ଭଦ୍ରକ, ୨୮ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲ୍ଲା ବନ୍ତ ବ୍ଲକ ଜନାର୍ଦ୍ଦନ ଉଚ୍ଚ ବିଦ୍ୟାପୀଠ ସେଣ୍ଢତିରା ଠାରେ ଆଜି ମୋ ସ୍କୁଲ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ଅନ୍ତର୍ଯ୍ୟାମୀ ପାତ୍ର ଙ୍କ ଆବାହକତ୍ୱରେ ପୁରାତନ ଛାତ୍ର ଓଷ୍ଟାର ପୂର୍ବତନ ସମ୍ପାଦକ ରଘୁନାଥ ସାହୁ ସଭାପତିତ୍ୱ କରିଥିଲେ । ଏଥିରେ ଅତିଥି ଭାବେ ବ୍ଲକ ଶିକ୍ଷାଧିକାରୀ ଅଧିର କୁମାର ତରାଇ,ଅତିରିକ୍ତ ବ୍ଲକ ଶିକ୍ଷାଧିକାରୀ ଅଜୟ କୁମାର ପୃଷ୍ଟି, ସରପଞ୍ଚଙ୍କ ପ୍ରତିନିଧି ପ୍ରେମାନନ୍ଦ ନାୟକ, ଆଦର୍ଶ ଶିକ୍ଷକ ଭାସ୍କର ଚନ୍ଦ୍ର ପାଢୀ ପମୁଖ ଯୋଗଦେଇ ବିଦ୍ୟାଳୟର ସାମଗ୍ରିକ ବିକାଶରେ ପୁରାତନ ଛାତ୍ର ଛାତ୍ରୀ ମାନଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଏହି ଅବସରରେ ବିଦ୍ୟାଳୟରେ ଅଡ଼ିଟୋରିୟମ, କମ୍ବ୍ୟୁଟର ଓ ସାଇନ୍ସ ଲାବ ପ୍ରତିଷ୍ଠା ନେଇ ଗୁରୁତ୍ୱାରୋପ କରାଯାଇଥିଲା । ଏହି ଅବସରରେ ମୋ ସ୍କୁଲ ଅଭିଯାନ କମିଟି ଗଠନ କରାଯାଇଥିଲା । ଏଥିରେ ସଭାପତି ଭାବେ ପୁରାତନ ଛାତ୍ର ଅନାଦି ଚରଣ ସେନାପତି, ଉପ ସଭାପତି ଦେବେନ୍ଦ୍ର କୁମାର ଜେନାଙ୍କୁ ମନୋନୀତ କରାଯାଇଛି । ରୋହିତ କୁମାର ଜେନା, ପ୍ରଶାନ୍ତ ସାମଲ, ହିମାଂଶୁ ନାୟକ, କିଶୋର ବିଶ୍ୱାଳ, ଭାସ୍କର ଚନ୍ଦ୍ର ପାଢୀ, ତାରାକାନ୍ତ ମଲ୍ଲିକ, ସୁମତୀ କୁମାର ସାହୁ, ଝୁରଣବାଳା ଖୁଣ୍ଟିଆ, ପ୍ରଭାସିନୀ ବିଶ୍ୱାଳ, ବେଣୁଧର ମଲ୍ଲିକ, ବ୍ରଜ କିଶୋର ଖୁଣ୍ଟିଆ, ନିରଞ୍ଜନ ମଲ୍ଲିକ, ହୃଷିକେଶ ପାତ୍ର, ରାଧାଶ୍ୟାମ ଖଣ୍ଡାଇ, ଫକିର ଚରଣ ବିଶ୍ୱାଳ, ଦିଗମ୍ବର ସେଠୀ ପ୍ରମୁଖଙ୍କୁ ନେଇ ଏକ ୩୨ ଜଣିଆ କମିଟି ଗଠନ କରାଯାଇଛି । ପ୍ରାରମ୍ଭରେ ଶିକ୍ଷକ ଶ୍ରୀକାନ୍ତ ପଣ୍ଡା ଅତିଥି ପରିଚୟ ଦେଇଥିବା ବେଳେ ପ୍ରିୟମ୍ବଦା ରାଉତ ଧନ୍ୟବାଦ ଅର୍ପଣ କରିଥିଲେ ।
