ନୂଆ ଦିଲ୍ଲୀ ୮-୩ (ଓଡ଼ିଆ ପୁଅ) ସଂସଦର ବଜେଟ୍ ଅଧିବେଶନର ଦ୍ୱିତୀୟ ଭାଗ ସୋମବାର ଠାରୁ ଆରମ୍ଭ ହୋଇଛି। ରାଜ୍ୟସଭାରେ ପେଟ୍ରୋଲ, ଡିଜେଲ ଏବଂ ରନ୍ଧନ ଗ୍ୟାସର ମୂଲ୍ୟ ବୃଦ୍ଧି ନେଇ କଂଗ୍ରେସ ଏବଂ ଅନ୍ୟ ବିରୋଧୀ ଦଳଙ୍କ ଉତ୍ତେଜନା ପରେ ରାଜ୍ୟସଭାର ପ୍ରକ୍ରିୟା ଅନେକ ଥର ସ୍ଥଗିତ ରଖାଯାଇଥିଲା। କଂଗ୍ରେସ ନେତା ମଲ୍ଲିକାର୍ଜୁନ ଖର୍ଡ୍ଗେ କହିଥିଲେ ଯେ, ସମଗ୍ର ଦେଶ ତୈଳ ଦର ବୃଦ୍ଧିକୁ ନେଇ ସଂଘର୍ଷ କରୁଛି ତେଣୁ ଏହାକୁ ନେଇ ଆଲୋଚନା କରିବା ଆବଶ୍ୟକ।
ଏହା ବ୍ୟତୀତ ରାଜ୍ୟସଭାରେ ଅନ୍ତର୍ଜାତୀୟ ମହିଳା ଦିବସ ଅବସରରେ ମହିଳା ସାଂସଦମାନେ ମହିଳାଙ୍କ ସହ ଜଡିତ ବିଭିନ୍ନ ପ୍ରସଙ୍ଗ ଉଠାଇ ଆଲୋଚନା କରିବାର ଆବଶ୍ୟକତା ପ୍ରକାଶ କରିଥିଲେ।
କରୋନାଭାଇରସ୍ କାରଣରୁ ରାଜ୍ୟସଭାର ପ୍ରକ୍ରିୟା ସକାଳ ୯ ଟାରୁ ରାତି ୨ ଟା ପର୍ଯ୍ୟନ୍ତ ଏବଂ ଲୋକସଭାର ପ୍ରକ୍ରିୟା ଅପରାହ୍ନ ୪ ଟାରୁ ୧୦ ଟା ପର୍ଯ୍ୟନ୍ତ ଚାଲିବ।
