ଭଦ୍ରକ, ୬ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଓଡିଶା ସରକାରଙ୍କ ଦ୍ୱାରା ପ୍ରଣୀତ ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନାରେ ସରକାରୀ ଖର୍ଚ୍ଚରେ ଦେଶର ବିଭିନ୍ନ ସ୍ଥାନ ଭ୍ରମଣ ସୁବିଧା ନିମନ୍ତେ ଚଳିତ ବର୍ଷ ନଭେମ୍ବର ୧ ବୁଧବାର ଠାରୁ ଆବେଦନ ଗ୍ରହଣ କରାଯାଉଛି । ନଭେମ୍ବର ୧୦ ତାରିଖ ସନ୍ଧ୍ୟା ଘ୫.୩୦ମି ସୁଦ୍ଧା ଅନଲାଇନ୍ ବା ଅଫଲାଇନ୍ ବ୍ୟକ୍ତିଗତ ବା ଡାକ ଯୋଗେ ମଧ୍ୟ ଏହି ଆବେଦନ ଗ୍ରହଣ କରାଯିବା ନେଇ ସୁଚନା ପ୍ରଦାନ କରାଯାଇଛି । ଏହି ପରିପେକ୍ଷୀରେ ଭଦ୍ରକ ଜିଲ୍ଲା ପ୍ରଶାସନ ଆନୁକୂଲ୍ୟରେ ତୀର୍ଥଯାତ୍ରା ପାଇଁ ଇଛୁକ ବରିଷ୍ଠ ନାଗରିକ ମାନଙ୍କ ଆବେଦନ ଅନଲାଇନ୍ ସୁବିଧା ପ୍ରଦାନ ସହ ଅଫଲାଇନ୍ ରେ ଫର୍ମ ଯୋଗାଇଦେବା ବ୍ୟବସ୍ଥା କରାଯାଇଛି । ନଭେମ୍ବର ୧ ତାରିଖ ଠାରୁ ନଭେମ୍ବର ୧୦ ତାରିଖ ପର୍ଯ୍ୟନ୍ତ ସରକାରୀ କାର୍ଯ୍ୟାଳୟ ଦିବସ ଓ ସମୟରେ ଏହି ଫର୍ମ ଯୋଗାଇବା ପାଇଁ ବ୍ୟବସ୍ଥା କରାଯାଇଥିବା ନାଇ ସ୍ୱତନ୍ତ୍ର ଭୂଅର୍ଜନ ଅଧିକାରୀ ତଥା ଅତିରିକ୍ତ ଦାୟୀତ୍ୱ ରେ ଥିବା ଜିଲ୍ଲା ପର୍ଯ୍ୟଟନ ଅଧିକାରୀ କାର୍ତ୍ତିକନାଥ ମଣ୍ଡଳ ସୂଚନା ଦେଇଛନ୍ତି । ଜିଲ୍ଲା କାର୍ଯ୍ୟାଳୟ ୨୦୧ନମ୍ବର କକ୍ଷରୁ ଏହି ଫର୍ମ ମିଳିପାରିବ ଏବଂ ନିର୍ଦ୍ଧାରିତ ତାରିଖ ଓ ସମୟ ମଧ୍ୟରେ ଏହି କକ୍ଷରେ ଆବେଦନ କାରୀମାନେ ଫର୍ମ ଦାଖଲ କାରି ପାରିବେ ବୋଲି ଶ୍ରୀଯୁକ୍ତ ମଣ୍ଡଳ ପ୍ରକାଶ କରିଛନ୍ତି ।
ସୂଚନାଯୋଗ୍ୟ କି ଆଇନାନୁଯାୟୀ ଯୋଗ୍ୟ ବିବେଚିତ ବରିଷ୍ଠ ନାଗରିକ ମାନେ ସେମାନଙ୍କ ସମଗ୍ର ଜୀବନକାଳ ରେ ଗୋଟିଏ ଥର ‘ବରିଷ୍ଠ ନାଗରିକ ତୀର୍ଥଯାତ୍ରା’ ଯୋଜନାରେ ତୀର୍ଥଯାତ୍ରା କରିବାର ସୁଯୋଗ ନେଇପାରିବେ । ଚଳିତ ବର୍ଷ ଭଦ୍ରକ ଜିଲ୍ଲାର ବରିଷ୍ଠ ନାଗରିକ ମାନଙ୍କ ପାଇଁ ପ୍ରଥମ ଦଫା ରେ ଉଜ୍ଜୟିନୀ – ଓମ୍ କାରେଶ୍ୱର କୁ ୫-୧-୨୪ ରୁ ୧୦-୧-୨୪ ୬ଦିନିଆ ଓ ୨ୟ ଦଫାରେ ଆଗ୍ରା – ମଥୁରା ପାଇଁ ୨-୩-୨୪ ରୁ ୭-୩-୨୪ ପର୍ଯନ୍ତ ୬ ଦିନିଆ ତୀର୍ଥଯାତ୍ରା କାର୍ଯ୍ୟସୁଚୀ ରହିଛି । ସୂଚନାଯୋଗ୍ୟ କି ଓଡିଶା ସରକାରଙ୍କ ଦ୍ୱାରା ଏଥି ପାଇଁ ଜଣପିଛା ୧୬,୮୦୦ ଟଙ୍କା ଖର୍ଚ୍ଚ ବହନ କରାଯାଇଅଛି । ପ୍ରକାଶ ଥାଉ କି ଆର୍ôଥକ ଅନଗ୍ରସରତା ପରିବାର ର ଯୋଗ୍ୟ ଦମ୍ପତି ବା ଏକକ ବ୍ୟକ୍ତିଙ୍କ ପାଇଁ ଏହି ଯୋଜନା ଲାଗୁ ହେବ । ୭୦ ବର୍ଷ ବୟସ ରୁ ଅଧିକ ବରିଷ୍ଠ ନାଗରିକ ବା ଦମ୍ପତି ଇଛା କଲେ ଜଣେ ସହାୟକ ସାଙ୍ଗରେ ନେଇ ପାରିବେ । ମାତ୍ର ସହାୟକ ପାଇଁ ଅଧା ଖର୍ଚ୍ଚ ତାଙ୍କୁ ବହନ କାରିବାକୁ ପଡିବ । ଆବେଦନ ପାଇଁ ଆଧାର କାର୍ଡ ବାଧ୍ୟତା ମୂଳକ ଅଟେ ଜନ୍ମ ତାରିଖ ପାଇଁ ଶିକ୍ଷାଗତ ସାର୍ଟିଫିକେଟ୍, ତାହା ନଥିଲେ ଡାକ୍ତରି ସାର୍ଟିଫିକେଟ୍ ଓ ଫଟୋ ପ୍ରଦାନ କରିବେ । ପ୍ରକାଶ ଥାଉ କି ଜିଲ୍ଲା କାର୍ଯ୍ୟଳୟ ବ୍ୟତୀତ ଜିଲ୍ଲା ପର୍ଯ୍ୟଟନ କାର୍ଯ୍ୟଳୟ ଭଦ୍ରକ ରେ ମଧ୍ୟ ବରିଷ୍ଠ ନାଗରିକ ତୀର୍ଥଯାତ୍ରା ପାଇଁ ଫର୍ମ ପ୍ରଦାନ ଓ ଗ୍ରହଣ ସୁବିଧା ଉପଲବ୍ଧ କରାଯାଇଛି ।
