Home ଜିଲ୍ଲା ପରିକ୍ରମା ଜବାହର ନବୋଦୟ ବିଦ୍ୟାଳୟ ରୁ ୪ଫୁଟ ଲମ୍ବର ବିଷଧର ନାଗସାପ ଉଦ୍ଧାର,ଅଳ୍ପକେ ବର୍ତିଲେ ଛାତ୍ର ଛାତ୍ରୀ

ଜବାହର ନବୋଦୟ ବିଦ୍ୟାଳୟ ରୁ ୪ଫୁଟ ଲମ୍ବର ବିଷଧର ନାଗସାପ ଉଦ୍ଧାର,ଅଳ୍ପକେ ବର୍ତିଲେ ଛାତ୍ର ଛାତ୍ରୀ

147

ମାଲକାନଗିରି,୧୨ା୧୦ (ଓଡିଆ ପୁଅ ) ମାଲକାନଗିରି ଜିଲ୍ଲାସଦର ମହକୁମାସ୍ଥ ଜବାହାର ନବୋଦୟ ବିଦ୍ୟାଳୟ ପରିସରରୁ ୪ଫୁଟ ଲମ୍ବର ଏକ ବିଷଧର ନାଗସାପ ଉଦ୍ଧାର ହୋଇଛି । ଏହି ସାପ ଉଦ୍ଧାର ହେବାପରେ ଅଳ୍ପକେ ବର୍ତି ଯାଇଛନ୍ତି ବିଦ୍ୟାଳୟର ଛାତ୍ର ଛାତ୍ରୀ ମାନେ । ଆଜି ଅପରାହ୍ନରେ ବିଦ୍ୟାଳୟର କିଛି ଛାତ୍ର କ୍ଲାସରୁମ ବାହାରକୁ ଯାଉଥିବା ବେଳେ ବିଦ୍ୟାଳୟ ଭିତରକୁ ଏକ ନାଗ ସାପ ପସିଆସୁଥିବାର ଦେଖି ଭୟଭିତ ହୋଇ ଚିକ୍ରାର କରି ଧାଁ ଦୌଡକରିଥିଲେ । ଅନ୍ୟକିଛି ଛାତ୍ର ଏ ସଂପର୍କରେ ଶିକ୍ଷକ ଙ୍କୁ ଜଣାଇବାରୁ ଶିକ୍ଷକ ସ୍ନେକ ହେଲ୍ପଲାଇନକୁ ଫୋନକରିବାରୁ ସଙ୍ଗେ ସଙ୍ଗେ ସ୍ନେକ ହେଲପ ଲାଇନର ସ୍ନେହାଶିଶ ନାୟକ ସେଠାରେ ପହଁଚି ଯାଇଥିଲେ । ସାପ ଭୟରେ ବିଦ୍ୟାଳୟର ଛାତ୍ର ଛାତ୍ରୀ ମାନେ କ୍ଲାସ ରୁମଭିତରେ କବାଟ ଦେଇ ରହି ଯାଇଥି୍‌ଲେ ।ସାପଟି ଧରିବା ପରେ ଉଦ୍ଧାର ନାଗ ସାପକୁ ଦେଖିବା ପାଇଁ ବିଦ୍ୟାଳୟ ପରିସରରେ ଛାତ୍ର ଛାତ୍ରୀମାନଙ୍କ ଭିଡ ଜମି ଯାଇଥିଲା । ଉଦ୍ଧାର ନାଗ ସାପଟିକୁ ସ୍ନେକହେଲପ୍ ଲାଇନ ଓ ବନକର୍ମଚାରି ମାନେ ମାଲ୍ୟବନ୍ତ ପାହଡରେ ନେଇ ଛାଡି ଦେଇଛନ୍ତି । ଗତ କିଛି ଦିନହେଲା ସମଗ୍ର ମାଲକାନଗିରି ଜିଲ୍ଲାରେ ଜଙ୍ଗଲ ଓ ଗାତମଧ୍ୟରୁ ସାପ ସବୁ ବାହାରି ଏବେ ସହରମୁଖା ହୋଇଛନ୍ତି,ଗତମାସକ ମଧ୍ୟରେ ସହରର ବିଭିନ୍ନ ସ୍ଥାନରୁ ପ୍ରାୟ ୯୦ରୁ ଉର୍ଦ୍ଦ ହେବ ଅଜଗର,ଅହିରାଜ,ନାଗ ଆଦି ବିଷଧର ସାପ ଉଦ୍ଧାର କରାଗଲାଣି । ମାଲକାନଗିରି ଜିଲ୍ଲା ଆଗରୁ ସବୁଜବନାନୀ ବଣ ଜଙ୍ଗଲ ଘେରାରେ ଥିବାରୁ ବନ୍ୟପ୍ରାଣୀ ଶରିସୃପ ମାନେ ବିନା ବାଧାରେ ବଣ ଜଙ୍ଗଲରେ ରହୁଥିଲେ । ଏବେ ସବୁଜ ବନାନୀ ବଦଳରେ ବଣଜଙ୍ଗଲ ପାହଡ ତଳେ କଂକ୍ରୀଟ ଜଙ୍ଗଲ ସୃଷ୍ଟି ହେଲାଣି, ବଣଜଙ୍ଗଲ ସବୁ ଧିରେ ଧିରେ ଧ୍ୱସଂହେବାକୁ ବସିଲାଣି, ବନ୍ୟଜନ୍ତୁ ଓ ଶରୀସୃପ ମାନଙ୍କର ବାସସ୍ଥଳି ବଦଳରେ ସଭ୍ୟଶିକ୍ଷିତ ମଣିଷଙ୍କ କୋଠାଘର ଦେଖିବାକୁ ମିଳୁଛି, ସେମାନଙ୍କ ବାସସ୍ଥାନ ନଷ୍ଟ ହୋଇ ଯାଉଥିବାରୁ ବନ୍ୟଜନ୍ତୁ ସହିତ ସାପ ଓ ଅନ୍ୟାନ ଶରୀସୃପ ମାନେ ଏବେ ସହର ମୁଖା ହେବାକୁ ଲାଗିଲେଣି ।

 

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.