ଗାଜା (ପାଲେଷ୍ଟାଇନ) ୧୩ ମଇ : ଇସ୍ରାଏଲ ଏବଂ ପାଲେଷ୍ଟାଇନ ମଧ୍ୟରେ ବିବାଦ ମଧ୍ୟରେ ଗାଜାରେ ମୃତ୍ୟୁ ସଂଖ୍ୟା ୬୫ ରେ ପହଞ୍ଚିଛି। ଏଥି ସହିତ ଇସ୍ରାଏଲରେ ୭ ଜଣଙ୍କର ମୃତ୍ୟୁ ହୋଇଛି। ହାମାସରେ ନୂଆ ଏୟାର ଷ୍ଟ୍ରାଇକ୍ ଉଭୟଙ୍କ ମଧ୍ୟରେ ଯୁଦ୍ଧ ଭଳି ପରିସ୍ଥିତି ସୃଷ୍ଟି କରିଛି। ପାଲେଷ୍ଟାଇନ ସଂଗଠନ ହାମାସ ଏବଂ ଜେରୁଜେଲମ ମଧ୍ୟରେ ହୋଇଥିବା ହିଂସା ସାରା ବିଶ୍ୱରେ ଚିନ୍ତାର କାରଣ ହୋଇଛି। ଉଭୟ ପାର୍ଶ୍ୱରୁ ଜାରି ରହିଛି ରକେଟ୍ ଆକ୍ରମଣ। ଗାଜାରେ ଥିବା ଏକ ବହୁ ମହଲା କୋଠାକୁ ଇସ୍ରାଏଲର ଏୟାର ଷ୍ଟ୍ରାଇକ୍ ଦ୍ୱାରା ନଷ୍ଟ କରାଯାଇଛି। ଏହାର ଜବାବରେ ହାମାସ ଅଧିକ ରକେଟ୍ ପକାଇବାକୁ ଚେତାବନୀ ଦେଇଛି। ଅଲ ଜଜିରା ଅନୁଯାୟୀ, ଇସ୍ରାଏଲର ଏୟାର ଷ୍ଟ୍ରାଇକରେ ଗାଜା ସିଟି କମାଣ୍ଡର ବସାମ ଇସାଙ୍କୁ ହତ୍ୟା କରାଯାଇଛି। ହମାସ ଗୋଷ୍ଠୀ ଏହା ନିଶ୍ଚିତ କରିଛନ୍ତି। ବସାମ ଇସା ହମାସର ସର୍ବଶ୍ରେଷ୍ଠ ଅଧିକାରୀ ଥିଲେ।
ଏଥି ସହିତ, ଇସ୍ରାଏଲର ଆକ୍ରମଣରେ ଗାଜାରେ ମୃତ୍ୟୁବରଣ କରିଥିବା ପାଲେଷ୍ଟାଇନଙ୍କ ସଂଖ୍ୟା ୬୫ କୁ ବୃଦ୍ଧି ପାଇଛି। ଯେଉଁଥିରେ ୧୬ ଜଣ ଶିଶୁ ଏବଂ ୫ ଜଣ ମହିଳା ଅନ୍ତର୍ଭୁକ୍ତ ଅଛନ୍ତି। ଏହି ଆକ୍ରମଣରେ ୮୬ ଜଣ ଶିଶୁ ଏବଂ ୩୯ ଜଣ ମହିଳାଙ୍କ ସମେତ ଅତି କମରେ ୩୬୫ ଜଣ ଆହତ ହୋଇଛନ୍ତି।
