ମାଲକାନଗିରି,୨୧ା୪(ଓଡିଆ ପୁଅ ) ମହାମାରୀ କରୋନା ଲାଗି ଲକ ଡାଉନ ହୋଇ ବସ ଓ ଯାନବାହନ ଚଳାଚଳ ବନ୍ଦ ରହିଥିବାରୁ ସୁଦୁର କଲିକତାରୁ ଦୀର୍ଘ୧୪ଶହ କିଲେମିଟର ରାସ୍ତା ୧୪ଦିନ ଧରି ସାଇକେଲ ଚଳାଇ ମାଲକାନଗିରି ଜିଲ୍ଲା ମାଥିଲିଠାରେ ପହଁଚିଛନ୍ତି ଜଣେ ବ୍ୟବସାୟୀ । ପଶ୍ଚିମବଙ୍ଗ କଲିକତା ବରନଗର ଗ୍ରାମର ରଜିଂତ ମଣ୍ଡଳ ନାମକ ଜଣେ ବ୍ୟବସାୟୀ କିଛି ବର୍ଷହେଲା ମାଲକାନଗିରି ଜିଲ୍ଲାସ୍ଥ ମାଥିଲି ଥାନା ଅଚଂଳରେ ସାଇକେଲରେ ଫେରିକରନ୍ତି । ସେ ଗତ କିଛି ମାସତଳେ କଲିକତାକୁ ମାଲଆଣିବାକୁ ପଳାଇଥିଲେ । ଲକ ଡାଉନ ହୋଇ ଯାଇଥିବାରୁ ସେ ମାଥିଲିକୁ ଫେରିପାରିନଥିଲେ ।ତାଙ୍କର ଜରୁରୀକାମ ମାଥିଲିରେ ଥିବାରୁ ସେ ସୁଦୁର ପଶ୍ଚିମବଙ୍ଗରୁ ସାଇକେଲ ଯୋଗେ ଦୀର୍ଘ୧୪୦୦କିଲୋମିଟର ରାସ୍ତା ୧୪ଦିନରେ ଅତିକ୍ରମକରି ମାଥିଲି ଅଭି ମୁଖେ ଆସିଥିଲେ । ଗତ କାଲି ଜିଲ୍ଲାପ୍ରବେଶ ଦ୍ୱାରା ଗୋବିନ୍ଦପାଲି ଠାରେ ପହଁଚିବାର ଦେଖି କିଛି ଗ୍ରାମବାସୀ ଏସଂପର୍କରେ ଜିଲ୍ଲାପ୍ରଶାସନକୁ ଫୋନ କରିବାରୁ ଖଇରପୁଟ ତହସିଲଦାର ରାମକୃଷ୍ଣ ନାୟକ, ମାଥିଲି ବିଡିଓ ଓ ଥାନାଅଧିକାରୀ ଜହନ କୁଜୁରୁ ଗୋବିନ୍ଦପାଲି ଠାରେ ପହଁଚି ପଶ୍ଚିମବଙ୍ଗର ବ୍ୟବସାୟୀ ଶ୍ରୀ ମଣ୍ଡଳଙ୍କୁ ସେଠାରେ ଅଟକାଇ ତାଙ୍କ ସଂପର୍କରେ ବିବରଣୀ ସଂଗ୍ରହ କରି ତାଙ୍କୁ ଗୋବିନ୍ଦପାଲି କ୍ୱାରେଟାଂଇନ ଗୃହରେ ରଖା ଯାଇଥିବାର ଜଣାପଡିଛି ।
