ଭଦ୍ରକ, ୧ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ଥାନା ଅନ୍ତର୍ଗତ ପୁରିପଡା ଗ୍ରାମରୁ ଜଣେ ବାଇକ ଲୁଟେରାକୁ ଭଣ୍ଡାରିପୋଖରୀ ପୁଲିସ ଗିରଫ କରିବା ସହ ଚୋରି ବାଇକ ଉଦ୍ଧାର କରିବାରେ ସଫଳ ହୋଇଛି । ଗତକାଲି ରାତିରେ ନେରଡା ପଞ୍ଚାୟତ ନିକଟରେ ଡ୍ରାମା ଦେଖିବାକୁ ଯାଇଥିବା ମିଟୁଆଣି ଗ୍ରାମର ପୂର୍ଣ୍ଣଚନ୍ଦ୍ର ବେହୁରିଆଙ୍କ ବାଇକ ସେଠାରୁ ଚୋରି ହୋଇଥିଲା । ପୂର୍ଣ୍ଣଚନ୍ଦ୍ରଙ୍କ ଅଭିଯୋଗ କ୍ରମେ ଥାନାରେ ୩୭୦/୨୧ନଂ ମାମଲା ଋଜୁ ହୋଇଥିଲା । ପୁଲିସ ପକ୍ଷରୁ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ପୁରିପଡା ଗ୍ରାମର ପ୍ରଳୟ ମଲ୍ଲିକ ଓରଫ ପାଣ୍ଡୁକୁ ଗିରଫ କରାଯିବା ସହ ଚୋରି ହୋଇଥିବା ଓଡି ୩୪ ଏଚ ୯୮୨୫ନଂ ବାଇକକୁ ଉଦ୍ଧାର କରାଯାଇଛି । ଅଭିଯୁକ୍ତକୁ ଆଜି କୋର୍ଟ ଚାଲାଣ କରାଯାଇଛି ।
