ଭଦ୍ରକ, ୨୧ା୫ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ରୋଟାରୀ କ୍ଲବ୍ ପକ୍ଷରୁ ସଂସ୍କୃତି ଭବନ ଠାରେ କ୍ଲବ୍ର ୫୨ତମ ଚାଟାର୍ଡ ଡେ ଅନୁଷ୍ଠିତ ହୋଇଯାଇଛି । ସବୁବର୍ଷ ଭଳି ଚାଟାର୍ଡ ଡେ ପାଳନ ଅବସରରେ ଜିଲାର ବିଭିନ୍ନ ସ୍କୁଲ-କଲେଜର ୯୦ ଜଣ ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଛି । ଏହାବ୍ୟତୀତ ବୈଜ୍ଞାନିକ ଜ୍ଞାନକୌଶଳରେ ଖ୍ୟାତି ଅର୍ଜନ କରିଥିବା ୫ ଜଣଙ୍କୁ ରୋଟାରୀ କ୍ଲବ୍ ତରଫରୁ ସମ୍ମାନିତ କରାଯାଇଛି । ରୋଟାରୀ କ୍ଲବ୍ର ସଭାପତି ଅଭିଜିତ ନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ରୋଟାରୀ କ୍ଲବ୍ର ପ୍ରାଣ ପ୍ରତିଷ୍ଠାତା ସ୍ୱର୍ଗତଃ ରାଖାଲ ଚନ୍ଦ୍ର ଦାସଙ୍କ ତ୍ୟାଗନିଷ୍ଠା ସଂପର୍କରେ ସ୍ମୃତିଚାରଣ କରାଯାଇଥିଲା । ଅନୁଷ୍ଠିତ ଏହି ଉତ୍ସବରେ ରୋଟାରୀ କ୍ଲବ୍ର ପ୍ରମୁଖ ପ୍ରଣବ କୁମାର ସାହୁ, ଅମ୍ବିକା ବଲ୍ଲଭ ସ୍ୱାଇଁ, ପ୍ରମୋଦ କୁମାର ଜେନା, ବସନ୍ତ କୁମାର ପାଣିଗ୍ରାହୀ, ଇନ୍ଦ୍ରଜିତ ସାହୁ, ଉମାକାନ୍ତ ଜେନା, ଶୈଳେନ୍ଦ୍ର ନାରାୟଣ ପାଢୀ, ବାଦଲ କିଶୋର ମହାପାତ୍ର, ସନ୍ତୋଷ କୁମାର ନାୟକ, ବିଚିତ୍ରାନନ୍ଦ ଦାସ, ଗୟାଧର ପଣ୍ଡା, ନିର୍ମଳ ମହାନ୍ତି, ବୈରାଗୀ ଧଳ ପ୍ରମୁଖ ଯୋଗ ଦେଇଥିଲେ ।
