ଭଦ୍ରକ, ୨୯ା୮ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଣ୍ଡାରିପୋଖରୀ କଲ୍ୟାଣମଣ୍ଡପରେ ଡଃ ଆମ୍ବେଦକର ଦଳିତ ସେବା ସଂଘର ସ୍ଥାନୀୟ ଶାଖା ପକ୍ଷରୁ କରୋନା ଯୋଦ୍ଧା ସମ୍ମାନ ବ୍ଲକ ସଭାପତି ଉମାକାନ୍ତ ଯେନାଙ୍କ ପୌରହିତ୍ୟରେ ଶୁକ୍ରବାର ଅନୁଷ୍ଠିତ ହୋଇଯାଇଛି । ତରଣୀସେନ ଯେନାଙ୍କ ସଂଚାଳନାରେ ଅନୁଷ୍ଠିତ କାର୍ଯ୍ୟକ୍ରମରେ ସ୍ଥାନୀୟ ମେଡିକାଲର ସ୍ୱାସ୍ଥ୍ୟଅଧିକାରୀ ଓ କର୍ମଚାରୀ, ଥାନାଧିକାରୀ ଓ କର୍ମଚାରୀ, ବ୍ଲକ କର୍ମଚାରୀ, ଗଣମାଧ୍ୟମ ପ୍ରତିନିଧି, ସମାଜସେବୀ ଓ ସରପଞ୍ଚମାନଙ୍କୁ କରୋନା ମହାମାରୀ ଲଢ଼େଇରେ ନିଜ ନିଜସ୍ତରରେ ବଳିଷ୍ଠ ଯୋଗଦାନ ପାଇଁ ପୁଷ୍ପଗୁଚ୍ଛ, ଉତ୍ତରୀୟ ଓ ମାନପତ୍ର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । ସଂଘର ସମ୍ପାଦକ ଉମାକାନ୍ତ ଯେନା, ରବିନ୍ଦ୍ର ଯେନା, ବରିଷ୍ଠ ଉପଦେଷ୍ଟା ଦିବାକର ଯେନା, ଭାଗବତ ଯେନା, ଧରଣୀଧର ଯେନା, ନିଗମାନନ୍ଦ ଯେନା, ମାଧବାନନ୍ଦ ଯେନା, ସୋମନାଥ ଯେନା, ସୁଜିତ କୁମାର ଯେନା, ମଦନ ମୋହନ ଯେନା ପ୍ରମୁଖ ସଂଘର ସଦସ୍ୟମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
