Home ଓଡ଼ିଶା ମାଲକାନଗିରି ଜିଲ୍ଲାରେ ଆଜି ପୁଣି ୨୯ ବିଏସଏଫ ଯବାନଙ୍କ ସମତେ ୩୬ କରୋନା ସଂକ୍ରମିତ ଚିହ୍ନଟ

ମାଲକାନଗିରି ଜିଲ୍ଲାରେ ଆଜି ପୁଣି ୨୯ ବିଏସଏଫ ଯବାନଙ୍କ ସମତେ ୩୬ କରୋନା ସଂକ୍ରମିତ ଚିହ୍ନଟ

151

ମାଲକାନଗିରି,୩୦ା୬(ଓଡିଆ ପୁଅ )ମାଲକାନଗିରି ଜିଲ୍ଲାରେ କରୋନା ପଜିଟିଭ ସଂଖ୍ୟା ଦିନ କୁ ଦିନ ବୃଦ୍ଧି ପାଇଚାଲିଛି । ଆଜି ଜିଲ୍ଲାରେ ପୁଣି ୩୬ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଆକ୍ରାନ୍ତଙ୍କ ମଧ୍ୟରୁ କେବଳ ୨୯ଜଣ ବିଏସଏଫ ଯବାନ ମାଲ୍ୟବନ୍ତ ଛାତ୍ରାବାସ ସଙ୍ଗରୋଧ କେନ୍ଦ୍ରରୁ ଚିହ୍ନଟ ହୋଇଥିବା ବେଳେ ଅନ୍ୟ ୪ଜଣ ଏମଭି୭ କ୍ୱାରେଟାଂଇନ କେନ୍ଦ୍ରରେ ଥିବା ତାମିଲନାଡୁ,ଦିଲ୍ଲୀ ଫେରନ୍ତା ପ୍ରବାସୀ ଓ ଅନ୍ୟ ୩ଜଣ କୋରକୁଣ୍ଡା ବ୍ଲକ ସ୍ଥ ଏମଭି୧୨ଗ୍ରାମର ଗୋଟିଏ ପରିବାର ସେମାନେ ଦିଲ୍ଲୀରୁ ଫେରି ହୋମକ୍ୱାରେଟାଂଇନ ରେ ଥିବାର ଜଣପଡିଛି । ବିଶେଷ କରି ମାଲକାନଗିରି ମାଲ୍ୟବନ୍ତ ଛାତ୍ରବାସ କ୍ୱାରେଟାଂଇନ କେନ୍ଦ୍ରରେ ଥିବା ବିହାର,ଝାଡଖଣ୍ଡ,କର୍ଣ୍ଣାଟକ,ମହାରାଷ୍ଟ୍ର, ମଧ୍ୟପ୍ରଦେଶ, ରାଜସ୍ଥାନ, ତ୍ରିପୁରା, ଉତରପ୍ରଦେଶ,ପଶ୍ଚିମବଙ୍ଗ ରାଜ୍ୟରୁ ଛୁଟିରେ ଫେରିଥିବା ୨୯ଜଣ ବିଏସଏଫ ଯବାନ ଚିହ୍ନଟହୋଇ ଥିବାର ଜଣାପଡିଛି । ଗତ ତିନି ଦିନମଧ୍ୟରେ କେବଳ ୩୫ ଜଣ ବିଏସଏଫ ଯବାନ କରୋନା ସଂକ୍ରମିତ ଚିହ୍ନଟ ହୋଇସାରିଲେଣି । ମାଲ୍ୟବନ୍ତ ଛାତ୍ରବାସ ଓ ଏମଭି୭ ସଙ୍ଗରୋଧ କେନ୍ଦ୍ର ସହିତ ଏମଭି୧୨ ଗ୍ରାମକୁ ତହସିଲଦାର ଡ.ଗୁଣନିଧି ନାୟକ ଓ ମାଲକାନଗିରି ଥାନା ଅଧିକାରୀ ରାମପ୍ରସାଦ ନାଗ ନିଷିଦ୍ଧାଚଂଳ ଘୋଷଣା କରିଛନ୍ତି । ଆଜିର ୩୬ଜଣ ସଂକ୍ରମିତ ଙ୍କୁ ମିଶାଇ ମାଲକାନଗିରି ଜିଲ୍ଲାରେ ମୋଟ ସଂକ୍ରମିତ ସଂଖ୍ୟା ୯୬ ରେ ପହଁଚିଗଲାଣି,ସେଥିମଧ୍ୟରୁ ୫୨ଜଣ ସୁସ୍ଥ ହୋଇ ନିଜ ଘରକୁ ଫେରିଥିବା ବେଳେ ୪୪ ଜଣ ସଂକ୍ରମିତ କୋଭିଡ ହସପିଟାଲରେ ଚିକିତ୍ସିତ ହେଉଥିବାର ଜିଲ୍ଲାପ୍ରସାସନ ସୁତ୍ରରୁ ଜଣାପଡିଛି । ଆଜିର ସଂକ୍ରମଣ ମାନଙ୍କ ଟ୍ରାଭେଲ ରିପୋର୍ଟ ଜଣା ପଡିଯାଇଛି ,ଏମଭି୧୨ ଗ୍ରାମର ହୋମକ୍ୱାରେଟାଂଇନ ରେ ଥିବା ଦିଲ୍ଲୀଫେରନ୍ତା ଚିହ୍ନଟ ଆକ୍ରାନ୍ତ ପରିବାର ଅନ୍ୟ କେଉଁ ଲୋକଙ୍କ ସଂସ୍ପର୍ଷରେ ଆସିଛନ୍ତି କି ନାହିଁ ତାହାର ଜାଚଂ ଚାଲିଛି । କେବଳ ଜିଲ୍ଲାସଦର ମହକୁମା ମାଲ୍ୟବନ୍ତ ଛାତ୍ରବାସ ସଙ୍ଗରୋଧ କେନ୍ଦ୍ରରୁ ୩୫ଜଣ ବିଏସଏଫ ଯବାନ କରୋନା ସଂକ୍ରମଣ ଚିହ୍ନଟ ହେବା ପରେ ସେଠାରେ ଥିବା ବସ୍ତିବାସିନ୍ଦା ମାନେ ଭୟଭିତ ହୋଇପଡିଛନ୍ତି । କରୋନା ସଂକ୍ରମଣ ଠାରୁ ସତର୍କ ରହିବା ପାଇଁ ଜିଲ୍ଲାପ୍ରଶାସନ ପକ୍ଷରୁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି । ଏଥିରେ କେହି ଭୟଭିତ ହୁଅନ୍ତୁନାହିଁ,ଘରେ ରୁହନ୍ତୁ ସୁସ୍ଥ ରୁହନ୍ତୁ,ମାସ୍କ ବ୍ୟବହାର କରିବା ସହିତ ସାମାଜିକ ଦୂରତା ବଜାୟୀ ରଖନ୍ତୁ,ଲକଡାଉନ ନିୟମସହ ସରକାର ଓ ଜିଲ୍ଲାପ୍ରଶାସନ ପକ୍ଷରୁ ଜାରି କରାଯାଇଥିବା ନୀୟମ କୁ ମାନନ୍ତୁ ବୋଲି ଜିଲ୍ଲାବାସୀଙ୍କୁ ଜିଲ୍ଲାପ୍ରଶାସନ ପକ୍ଷରୁ ପରାମର୍ଶ ଦିଆଯାଇଛି ।

 

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.