ମୟୁରଭଞ୍ଜ,ତା ୨୬ ଅକ୍ଟୋବର(ଓଡ଼ିଆ ପୁଅ/ପ୍ରେମାନନ୍ଦ ଦାସ/ସୀତାରାମ ଦୀକ୍ଷିତ) ଅଜଣା ଗାଡ଼ି ଧକ୍କାରେ ଏକ ଅଜଗର ସାପର ମୃତ୍ୟୁ ଘଟିଥିବା ଜଣାପଡିଛି । ଖବର ଅନୁଯାୟୀ ଏଭଳି ଘଟଣା ମୟୁରଭଞ୍ଜ ଜିଲ୍ଲା ବାରିପଦା ସହର ନିକଟବର୍ତ୍ତୀ ବେତନଟୀ ବନଖଣ୍ଡ ଅନ୍ତର୍ଗତ କାଠପାଳ ନିକଟସ୍ଥ ୧୮ନଂ ଜାତୀୟ ରାଜପଥ ଉପରୁ ଏକମୃତ ଅଜଗର ସାପ ଗ୍ରାମବାସୀଙ୍କ ଦ୍ୱାରା ଉଦ୍ଧାର କରାଯାଇଛି । ସାପଟି ରାସ୍ତାର ଗୋଟିଏ ପାର୍ଶ୍ୱରୁ ଅନ୍ୟ ପାର୍ଶ୍ୱକୁ ଯାଉଥିବା ସମୟରେ କୌଣସି ଏକ ଚାରିଚକିଆ ଗାଡି ଦୁର୍ଘଟଣାରେ ସାପଟିର ମୃତ୍ୟୁ ଘଟିଥିବାର ଆଶଙ୍କା କରାଯାଉଛି । ସାପଟିର ବୟସ ପ୍ରାୟ ୫ରୁ ୬ବର୍ଷ ହୋଇଥିବ ବୋଲି ଅନୁମାନ କରାଯାଉଛି । ଏଥିସହ ଏହି ସାପଟିକୁ କିଛିଦିନ ପୂର୍ବେ ଗାଙ୍ଗରାଜ ଅଞ୍ଚଳରୁ ଉଦ୍ଧାର କରାଯାଇ କାଠପାଳ ଜଙ୍ଗଲରେ ଛଡା ଯାଇଥିବା ଆଲୋଚନା ହେଉଛି । ମୃତ ଅଜଗରଟି ସିଡ୍ୟୁଲ ୦୧ ପ୍ରଜାତିର ବୋଲି ଜଣାପଡିଛି ।
