ନୂଆ ଦିଲ୍ଲୀ ୨୫-୩ (ଓଡ଼ିଆ ପୁଅ) ଦୁଇ ଭଉଣୀଙ୍କର ବାରମ୍ବାର ମୋବାଇଲ୍ରେ କଥା ହେବା ମା’ ଓ ଭାଇଙ୍କ ଦେହରେ ଯାଉନଥିଲା। ଏହିପରି ଏକ ଘଟଣା ଘଟିଛି ଉତ୍ତରପ୍ରଦେଶର ପିଲିଭିଟରେ। ଇଟାଭାଟିରେ କାମ କରୁଥିବା ଦୁଇ ଭଉଣୀଙ୍କୁ ହତ୍ୟା ମାମଲାରେ ମଙ୍ଗଳବାର ଦିନ ପୋଲିସ ଦାବି କହିଛି ଯେ, ଦୁଇ ଯୁବକ, ସେମାନଙ୍କ ମା ଏବଂ ଭିଣୋଇ ସହ ମିଶି ଦୁଇଭଉଣୀଙ୍କୁ ହତ୍ୟା କରିଦେଇଛନ୍ତି। ରିପୋର୍ଟ ଅନୁଯାୟୀ, ପୋଲିସ ଅଧୀକ୍ଷକ ଜୟ ପ୍ରକାଶ ଗୁରୁବାର ଦିନ ଗଣାମାଧ୍ୟମକୁ କହିଛନ୍ତି ଯେ ଫୋନରେ କଥାବାର୍ତ୍ତା କରୁଥିବା ଉଭୟ ଝିଅଙ୍କ ଉପରେ ରାଗିଯାଇ ମା’ ତା’ ଦୁଇ ପୁଅଙ୍କ ସହ ଘରେ ଦୁଇ ଭଉଣୀଙ୍କର ଗଳା ଦବାଇ ହତ୍ୟା କରିଥିବା ଅଭିଯୋଗ ହୋଇଛି। ଯେତେବେଳେ ମା’ ସାନ ଭଉଣୀର ଗଳାକୁ ଦବାଇଲା, ଉଭୟ ଭାଇ ତା’ର ପାଦ ଜାବୁଡ଼ି ଧରିଥିଲେ। ସାନ ଭଉଣୀ ଅନୁଷ୍କାର ହତ୍ୟା ପରେ ଯେତେବେଳେ ବଡ଼ ଭଉଣୀ ପୂଜା ସେଠାରୁ ପଳାଇ ଯାଉଥିଲା, ସେତେବେଳେ ତାର ଭିଣୋଇ ଅନିଲ ତାକୁ ଧରିନେଇଥିଲା ଏବଂ ପରେ ସମସ୍ତେ ତା’ର ଗଳା ଦବାଇ ହତ୍ୟା କରିଥିଲେ।
ଦୁହିଁଙ୍କର ମୃତ୍ୟୁ ପରେ ବଡ ଝିଅ ପୂଜାର ମୃତଦେହକୁ ଏକ ଗଛରେ ଟାଙ୍ଗି ଦେଇଥିଲେ ଏବଂ ସାନ ଝିଅର ମୃତଦେହକୁ ପୋଲିସକୁ ବିଭ୍ରାନ୍ତ କରିବା ପାଇଁ ରାସ୍ତାରେ ଫିଙ୍ଗି ଦିଆଯାଇଥିଲା। ପୋଲିସ ହାତରୁ ଖସିବା ପାଇଁ ଦୁଇ ଝିଅ ପଡ଼ିଆକୁ ଶୌଚ କରିବାକୁ ଯାଇଥିଲେ ଏବଂ ଆସିନଥିବାର ଏକ ନିଖୋଜ କାହାଣୀ ପ୍ରସ୍ତୁତ କରିଥିଲେ। ଇଟାଭାଟିର ମାଲିକ ଅଲି ହାସନ ଆରମ୍ଭରୁ ଉଭୟ କିଶୋରୀଙ୍କ ହତ୍ୟା ବିଷୟରେ ଜାଣିଥିଲେ। ଭଟ୍ଟା ମାଲିକ ପରିବାରକୁ ଉଭୟଙ୍କ ଶବକୁ ଠିକଣାରେ ଲଗାଇବାକୁ ଏବଂ ପୋଲିସକୁ କିଛି ନ କହିବା ପାଇଁ ପରାମର୍ଶ ଦେଇଥିଲେ।
ସାନ ଭାଇ ଓ ଭିଣୋଇ ଏବେ ବି ପୋଲିସ ଠାରୁ ଦୂରରେ
ସେ କହିଛନ୍ତି ଯେ, ଏହି ହତ୍ୟା ମାମଲାର ଖୁଲାସା ପରେ ବିସାଲପୁର କୋତୱାଲୀ ପୋଲିସ କିଶୋରଙ୍କ ମା’, ବଡ ଭାଇ ରାମ ପ୍ରତାପ ଏବଂ ଭଟ୍ଟା ମାଲିକ ଅଲି ହାସନଙ୍କୁ ଗିରଫ କରିଛି। ସାନ ଭାଇ ବିଜୟ ଏବଂ ଭିଣୋଇ ଅନିଲ ପୋଲିସର ହେପାଜତରେ ଅଛନ୍ତି। ସୂଚନାଯୋଗ୍ୟ ଯେ ମଙ୍ଗଳବାର ଦିନ ବିଭିନ୍ନ ସ୍ଥାନରୁ ପୂଜା (୨୦) ଏବଂ ଅନଶିକା (୧୭) ଙ୍କ ମୃତଦେହ ବିଭିନ୍ନ ସ୍ଥାନରୁ ମିଳିଥିଲା।
