ମାଲକାନଗିରି,୧୧ା୫ (ଓଡିଆ ପୁଅ )ମାଲକାନଗିରି ଜିଲ୍ଲାସ୍ଥ କାଲିମେଳା ଥାନା ଦରିଗୁଡା ଗ୍ରାମ ନିକଟରେ ଯାଇଥିବା ପୋଟେରୁ କେନାଲରେ ଗତ କାଲି ସନ୍ଧ୍ୟାରେ ଜଣେ ମହିଳାଙ୍କ ର ଶବ ଭାସୁଥିବାର ଦେଖି ଗ୍ରାମବାସୀ ମାନେ ଥାନାରେ ଜଣାଇ ଥିଲେ । ଗତ କାଲି ମୃତ ମହିଳାଙ୍କର ପରିଚୟ ମିଳିଯାଇଥିଲା,ସେ ଗମ୍ଫାକୋଣ୍ଡା ପଚାଂୟତ ତୁମୁକିମାଡକା ଗ୍ରାମର ଗଙ୍ଗା ମାଡିଙ୍କ ପତ୍ନୀ ଦୁଲେମାଢି(୪୬),ଗତ କାଲି ଅପରାହ୍ନରେ ନିକଟସ୍ଥ କେନାଲକୁ ଗାଧୋଇବାକୁ ଯାଇଥିଲେ । ସେ ସନ୍ଧ୍ୟା ପର୍ଯ୍ୟନ୍ତ ଘରକୁ ନ ଫେରିବାରୁ ପରିବାର ଲୋକେ ବହୁତ ଖୋଜା ଖୋଜିକରିଥିଲେ । ସେମାନଙ୍କ ଗ୍ରାମଠାରୁ ପ୍ରାୟ ୫କିଲୋମିଟ ଦୂର ଦରିଗୁଡା କେନାଲରେ ଜଣେ ମହିଳାଙ୍କ ଶବ ଭାସୁଥିବାର ରାତ୍ରରେ ଜାଣିବାକୁ ପାଇଲେ । ପରିବାର ଲୋକେ ସେଠାକୁ ଯାଇ ଦୁଲେ ମାଢିଙ୍କ ଶବ ଚିହ୍ନଟକରି କାଲିମେଳା ଥାନା କୁ ଜଣାଇଥିଲେ । ଦୁଲେ କେନାଲରେ ଗାଧୋଉଥିବା ସମୟରେ ତାଙ୍କ ଗୋଡ ପାଣିରେ ଖସି ଯାଇ ଥିବାରୁ ସେ ପାଣିରେ ଭାସିଭାସି ୫କିଲୋମିଟର ଦୂର ଦରିଗୁଡା ଠାରେ ପହଁଚିଥିବାର ପରିବାର ଲୋକେ ଓ ଗ୍ରାମବାସୀମାନେ ସନ୍ଦେହ କରୁଛନ୍ତି ।ଘଟଣାସ୍ଥଳ ମାଓପ୍ରବଣ ଘଚଂଜଙ୍ଗଲ ଥିବାରୁ ଥାନାରେ ଖବର ପହଁଚିବାରେ ବିଳମ୍ବିତ ରାତ୍ର ହୋଇ ଯାଇଥିବାରୁ ପୁଲିସ ଘଟଣାସ୍ଥଳରେ ପହଁଚିପାରିନଥିଲେ । ଆଜି ସକାଳେ କାଲିମେଳା ଥାନା ପୁଲିସ ଘଟଣାସ୍ଥଳରେ ପହଁଚି ମହିଳାଙ୍କ ମୃତଶରୀର ଜବତ କରିଥିଲେ । ଡାକ୍ତାରଖାନାକୁ ଶବ୍ୟବଛେଦ ପାଇଁ ପଠାଇ ଏକ ଅପମୃତ୍ୟୁମାମଲା ରୁଜୁକରି ତଦନ୍ତ ଆରମ୍ଭ କରିଛନ୍ତି । ମୃତା ମହିଳା ଦୁଲେ ମାଢିଙ୍କର ୩ଟି ଝିଅ ସେ ଅତ୍ୟନ୍ତ ଗରିବ, ସେ ଓ ତାଙ୍କ ସ୍ୱାମୀ କୁଲି ମଜୁରୀ ଲାଗିଲେ ପେଟକୁ ଦାନା ଜୋଗାଡ କରିଥାନ୍ତି । ଦୁଲେ ମାଢିଙ୍କ ମୃତ୍ୟୁରେ ତାଙ୍କ ସ୍ୱାମୀ ଭାଙ୍ଗି ପଡିଛନ୍ତି ।ମୃତା ଦୁଲେମାଢିଙ୍କ ପରିବାରକୁ ସରକାରଙ୍କ ପକ୍ଷରୁ ଆର୍ଥିକ ସହାୟତା ଯୋଗାଇଦେବା ପାଇଁ ସରପଂଚ ଲକ୍ଷ୍ମି କବାସୀ ଦାବିକରିଛନ୍ତି । ଆଜି ଶବ ବ୍ୟବଛେଦପରେ ପୁଲିସ ଦୁଲେମାଢିଙ୍କ ପରିବାରଙ୍କୁ ଶବ ହସ୍ତାନ୍ତର କରିଛନ୍ତି ।
