ମୁମ୍ବାଇ ୩୦-୫ (ଓଡ଼ିଆ ପୁଅ) ମହାରାଷ୍ଟ୍ର ସରକାର ଲକଡାଉନ୍ ଅବଧି ଆଉ ୧୫ ଦିନ ବୃଦ୍ଧି କରିଛନ୍ତି। ଯଦିଓ ସଂକ୍ରମଣ କମୁଛି କିନ୍ତୁ ଏହା ସମ୍ପୂର୍ଣ୍ଣଭାବେ କମିନାହିଁ ତେଣୁ ସୁରକ୍ଷା ଦୃଷ୍ଟିରୁ ଲକଡାଉନ୍ ୧୫ ଦିନ ପାଇଁ ବୃଦ୍ଧି କରାଯାଇଛି। ବର୍ତ୍ତମାନ ଜୁନ୍ ୧୫ ପର୍ଯ୍ୟନ୍ତ ରହିବ ଲକ୍ଡାଉନ୍।
ସମସ୍ତ ଜରୁରୀ ଦୋକାନଗୁଡିକ ଯାହା ବର୍ତ୍ତମାନ ୭-୧୧ ରୁ ସକାଳ ମଧ୍ୟରେ ଚାଲିବାକୁ ଅନୁମତି ଦିଆଯାଇଛି ତାହାକୁ ଏବେ କୋହଳ କରାଯାଇ ସକାଳ ୭ ରୁ ୨ ଟା ମଧ୍ୟରେ କାର୍ଯ୍ୟ କରିବାକୁ ଅନୁମତି ଦିଆଯାଇପାରେ ବୋଲି ରାଜ୍ୟ ନିର୍ଦ୍ଦେଶରେ କୁହାଯାଇଛି।
କିନ୍ତୁ ଜିଲ୍ଲାଗୁଡିକର ମାମଲା ଉପରେ ନିର୍ଭର କରି କିଛି କୋହଳ ପ୍ରତିବନ୍ଧକ ଲାଗୁ କରାଯିବ ବୋଲି କହିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ।
କରୋନାଭାଇରସ୍ ତୃତୀୟ ଲହର କେବେ ଆସିବ କହିପାରିବା ନାହିଁ; ଆମେ ଆମର ସୁରକ୍ଷା ପାଇଁ ପଦକ୍ଷେପ ଛାଡିବା ଉଚିତ୍ ନୁହେଁ ବୋଲି କହିଛନ୍ତି ମୁଖ୍ୟମନ୍ତ୍ରୀ ଉଦ୍ଧବ ଠାକରେ।
ମହାରାଷ୍ଟ୍ରରେ ଗତ ୨୪ ଘଣ୍ଟା ମଧ୍ୟରେ COVID୧୯ ର ୧୮, ୬୦୦ ନୂତନ ମାମଲା ରିପୋର୍ଟ ହୋଇଛି। ଏହି ଅବଧିରେ ୨୨, ୫୩୨ ଜଣଙ୍କୁ ଡିସଚାର୍ଜ କରାଯାଇଛି ଏବଂ ୪୦୨ ଜଣଙ୍କର ମୃତ୍ୟୁ ହୋଇଛି।
ମୋଟ ସକ୍ରିୟ ମାମଲା: ୨, ୭୧, ୮୦୧
ମୋଟ ମାମଲା: ୫୭, ୩୧, ୮୧୫
ମୋଟ ମୃତ୍ୟୁ: ୯୪, ୮୪୪
ମୋଟ ଆରୋଗ୍ୟ ମାମଲା: ୫୩, ୬୨, ୩୭୦
