ନୂଆ ଦିଲ୍ଲୀ ୧୬-୬ (ଓଡ଼ିଆ ପୁଅ) ଦେଶରେ କରୋନା ଆତଙ୍କ ଖେଳାଇଛି। ହୁତୁହୁତୁ ହୋଇ ବଢ଼ୁଛି ସଂକ୍ରମିତଙ୍କ ସଂଖ୍ୟା। ଗତ ୨୪ ଘଣ୍ଟା ମଧ୍ୟରେ ୧୦, ୬୬୭ ନୂତନ ଆକ୍ରାନ୍ତ ସାମନାକୁ ଆସିଥିବା ବେଳେ ୩୮୦ ଜଣଙ୍କର ମୃତ୍ୟୁ ହୋଇଛି।
ଏବେ ଦେଶରେ ୧, ୫୩, ୧୭୮ ସକ୍ରିୟ ଆକ୍ରାନ୍ତ ଥିବା ବେଳେ ୧, ୮୦, ୦୧୩ ଜଣ ଆକ୍ରାନ୍ତ ସୁସ୍ଥ ହୋଇସାରିଲେଣି ଏବଂ ଡିସ୍ଚାର୍ଜ ହୋଇଛନ୍ତି। ତେବେ ଗତ କିଛି ଦିନ ହେବ ଦେଶରେ ଦୈନିକ ଦଶ ହଜାରରୁ ଅଧିକ ନୂତନ କରୋନା ଆକ୍ରାନ୍ତ ରିପୋର୍ଟ କରାଯାଉଥିବା ବେଳେ ମୋଟ ମୋଟ ସଂକ୍ରମିତଙ୍କ ସଂଖ୍ୟା ୩, ୪୩, ୦୯୧ କୁ ବୃଦ୍ଧି ପାଇଛି। ଏପର୍ଯ୍ୟନ୍ତ ୯, ୯୦୦ ଲୋକଙ୍କର ମୃତ୍ୟୁ ହୋଇଛି।
ଏହାପୂର୍ବରୁ ସୋମବାର ଦିନ କ୍ରମାଗତ ତୃତୀୟ ଦିନ ପାଇଁ ୧୧ ହଜାରରୁ ଅଧିକ ଆକ୍ରାନ୍ତ ହୋଇଥିଲେ।
ସମସ୍ତ ରାଜ୍ୟ ମଧ୍ୟରେ ମହାରାଷ୍ଟ୍ରରେ ସର୍ବାଧିକ ସଂଖ୍ୟକ କରୋନା ପଜିଟିଭ ରିପୋର୍ଟ ହୋଇଛି। ଏପର୍ଯ୍ୟନ୍ତ ୧, ୧୦, ୭୪୪ ଆକ୍ରାନ୍ତ ଥିବା ବେଳେ, ସେଥିମଧ୍ୟରୁ ୫୦,୫୬୭ ଜଣ ସକ୍ରିୟ ରୋଗୀ ଅଟନ୍ତି। ୫୬,୦୪୯ ଲୋକ ଆରୋଗ୍ୟ ଲାଭ କରିଛନ୍ତି। ଏଥି ସହିତ ରାଜ୍ୟରେ ୪,୧୨୮ ଜଣଙ୍କର ମୃତ୍ୟୁ ଘଟିଛି।
ଦିଲ୍ଲୀର କୋଭିଡ -୧୯ ରୋଗୀଙ୍କ ସଂଖ୍ୟା ୪୨,୮୨୯ ରେ ପହଞ୍ଚିଛି। ରାଜଧାନୀରେ ଆକ୍ରାନ୍ତ ବୃଦ୍ଧି ହେତୁ କେନ୍ଦ୍ର ସରକାର ଏବଂ ରାଜ୍ୟ ସରକାର ମିଳିତ ଭାବେ ମହାମାରୀ ବିରୋଧରେ ଲଢ଼ିବାକୁ ନିଷ୍ପତ୍ତି ନେଇଛନ୍ତି। ଏଥିପାଇଁ ଗତ ଦୁଇ ଦିନ ମଧ୍ୟରେ କେନ୍ଦ୍ର ଏବଂ ଦିଲ୍ଲୀ ସରକାରଙ୍କ ମଧ୍ୟରେ ଅନେକ ବୈଠକ ଅନୁଷ୍ଠିତ ହୋଇଛି ଏବଂ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି।
ଉତ୍ତରପ୍ରଦେଶରେ କରୋନା ପଜିଟିଭ ରୋଗୀଙ୍କ ସଂଖ୍ୟା ୧୩୬୧୫ କୁ ବୃଦ୍ଧି ପାଇଛି। ଏପର୍ଯ୍ୟନ୍ତ ୩୯୯ ଲୋକ ପ୍ରାଣ ହରାଇଛନ୍ତି। ବର୍ତ୍ତମାନ ପର୍ଯ୍ୟନ୍ତ ତାମିଲନାଡୁରେ ୪୬,୫୦୪ ଲୋକ ସଂକ୍ରମିତ ହୋଇଛନ୍ତି, ସେମାନଙ୍କ ମଧ୍ୟରୁ ୨୦୬୮୧ ଜଣ ସକ୍ରିୟ ରୋଗୀ। ଏଥିସହ ୪୭୯ ଜଣଙ୍କର ମୃତ୍ୟୁ ଘଟିଛି।
ବିଶ୍ୱରେ ୮୦ ଲକ୍ଷରୁ ଅଧିକ ସଂକ୍ରମିତ
କରୋନା ସଂକ୍ରମଣ ଦୁନିଆର ୨୧୩ ଦେଶରେ ବ୍ୟାପିଛି। ତଥ୍ୟ ଅନୁଯାୟୀ, ସୋମବାର ସନ୍ଧ୍ୟା ୭ ଟା ସୁଦ୍ଧା ସାରା ବିଶ୍ୱରେ ୮୦, ୧୮, ୯୬୩ ଆକ୍ରାନ୍ତ ଚିହ୍ନଟ ହୋଇଛନ୍ତି। ବିଗତ ୨୦ ଦିନ ମଧ୍ୟରେ, ବିଶ୍ୱରେ ପ୍ରତିଦିନ ଏକ ଲକ୍ଷରୁ ଅଧିକ ଆକ୍ରାନ୍ତ ନୂଆ ଆସୁଥିବା ବେଳେ ପ୍ରତ୍ୟେକ ଦିନ ତିନିରୁ ଚାରି ହଜାର କରୋନା ରୋଗୀଙ୍କର ମୃତ୍ୟୁ ହେଉଛି।
ସୋମବାର ୧, ୨୨, ୯୧୩ ଆକ୍ରାନ୍ତ ଏବଂ ୩୨୬୩ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ୪୧ ଲକ୍ଷ ରୋଗୀ ଆରୋଗ୍ୟ ହୋଇଛନ୍ତି।
ବର୍ତ୍ତମାନ, ବିଶ୍ୱ ୩୪ ରେ ୩୪ ଲକ୍ଷ ୪୧ ହଜାର ୫୫୨ ସକ୍ରିୟ ଆକ୍ରାନ୍ତ ଅଛନ୍ତି। ସେଥିମଧ୍ୟରୁ ୯୮ ପ୍ରତିଶତ ଅର୍ଥାତ୍ ୩, ୩୮୭, ୦୮୩ ରୋଗ ସାମାନ୍ୟ ଲକ୍ଷଣ ବିଶିଷ୍ଟ ରୋଗୀଙ୍କ ଅଛନ୍ତି।
କେବଳ ଦୁଇ ପ୍ରତିଶତ ଅର୍ଥାତ୍ ୫୪, ୪୬୯ ଆକ୍ରାନ୍ତ ଗୁରୁତର ସଂକ୍ରମିତ ଅଛନ୍ତି।
