-ଭାରତରେ ପ୍ରଥମ ଧରଣର ଅଫର ଯେଉଁଥିରେ ରହିଛି:
-ନୂଆ ଜିଓ ଫୋନ୍
-୨ ବର୍ଷ ପାଇଁ ଅସୀମିତ ଭଏସ୍ କଲ୍
-୨ ବର୍ଷ ପାଇଁ ଅସୀମିତ ଡାଟା (୨ଜିବି ପ୍ରତିମାସ)
-ସମାନ ସୁବିଧା ଲାଗି ଅନ୍ୟ ନେଟ୍ୱର୍କରେ ଗ୍ରାହକମାନେ ଦେଉଛନ୍ତି ଅଢେଇ ଗୁଣ ଅଧିକ ଦାମ୍
ଭୁବନେଶ୍ୱର: ରିଲାଏନ୍ସ ଜିଓ ପକ୍ଷରୁ ଜିଓଫୋନ୍ ଗ୍ରାହକଙ୍କ ପାଇଁ ଘୋଷଣା କରାଯାଇଛି “ନୂଆ ଜିଓଫୋନ୍ ୨୦୨୧” ଅଫର। ଏହା ଏକ ବଣ୍ଡଲ୍ଡ୍ ପ୍ଲାନ୍ ଯେଉଁଥିରେ ଗ୍ରାହକଙ୍କୁ ମାତ୍ର ୧୯୯୯ ଟଙ୍କାରେ ନୂଆ ଜିଓଫୋନ୍ ସହିତ ୨ ବର୍ଷ ପର୍ଯ୍ୟନ୍ତ ଅସୀମିତ କଲ୍ ଏବଂ ୨ ବର୍ଷ ପର୍ଯ୍ୟନ୍ତ ପ୍ରତି ମାସରେ ଦୁଇ ଜିବି ହାଇସ୍ପିଡ୍ ଡାଟା ସୁବିଧା ମିଳିବ। ଦ୍ୱିତୀୟ ପ୍ଲାନ୍ଟି ହେଉଛି ୧୪୯୯ ଟଙ୍କିଆ ପ୍ଲାନ୍ ଯେଉଁଥିରେ ଗ୍ରାହକମାନେ ଏକ ଜିଓଫୋନ୍ ସହିତ ଏକ ବର୍ଷର ଅସୀମିତ ଭଏସ୍ କଲିଂ ଏବଂ ଏକ ବର୍ଷ ପାଇଁ ପ୍ରତି ମାସରେ ୨ ଜିବି ହାଇସ୍ପିଡ୍ ଡାଟା ପାଇପାରିବେ। ଏହି ଅଫରରେ ଜିଓଫୋନ୍ର ପୁରୁଣା ଗ୍ରାହକଙ୍କ ପ୍ରତି ମଧ୍ୟ ଧ୍ୟାନ ଦିଆଯାଇଛି। ଥରେ ସେମାନେ ୭୪୯ ଟଙ୍କାର ରିଚାର୍ଜ କଲେ ଆଉ ବର୍ଷକ ପର୍ଯ୍ୟନ୍ତ ସେମାନଙ୍କୁ ରିଚାର୍ଜ ବିଷୟରେ ଚିନ୍ତା କରିବାକୁ ପଡ଼ିବ ନାହିଁ। ଏଥି ସହିତ ଏକ ବର୍ଷର ଅସୀମିତ ଭଏସ୍ କଲିଂ ଏବଂ ପ୍ରତି ମାସରେ ୨ ଜିବି ହାଇସ୍ପିଡ୍ ଡାଟା ପାଇପାରିବେ।
“ନୂଆ ଜିଓଫୋନ୍ ୨୦୨୧” ଅଫର୍ ମାର୍ଚ୍ଚ ୧ ତାରିଖରୁ ସାରା ଭାରତରେ ଲାଗୁ ହେବ ଏବଂ ସମସ୍ତ ରିଲାଏନ୍ସ ରିଟେଲ୍ ଏବଂ ଜିଓ ରିଟେଲରଙ୍କ ପାଖରେ ଉପଲବ୍ଧ ହେବ।
ସାରା ଭାରତରେ ସ୍ମାର୍ଟଫୋନ୍ ବ୍ୟବହାର କରୁଥିବା ଗ୍ରାହକମାନେ ପ୍ରୟତଃ ମାଗଣାରେ ଭଏସ୍ କଲିଂ ସେବା ଉପଭୋଗ କରୁଥିବା ବେଳେ ଯେଉଁ ୩୦ କୋଟି ଗ୍ରାହକ ଏବେବି ୨ଜି ଫିଚର ଫୋନ୍ ବ୍ୟବହାର କରୁଛନ୍ତି ସେମାନଙ୍କୁ ମିନିଟ୍ ପିଛା ୧.୨ ଟଙ୍କାରୁ ୧.୫ ଟଙ୍କା ପର୍ଯ୍ୟନ୍ତ ଖର୍ଚ୍ଚ କରିବାକୁ ପଡ଼ୁଛି। ଏହା ବ୍ୟତୀତ କନେକ୍ସନକୁ ଜାରି ରଖିବା ଲାଗି ମଧ୍ୟ ପ୍ରତି ମାସରେ ୫୦ ଟଙ୍କା ପର୍ଯ୍ୟନ୍ତ ଗଣିବାକୁ ପଡ଼ୁଛି। ଏହି ଅଫର ଜରିଆରେ ୨ଜି ମୁକ୍ତ ଭାରତ ଦିଗରେ ଜିଓ ଏକ ବଡ଼ ପଦକ୍ଷେପ ଗ୍ରହଣ କରିଛି। ବିଗତ କିଛି ବର୍ଷ ଭିତରେ ଜିଓ ଫୋନ୍ ରଖିଥିବା ଗ୍ରାହକଙ୍କ ସଂଖ୍ୟା ୧୦ କୋଟିରେ ପହଂଚିପାରିଛି। ଫିଚର ଫୋନ୍ ବ୍ୟବହାର କରୁଥିବା ୩୦ କୋଟି ୨ଜି ଗ୍ରାହକଙ୍କ ଉପରେ ଜିଓ ନଜର ରଖିଛି ଏବଂ ସେମାନଙ୍କୁ ଡିଜିଟାଲ୍ କ୍ରାନ୍ତିର ସୁଫଳ ପହଂଚାଇବାର ପ୍ରୟାସ ଜାରି ରଖିଛି।
ଏହି ଅବସରରେ ରିଲାଏନ୍ସ ଜିଓର ନିର୍ଦେଶକ ଆକାଶ ଅମ୍ବାନି କହିଛନ୍ତି ଯେ, “ଯେତେବେଳେ ଦୁନିଆ ୫ଜିର ଦ୍ୱାରଦେଶରେ ଠିଆ ହୋଇଛି ସେହି ସମୟରେ ଭାରତରେ ୩୦ କୋଟି ଲୋକ ୨ଜି ଫୋନ୍ ବ୍ୟବହାରରେ ଫସି ରହିଛନ୍ତି। ସେମାନେ ଇଟଂରନେଟ୍ର ମୌଳିକ ସୁବିଧାରୁ ବଂଚିତ ଅଛନ୍ତି। ବିଗତ ଚାରି ବର୍ଷ ଭିତରେ ଜିଓ ଇଟଂରନେଟ୍କୁ ସମସ୍ତଙ୍କ ନିକଟରେ ପହଂଚାଇଛି ଓ ସବୁ ଭାରତୀୟଙ୍କୁ ଟେକ୍ନୋଲୋଜି ଓ ପ୍ରଯୁକ୍ତିର ଲାଭ ପ୍ରଦାନ କରିଛି। ପ୍ରଯୁକ୍ତି ଏବେ ଆଉ କିଛି ହାତଗଣତି ଲୋକଙ୍କ ବିଶେଷ ଅଧିକାର ହୋଇରହିନାହିଁ। ନୂଆ ଜିଓଫୋନ୍ ୨୦୨୧ ଅଫର ହେଉଛି ସେହି ଦିଗରେ ଗ୍ରହଣ କରାଯାଇଥିବା ଏକ ପଦକ୍ଷେପ। ଜିଓରେ ଆମେ ଏହି ଡିଜିଟାଲ୍ ଅନ୍ତରକୁ ଦୂର କରିବା ଦିଗରେ କାର୍ଯ୍ୟ କାରି ରଖିବୁ।’’
ସୁଲଭ ମୂଲ୍ୟ ଓ ଭଲ ବ୍ୟାଟେରି ବ୍ୟାକ୍ଅପ୍ ପାଇଁ ଜିଓଫୋନ୍ ବେଶ୍ ଲୋକପ୍ରିୟତା ହାସଲ କରିଛି। ଦେଶର ଜନସଂଖ୍ୟାର ଏକ ବଡ଼ ଭାଗ ଏବେ ଏହି ୪ଜି ଫିଚର ଫୋନ୍କୁ ବ୍ୟବହାର କରୁଛନ୍ତି। ଏହି ସିରିଜ୍ରେ ବର୍ତମାନ ସୁଦ୍ଧା କଂପାନି ଦୁଇଟି ଫୋନ୍ ଉନ୍ମୋଚନ କରିଛି। ଏହି ସିରିଜ୍ର ପ୍ରଥମ ଫୋନ୍ ଥିଲା ଜିଓଫୋନ୍। ଏହା ପରେ କଂପାନି ଜିଓଫୋନ୍ ୨ ଉନ୍ମୋଚନ କରିଥିଲା। ଫିଚର ଫୋନ୍ ବିକ୍ରି ତାଲିକାରେ ଏହା ସବୁଠୁ ଉପରେ ରହିଛି ଏବଂ ବର୍ତମାନର ଫିଚର ଫୋନ୍ ବଜାରରେ ଅଗ୍ରଣୀ ସ୍ଥାନରେ ରହିଛି। ରିଲାଏନ୍ସ ଜିଓ ପକ୍ଷରୁ ଜିଓଫୋନ୍କୁ ‘ଭାରତର ସ୍ମାର୍ଟଫୋନ୍’ ଭାବେ ପ୍ରଚଳନ କରାଯାଇଛି।
