ନୂଆ ଦିଲ୍ଲୀ ୨୨ ନଭେମ୍ବର (ଓଡ଼ିଆ ପୁଅ) ବିସିସିଆଇ (BCCI) ଗତ କିଛି ବର୍ଷ ଧରି କମିଟି ଅଫ୍ ଆଡମିନିଷ୍ଟ୍ରେଟର (CoA) ଦ୍ୱାରା ପରିଚାଳିତ ହୋଇଥିଲା, କିନ୍ତୁ ସୌରଭ ଗାଙ୍ଗୁଲି ବିସିସିଆଇର ସଭାପତି ହେବା ମାତ୍ରେ ଏହି କମିଟି ଶେଷ ହୋଇଗଲା। ବର୍ତ୍ତମାନ, ଏହି କମିଟିର ପୂର୍ବତନ ସଦସ୍ୟ ରାମଚନ୍ଦ୍ର ଗୁହା ଭାରତୀୟ କ୍ରିକେଟ୍ କଣ୍ଟ୍ରୋଲ୍ ବୋର୍ଡ ଉପରେ ଏହିପରି ଏକ ବଡ ଅଭିଯୋଗ ଆଣିଛନ୍ତି। ପ୍ରସିଦ୍ଧ ଐତିହାସିକ ଦାବି କରିଛନ୍ତି ଯେ, ଭାରତୀୟ କ୍ରିକେଟରେ ଭାଇ-ପୁତୁରା ବାଦ୍ (ପରିବାର ବାଦ୍) ଏକ ପ୍ରମୁଖ ଚିନ୍ତା ପାଲଟିଛି।
୨୦୧୭, ରେ ସୁପ୍ରିମକୋର୍ଟଙ୍କ ଦ୍ୱାରା COA ର ଜଣେ ସଦସ୍ୟ ଭାବରେ ନିଯୁକ୍ତ ରାମଚନ୍ଦ୍ର ଗୁହା ବିସିସିଆଇ ପ୍ରଶାସନରେ ସ୍ୱଚ୍ଛତା ଆଣିବା ପାଇଁ ଏକ ଆଧାର ସେୟାର କରିଛନ୍ତି। ବିସିସିଆଇ ପରିଚାଳନା କରୁଥିବା ପ୍ରଶାସକ କମିଟିର ସଦସ୍ୟ ଥିବାବେଳେ ଗୁହା ତାଙ୍କ ନୂତନ ପୁସ୍ତକ ‘The Commonwealth of Cricket: A Lifelong Love Affair with the Most Subtle and Sophisticated Game Known to Humankind’ ରେ ଏ ସମ୍ବନ୍ଧରେ ଲେଖିଛନ୍ତି।
ମିଡ୍ ଡେ କୁ ଦେଇଥିବା ସାକ୍ଷାତକାରରେ ସେ ଅଭିଯୋଗ କରିଛନ୍ତି ଯେ, ବିସିସିଆଇର ପୂର୍ବତନ ସଭାପତି ଏନ ଶ୍ରୀନିବାସନ ଏବଂ ଗୃହମନ୍ତ୍ରୀ ଅମିତ ଶାହା ‘ଭାରତୀୟ କ୍ରିକେଟ୍’ ଚଳାଉଛନ୍ତି। ରଣଜୀ ଟ୍ରଫି ଖେଳାଳିଙ୍କୁ ଠିକ୍ ସମୟରେ ଦେୟ ଦେବାରେ ବିଫଳ ହୋଇଥିବା ସିଷ୍ଟମକୁ ସେ ସମାଲୋଚନା କରିଥିଲେ। ସେ କହିଛନ୍ତି, “ଏନ ଶ୍ରୀନିବାସନ ଏବଂ ଅମିତ ଶାହା ଆଜି ଭାରତୀୟ କ୍ରିକେଟ୍ ଚଳାଉଛନ୍ତି। ରାଜ୍ୟ ସଙ୍ଗଠନକୁ କାହାର ଝିଅ ତ କାହାର ପୁଅଙ୍କ ଦ୍ୱାରା ପରିଚାଳିତ ହେଉଛି। ବୋର୍ଡ ଏବେ ଷଡଯନ୍ତ୍ର ଏବଂ ପରିବାର ବାଦ୍ ରେ ବୁଡ଼ି ରହିଛି। ରଣଜୀ ଟ୍ରଫି ଖେଳାଳିଙ୍କୁ ତେଙ୍କର ପାଉଣା ଦେବାରେ ବିଳମ୍ବ ହେଉଛି। ଆଶା କରାଯାଉଥିବା ସଂସ୍କାର ହୋଇପାରିଲା ନାହିଁ।”
ମିଡ୍ ଡେ କୁ ଦେଇଥିବା ସାକ୍ଷାତକାରରେ, ଗୁହା କହିଛନ୍ତି ଯେ, ଭାରତୀୟ କ୍ରିକେଟରଙ୍କ ମଧ୍ୟରେ ଟଙ୍କା ପ୍ରତି ଏପରି ଲୋଭ ଆଶ୍ଚର୍ଯ୍ୟଜନକ। ଗୁହା କହିଛନ୍ତି, “ମୋ ପୁସ୍ତକର ସବୁଠାରୁ ଅଧିକ କାହାଣୀ ବିଶନ ସିଂ ବେଦୀଙ୍କ ବିଷୟରେ, ଯେଉଁଥିରେ ସେ କାବୁଲ (ଆଫଗାନିସ୍ତାନର କ୍ରିକେଟରମାନଙ୍କୁ ପ୍ରଶିକ୍ଷଣ ଦେବା) ପାଇଁ ଖୁସି ବ୍ୟକ୍ତ କରିଥିଲେ ବୋଲି କହିଛନ୍ତି। ତାଙ୍କର କ୍ରିକେଟ୍ ପ୍ରତି ମନ ଥିଲା ଟଙ୍କା ପାଇଁ ନୁହେଁ। ଗାଙ୍ଗୁଲି ଟିକିଏ ଅତିରିକ୍ତ ଟଙ୍କା ପାଇଁ ବିସିସିଆଇର ସଭାପତି ଥାଇ ମଧ୍ୟ ଗାଙ୍ଗୁଲି ଫାଣ୍ଟାସି ଗେମ୍ କୁ ପ୍ରୋତ୍ସାହିତ କରୁଛନ୍ତି, ଏସବୁ କାହିଁକି କରିବେ? ଯଦି ବୋର୍ଡର ସଭାପତି ଏପରି ଆଚରଣ କରନ୍ତି, ତେବେ ନୈତିକ ମାନଦଣ୍ଡ ହ୍ରାସ ପାଇବ।”
ପୂର୍ବତନ ଭାରତୀୟ ଅଧିନାୟକ ସୌରଭ ଗାଙ୍ଗୁଲି ୨୩ ଅକ୍ଟୋବର ୨୦୧୯ ରେ ବିସିସିଆଇ ସଭାପତି ପଦଭାର ଗ୍ରହଣ କରିଥିଲେ। ସେବେଠାରୁ ସେ ବିସିସିଆଇ ସଭାପତି ଭାବରେ ବହୁତ ଭଲ କାମ କରିଛନ୍ତି। ଗାଙ୍ଗୁଲି ଏପର୍ଯ୍ୟନ୍ତ ପାଇଥିବା ସୁଯୋଗରେ ନିଜ କାମକୁ ଭଲ ଭାବରେ କରିଛନ୍ତି। ତେବେ ତାଙ୍କର ଭଲ କାମ ସତ୍ତ୍ୱେ ତାଙ୍କର ଅର୍ଥକ୍ଷୁଧା ଥିବା କୁହାଯାଇଛି। ବିସିସିଆଇର ସଭାପତି ଥାଇ ମଧ୍ୟ ଗାଙ୍ଗୁଲି ଫାଣ୍ଟାସି ଗେମ୍ କୁ ପ୍ରୋତ୍ସାହିତ କରୁଛନ୍ତି।
ରାମଚନ୍ଦ୍ର ଗୁହାଙ୍କ ସମେତ ୪ ଜଣ କ୍ରିକେଟ୍ ପ୍ରଶାସକ କମିଟିରେ ଥିଲେ, ମାତ୍ର ଛଅ ମାସ ପରେ ଗୁହା ଏହି କମିଟି ଛାଡି ଦେଇଥିଲେ। ଗତ ବର୍ଷ କ୍ରିକେଟ୍ ପ୍ରଶାସକ କମିଟିକୁ ଭାଙ୍ଗି ଦିଆଯାଇଥିଲା ଏବଂ ବିସିସିଆଇ ପାଇଁ ନୂତନ ନିର୍ବାଚନ ଅନୁଷ୍ଠିତ ହୋଇଥିଲା ଯେଉଁଥିରେ ସୌରଭ ଗାଙ୍ଗୁଲିଙ୍କୁ ଅଧ୍ୟକ୍ଷ କରାଯାଇଥିଲା। ଜୟ ଶାହା ସଚିବ ଭାବରେ ନିର୍ବାଚିତ ହୋଇଥିଲେ।
ପ୍ରଶାସକ କମିଟିର ଅଧ୍ୟକ୍ଷ ଥିଲେ ବିନୋଦ ରାୟ। ଏଥି ସହିତ କ୍ରିକେଟ୍ ପ୍ରଶାସକଙ୍କ ଏହି କମିଟିରେ ଡାଏନା ଇଲଡୁଜି ମଧ୍ୟ ଥିଲେ।
