ନୟାଗଡ(ଓଡିଆ ପୁଅ/ଦେବୀପ୍ରସାଦ ଆଚାର୍ଯ୍ୟ)/୧୯/୧୧- ମନ୍ଦିର ମାଳିନୀ ନଗରୀ କହିଲେ ନୟାଗଡ ଜିଲ୍ଲା ର ରଣପୁର କୁ ବୁଝାଇ ଥାଏ । ଏଠାରେ ଶତାଧିକ ଶିବ ମନ୍ଦିର ସହ ଜଗନ୍ନାଥ ମନ୍ଦିର ଓ ମା ମଣିନାଗ ପୀଠ ରହିଅଛି । ଏଥି ସାଙ୍ଗକୁ ୪ ଗୋଟି ମଠ ରେ ମନ୍ଦିର ରହିଛି । ପ୍ରତିବର୍ଷ ମଝିଆଖଣ୍ଡସ୍ଥ କମଳେଶ୍ୱର ଦେବ ପୀଠ , ତାଳକଣି ସ୍ଥିତ ଖରାଖିଆ ବୈଦ୍ୟନାଥ ପୀଠ ଓ ଶ୍ୟାମଘନପୁର ବେଙ୍ଗା ପାହାଡ ରେ ଥିବା କାର୍ତ୍ତିକ ପୁର୍ଣ୍ଣମୀ ଯାତ୍ରା ଅନୁଷ୍ଠିତ ହୋଇଥାଏ । କିନ୍ତୁ ପ୍ରଶାସନିକ କଟକଣା ଯୋଗୁଁ ଚଳିତ ବର୍ଷ ଯାତ୍ରା ବନ୍ଦ ହୋଇ ଯାଇଛି । କିନ୍ତୁ ଦୀର୍ଘ ଦିନର ଭକ୍ତ ଓ ଭଗବାନ ଙ୍କ ମଧ୍ୟରେ ଥିବା ଦୁରତ୍ୱ ଧର୍ମ ମାସ ର କାର୍ତ୍ତିକ ପୁର୍ଣ୍ଣିମା ଯାହାକୁ କି ରାହାସ ପୁର୍ଣ୍ଣିମା ଅପସରି ଯାଇଥିବା ଦେଖିବାକୁ ମିଳିଥିଲା ।
ପୋଲିସ ପଇଁତରା ଗାଡି ବୁଲୁଥିଲା ସତ ହେଲେ ଭକ୍ତ ମାନେ ବେଖାତିର କରି ଚାଲିଥିଲେ । ପ୍ରାୟ ୯୦ ଭାଗ ଶ୍ରଦ୍ଧାଳୁ ଭକ୍ତ ମୁହଁରେ ମାସ୍କ ନଥିଲା । ସାମାଜିକ ଦୁରତ୍ୱ କଥା ନ କହିବା ଭଲ । କମଳେଶ୍ୱର ପୀଠ ରେ ଡାକ ବାଜି ଯନ୍ତ୍ର ଯୋଗେ କୋଭିଡ୍ କଟକଣା ମାନିବା ପାଇଁ ସୂଚନା ପ୍ରଦାନ କରାଯାଉଥିଲା ହେଲେ ଶ୍ରଦ୍ଧାଳୁ ଭକ୍ତମାନେ ବେଖାତିର କରୁଥିବା ଦେଖିବାକୁ ମିଳୁଥିଲା । ପ୍ରତ୍ୟେକ ହିନ୍ଦୁ ପରିବାର ର ମହିଳା ମାନେ ବୋଇତ ବନ୍ଦାଣ କରିବା ପରେ ଶ୍ରୀଜିୟୁ ମାନଙ୍କୁ ଦର୍ଶନ କରିବା ପାଇଁ ଧାଡି ଲମ୍ବିଥିଲା । ରଣପୁର ର ଜଗନ୍ନାଥ ମନ୍ଦିର , ସ୍ୱପ୍ନେଶ୍ୱର ମନ୍ଦିର , ବାବା ଚଣ୍ଡେଶ୍ୱର ମନ୍ଦିର , ବଧି ବାଲୁଙ୍କେଶ୍ୱର , ତୋଟା ବାଲୁଙ୍କେଶ୍ୱର , ଦଣ୍ଡା ବାଲୁଙ୍କେଶ୍ୱର ଆଦି ପୀଠ ମାନଙ୍କରେ ଭୋର ୪ ଟା ସମୟରୁ ଭିଡ ଲାଗି ରହିଥିଲା । ଏହି ଭିଡଦିନ ସାରା ସଂନ୍ଧ୍ୟା ପର୍ଯ୍ୟନ୍ତ ଦେଖିବାକୁ ମିଳିଥିଲା ।
