ଭଦ୍ରକ, ୧୨ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ଭଦ୍ରକ ଜିଲ୍ଲା ଯୁବ କଂଗ୍ରେସ ପକ୍ଷରୁ ଜିଲ୍ଲା କଂଗ୍ରେସ କାର୍ଯ୍ୟାଳୟ ରେ ଯୁବ କର୍ମୀ ସମ୍ମିଳନୀ ଅନୁଷ୍ଠିତ ହୋଇ ଯାଇଛି । ଜିଲ୍ଲା ଯୁବ କଂଗ୍ରେସ ସଭାପତି ବଳରାମ ରାଉତ(ଚିଲିକା)ଙ୍କ ଆବାହକତ୍ୱରେ ଅନୁଷ୍ଠିତ କର୍ମୀ ସମ୍ମିଳନୀରେ ପ୍ରଦେଶ ଯୁବ କଂଗ୍ରେସର ପ୍ରଭାରୀ ଅଜିତ ସିଂ, ରାଜ୍ୟ ଯୁବ କଂଗ୍ରେସର ସାଧାରଣ ସମ୍ପାଦକ ବିଶ୍ୱଜିତ ଲେଙ୍କା, ରାକେଶ ସାହୁ,ଜିଲ୍ଲା କଂଗ୍ରେସ କମିଟିର କାର୍ଯ୍ୟକାରୀ ସଭାପତି ଦେବରୂପ ମହାନ୍ତି, ଜିଲ୍ଲା ଦଳିତ ନେତା ରାଜେନ୍ଦ୍ର ପ୍ରସାଦ ଜେନା, କାଉନସିଲର ଫରିୟାଦ ଖାଁ,ଧାମନଗର ବିଧାନସଭା ଯୁବ ସଭାପତି ଆଲୋକ ସ୍ୱାଇଁ, ଭଦ୍ରକ ନିର୍ବାଚନ ମଣ୍ଡଳୀ ସଭାପତି ଇଲିୟାସ ଖାଁ ପ୍ରମୁଖ ମୁଖ୍ୟ ଅତିଥି, ସମ୍ମାନିତ ଅତିଥି ଭାବେ ଯୋଗଦେଇ ଆଗାମୀ ଦିନରେ ଜିଲ୍ଲାର ଯୁବ କଂଗ୍ରେସକୁ ଅଧିକ କ୍ରିୟାଶୀଳ କରିବା ସହିତ କଂଗ୍ରେସ ଦଳର ବିଚାର ଧାରା କୁ ଲୋକଙ୍କ ପାଖରେ ପହଂଚାଇବାକୁ ବକ୍ତବ୍ୟ ଦେଇଥିଲେ । ସେହିପରି କେନ୍ଦ୍ର ଓ ରାଜ୍ୟରେ ଚାଲୁଥିବା ବିଜେପି ସରକାର ଲୋକମାନଙ୍କୁ ମିଥ୍ୟା ପ୍ରତିଶୃତି ଦେଇ ଦେଶବାସୀଙ୍କୁ ପ୍ରତାରଣା କରିବା ସହ ଲୁଟ କରି ଚାଲିଛନ୍ତି ବୋଲି ମଂଚାସୀନ ଅତିଥି ମାନେ ବକ୍ତବ୍ୟ ଦେଇଥିଲେ । ଭଦ୍ରକ ଜିଲ୍ଲାର ମେଡିକାଲ କଲେଜ,ଭଦ୍ରକ ବିଶ୍ୱ ବିଦ୍ୟାଳୟ ପ୍ରତିଷ୍ଠା ସହ ଜିଲ୍ଲାର ଯୁବକ/ଯୁବତୀ ମାନଙ୍କୁ ଅଗ୍ରାଧିକାର ଭିତିରେ ଧାମରା ବନ୍ଦର ଓ ବେଦାନ୍ତ ପାୱାର ପ୍ଲାଂଟରେ ନିଯୁକ୍ତି ଦିଆ ଯାଉ ବୋଲି ମୁଖ୍ୟ ଅତିଥି ଅଜିତ ସିଂ ତାଙ୍କ ବକ୍ତବ୍ୟରେ ଦାବୀ କରିଥିଲେ । ଅନ୍ୟ ମାନଙ୍କ ମଧ୍ୟରେ ଆଇନ ଜୀବି ସ୍ୱସ୍ତିକା ପଣ୍ଡା,ଭଣ୍ଡାରିପୋଖରୀ ବ୍ଲକ ମହିଳା ସଭାପତି ଜ୍ୟୋସ୍ନାରାଣୀ ଜେନା,ଟାଉନ ଯୁବ ସଭାପତି ସୁଶାନ୍ତ ଦାସ,ବାସୁଦେବ ପୁର ଯୁବ ନେତା ଇମିତିୟାଜ଼ ଆଲାମ ଶାହା , ସନ୍ତୋଷ ନାୟକ, ଲିଟୁ ପାଢ଼ୀ, ରଞ୍ଜନ ଜେନା, ତିହିଡି ଯୁବ ନେତା ସନ୍ତୋଷ ନାୟକ, ସଂଗ୍ରାମ ପାତ୍ର, ଲଲାଟେନ୍ଦୁ ବାରିକ, ପ୍ରିୟ ରଞ୍ଜନ ଦାସ, ସେକ ଫୟାଜ଼ ଖାଁ, ଅଫତାବ ଆଲାମ, ଶମ୍ବୁ ନାଥ ବାରିକ,ତଇମୁର ଅଲ୍ଲୀ ଖାଁ,ନିରଞ୍ଜନ ନାୟକ, ଜଗବନ୍ଧୁ ବେହେରା ଭୀମସେନ ସେଠି, ସରୋଜ ପାଣି,ସୂର୍ଯ୍ୟ ବିଶ୍ୱାଳ,ସହିଦ ଖାଁ, ସେକ ଅକିଲୋର ରହେମାନ ଙ୍କ ସମେତ ବିଭିନ୍ନ ନିର୍ବାଚନ ମଣ୍ଡଳୀର ଶତାଧିକ ଯୁବ କଂଗ୍ରେସ କର୍ମୀ ଯୋଗଦେଇଥିଲେ।
