ପୁରୀ ୨୭-୧୦ (ଓଡ଼ିଆ ପୁଅ) : କୋଭିଡ୍ କଟକଣା ଭିତରେ ଶ୍ରୀକ୍ଷେତ୍ରରେ ଆଜି ହେବ ଗୋଷାଣୀ ଭସାଣ ଉତ୍ସବ। ସେଥିପାଇଁ ଆଜି ଦିନ ୧୦ ଟାରୁ ମରଚିକୋଟ ଛକଠାରୁ ସିଂହଦ୍ୱାର ଏବଂ ଶ୍ରୀମନ୍ଦିର ଚାରିପାଖରେ ୧୪୪ ଧାରା ଲାଗୁ କରାଯାଇଛି। ଗୋଷାଣୀଙ୍କ ସହ ମାତ୍ର ୭ ଜଣଙ୍କୁ ଭସାଣି ପାଇଁ ଅନୁମତି ଦେଇଛି ପ୍ରଶାସନ। ସେମାନଙ୍କୁ ପରିଚୟ ପତ୍ର ଯୋଗାଇ ଦିଆଯିବ। ଶ୍ରୀକ୍ଷେତ୍ରର ସାତ ସାହି ଓ ଆଖଡାର ୪୦ରୁ ଅଧିକ ଗୋଷାଣୀ ସିଂହଦ୍ୱାରକୁ ପ୍ରତିବର୍ଷ ଆସିଥାଏ। ଏହି ଶୋଭାଯାତ୍ରା ଦେଖିବା ପାଇଁ ପ୍ରତ୍ୟେକ ବର୍ଷ ଭିଡ଼ ଲାଗିଥାଏ। କିନ୍ତୁ ଚଳିତ ବର୍ଷ ଏ ସବି ହେବ ନାହିଁ କୋଭିଡ୍ କଟକଣା ଭିତରେ ଉଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶ ଓ ରାଜ୍ୟ ସରକାରଙ୍କ ପରାମର୍ଶ ଅନୁଯାୟୀ ଭସାଣ ଉତ୍ସାବ ପାଳନ କରାଯିବ।
