର ପ୍ରଦୀପ କୁମାର ପଣ୍ଡା, ଜଳଧର ସାହୁ, ଅଭୟ କୁମାର ରଥ, ମଣ୍ଡଳ ସଭାପତି ଜୟକୃଷ୍ଣ ମହାନ୍ତ ପ୍ରମୁଖଙ୍କ ସହଯୋଗରେ ସଫଳ ହୋଇଛି । ସୁରକ୍ଷାକୁ ଦୃଷ୍ଟିରେ ରଖି ହରିଚନ୍ଦନପୁର ଥାନା ଆଇଆଇସି ମନୋରଞ୍ଜନ ପ୍ରଧାନ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଇଥିଲେ । ଏହି କାର୍ଯ୍ୟକ୍ରମରେ ଘଟଗାଁ ଏସଡିପିଓ ରବିନ୍ଦ୍ର ମଲ୍ଲିକ ନିଜେ ଉପସ୍ଥିତ ରହି ସୁରକ୍ଷା ବ୍ୟବସ୍ଥାର ତଦାରଖ କରୁଥିବା ଦେଖିବାକୁ ମିଳିଛି ।
