ad
ଆନ୍ତର୍ଜାତୀୟ

ଜାହାଜ ଚଳାଚଳ କ୍ଷେତ୍ରରେ ଭାରତ ଓ ମାଳଦ୍ୱୀପ ମଧ୍ୟରେ ବୁଝାମଣାକୁ କ୍ୟାବିନେଟର ମଞ୍ଜୁରି

– ମାଳଦ୍ୱୀପ ଓ କେରଳ ମଧ୍ୟରେ ଜଳପଥରେ ପରିବହନ ସମ୍ଭବ ହେବ
– କୋଚିରୁ ମାଲେ ଓ କୁଲହୁଧୁଫୁସିକୁ ସାମୁଦ୍ରିକ ପଥରେ ସଂଯୋଗ

ନୂଆ ଦିଲ୍ଲୀ ୩-୭ (ଓଡ଼ିଆ ପୁଅ) ଭାରତ ଓ ମାଳଦ୍ୱୀପ ମଧ୍ୟରେ ସାମୁଦ୍ରିକ ପଥରେ ଯାତ୍ରୀ ଓ ମାଲ ପରିବହନ ନେଇ ସ୍ୱାକ୍ଷରିତ ବୁଝାମଣା ପତ୍ରକୁ କେନ୍ଦ୍ର କ୍ୟାବିନେଟ ଅନୁମୋଦନ କରିଛି। ଭାରତର ପ୍ରଧାନମନ୍ତ୍ରୀଙ୍କ ମାଳଦ୍ୱୀପ ଗସ୍ତ ସମୟରେ ଏହି ବୁଝାମଣା ପତ୍ର ଜୁନ ୮, ୨୦୧୯ରେ ସ୍ୱାକ୍ଷରିତ ହୋଇଥିଲା।

ଭାରତ ହେଉଛି ମାଳଦ୍ୱୀପ ସହିତ ବିକାଶ କ୍ଷେତ୍ରରେ ଏକ ଅଗ୍ରଣୀ ଅଂଶୀଦାର। ଭାରତ ମାଳଦ୍ୱୀପରେ ଅନେକ ଅଗ୍ରଣୀ ଅନୁଷ୍ଠାନ ପ୍ରତିଷ୍ଠା କରିଛି। ସମ୍ପ୍ରତି ଭାରତ ମାଳଦ୍ୱୀପକୁ ୧୦୦ ମିଲିଅନ ଆମେରିକୀୟ ଡଲାରର ଷ୍ଟାଣ୍ଡବାଏ ଋଣ ପ୍ରଦାନ କରିଛି। ଏଥିରେ ରହିଛି ଦୀର୍ଘକାଳୀନ ଋଣ ଏବଂ ବାଣିଜ୍ୟ ମାଧ୍ୟମରେ ଋଣ ପରିଶୋଧ।

ମାଲେ ହେଉଛି ମାଳଦ୍ୱୀପର ରାଜଧାନୀ ଓ ଏହି ଦେଶର ସର୍ବାଧିକ ଜନସଂଖ୍ୟା ବିଶିଷ୍ଟ ସହର। କୁଲହୁଧୁଫୁସି ହେଉଛି ମାଳଦ୍ୱୀପର ତୃତୀୟ ସର୍ବାଧିକ ଜନସଂଖ୍ୟା ବିଶିଷ୍ଟ ସହର। କୋଚିରୁ ଏହି ଦୁଇ ସହରକୁ ସାମୁଦ୍ରିକ ପଥରେ ଉଭୟ ଯାତ୍ରୀ ଏବଂ ମାଲ ପରିବହନ ବ୍ୟବସ୍ଥା ଭବିଷ୍ୟତ ପାଇଁ ଉତମ। କୋଚିଠାରୁ ମାଲେର ଦୂରତ୍ୱ ହେଉଛି ୭୦୮ କିଲୋମିଟର ଏବଂ କୁଲହୁଧୁଫୁସିର ଦୂରତା ହେଉଛି ୫୦୯ କିଲୋମିଟର। କୁଲହୁଧୁଫୁସି ଓ ଏହା ଚାରିପାଖରେ ରହିଥିବା ଦ୍ୱୀପପୁଞ୍ଜ ଗୁଡିକ ହେଉଛନ୍ତି ମାଳଦ୍ୱୀପର ଉତର ଭାଗରେ ଥିବା ସର୍ବାଧିକ ଜନସଂଖ୍ୟା ବିଶିଷ୍ଟ କେନ୍ଦ୍ର। ଏଠାରେ ଅନେକ ରିସୋର୍ଟ ରହିଥିବାରୁ ଏହା ଭାରତୀୟ ମାନଙ୍କ ପାଇଁ ଏକ ପ୍ରମୁଖ ପର୍ଯ୍ୟଟନ ସ୍ଥଳରେ ପରିଣତ ହୋଇପାରିବ। ବର୍ତମାନ ମାଲେକୁ ଆକାଶ ମାର୍ଗରେ ଏବଂ ରିସୋର୍ଟମାନଙ୍କୁ ସି ପ୍ଲେନ ମାଧ୍ୟମରେ ଯାତାୟତ ବ୍ୟବସ୍ଥା ରହିଛି। ଏହା ବ୍ୟୟବହୁଳ। ଅନ୍ୟପକ୍ଷରେ ସାମୁଦ୍ରିକ ଯାତ୍ରା ମାଧ୍ୟମରେ କୋଚି ସହିତ ସଂଯୋଗ ବ୍ୟବସ୍ଥା ସାମୁଦ୍ରିକ ପର୍ଯ୍ୟଟନକୁ ପ୍ରୋତ୍ସାହିତ କରିବ। ଭାରତୀୟ ପର୍ଯ୍ୟଟକ ମାନଙ୍କ ସ୍ୱାସ୍ଥ୍ୟ ଏବଂ କଲ୍ୟାଣ ପାଇଁ ଏହା ଉପଯୋଗୀ ହେବ। ମାଳଦ୍ୱୀପର ଅନେକ ଅଧିବାସୀ ମଧ୍ୟ ଶିକ୍ଷା ଉଦ୍ଦେଶ୍ୟରେ କେରଳ ଓ ଅନ୍ୟାନ୍ୟ ଦକ୍ଷିଣ ଭାରତୀୟ ସହରକୁ ଯାତ୍ରା କରିଥାନ୍ତି।

ଉଭୟ ଦେଶ ମଧ୍ୟରେ ସମୁଦ୍ର ପଥରେ ଯାତ୍ରୀ ଓ ମାଲ ପରିବହନ ସମ୍ଭାବନାର ଲାଭ ଉଠାଇବା ପାଇଁ ମାଳଦ୍ୱୀପ ସହିତ ବୁଝାମଣା ପତ୍ର ସ୍ୱାକ୍ଷର କରାଯାଇଛି। ଦ୍ୱିପାକ୍ଷିକ ବ୍ୟବସାୟ ତଥା ଜନ ସମ୍ପର୍କ ବୃଦ୍ଧି କରିବା ନେଇ ଏହି ପ୍ରସ୍ତାବିତ ସାମୁଦ୍ରିକ ପଥରେ ଯାତାୟତ ସେବା ଅନେକ ଭାବେ ସହାୟକ ହେବ।

Loading...
ad
Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

To Top