ନୂଆ ଦିଲ୍ଲୀ ୧୫ -୧୦ (ଓଡ଼ିଆ ପୁଅ) JEE ଆଡଭାନ୍ସଡ ପରୀକ୍ଷାର ପରୀକ୍ଷା ଫଳ ଅଫିସିଆଲ ୱେବସାଇଟ୍ jeeadv.ac.in ରେ ପ୍ରକାଶ ପାଇଛି। ଦିଲ୍ଲୀର ମ୍ରିଦୁଲ ଅଗ୍ରୱାଲ ୩୬୦ ରୁ ୩୪୮ ମାର୍କ ନେଇ ପରୀକ୍ଷାରେ ଶୀର୍ଷରେ ଅଛନ୍ତି। ଆଇଆଇଟି ଦିଲ୍ଲୀ ଜୋନର କାବ୍ୟା ଚୋପ୍ରା ୩୬୦ ରୁ ୨୮୬ ମାର୍କ ହାସଲ କରି ବାଳିକାମାନଙ୍କ ମଧ୍ୟରେ ଶୀର୍ଷରେ ରହିଛି। ପରୀକ୍ଷାର୍ଥୀମାନେ jeeadv.ac.in ପରିଦର୍ଶନ କରି ସେମାନଙ୍କର ପରୀକ୍ଷା ଫଳ ଯାଞ୍ଚ କରିପାରିବେ।
ଦେଶର ୨୩ ଟି ପ୍ରତିଷ୍ଠିତ ଆଇଆଇଟି ପ୍ରତିଷ୍ଠାନରେ ଆଡମିଶନ କେବଳ JEE ଆଡଭାନ୍ସଡ୍ ପରୀକ୍ଷା ମାଧ୍ୟମରେ କରାଯାଇଥାଏ। ଛାତ୍ରମାନେ ସେମାନଙ୍କର ରୋଲ୍ ନମ୍ବର, ଫୋନ୍ ନମ୍ବର ଏବଂ ଜନ୍ମ ତାରିଖ ପ୍ରବେଶ କରି ପରୀକ୍ଷା ଫଳ ଯାଞ୍ଚ କରିପାରିବେ। JEE ଆଡଭାନ୍ସଡ ପରୀକ୍ଷା ଫଳ ସହିତ, JEE ଆଡଭାନ୍ସଡ ଫାଇନାଲ ଆନସର କି ମଧ୍ୟ ଆଜି ପ୍ରକାଶ ପାଇଛି। ଅସ୍ଥାୟୀ ଆନସର କି ଉପରେ ଛାତ୍ରମାନେ ଉଠାଇଥିବା ଆପତ୍ତି ଉପରେ ଆଧାର କରି ଚୂଡ଼ାନ୍ତ ଉତ୍ତର ପ୍ରକାଶ ପାଇଛି। JEE ଆଡଭାନ୍ସ ପରୀକ୍ଷା ଫଳ ଅନ୍ତିମ ଉତ୍ତର ପତ୍ର ଉପରେ ଆଧାରିତ।
ମିଳିତ ସିଟ୍ ଆବଣ୍ଟନ ପ୍ରାଧିକରଣ (JoSSA) ୨୦୨୧-୨୨ ଶିକ୍ଷାବର୍ଷ ପାଇଁ ୧୧୪ ଟି ଅନୁଷ୍ଠାନରେ ଆଡମିଶନ ପାଇଁ ନିର୍ଦ୍ଦେଶାବଳୀ ଜାରି କରିଛି। ଏହି ଅନୁଷ୍ଠାନଗୁଡିକ ମଧ୍ୟରେ ୨୩ ଆଇଆଇଟି, ୩୧ ଟି ଏନଆଇଟି, IIEST ଶିବପୁର, ୨୬ ଟି ଆଇଆଇଆଇଟି ଏବଂ ୨୯ ଟି ସରକାରୀ ଅନୁଦାନ ପ୍ରାପ୍ତ ବୈଷୟିକ ପ୍ରତିଷ୍ଠାନ (ଅନ୍ୟାନ୍ୟ- GFTI) ରହିଛି।
